Sunday, June 20, 2010

Nutrition အာဟာရ

(ယမုန်နာ ဆေးခန်းလက်ထောက်များအတွက် သင်ခန်းစာသာဖြစ်သည်၊)
လူ့ ခန္ဓာကိုယ်အား ရေ၊ (အမိုင်နိုအက်စစ်)၊ (ဖက်တီးအက်စစ်)၊ (နူးကလီးရစ်အက်စစ်)၊ သကြား၊ (ဖိုင်ဗာ)များ ဖြစ်သည့် (ကာဗွန်ဟိုက်ဒရိတ်) စသည်တို့ဖြင့် တည်ဆောက်ထားသည်။ ယင်းဓါတ်ပေါင်းများသည် (ကာဗွန်)၊ (ဟိုဒရိုဂျင်)၊ (အောက်စီဂျင်)၊ (နိုက်ထရိုဂျင်)၊ (ဖေါ့စ်ဖါးရပ်စ်)၊ သံဓါတ်၊ သွပ်ဓါတ် စသောဓါတ်များပါဝင်သည်။ ၄င်းတို့အား စုပေါင်းလျက် (ဟော်မုန်း)၊ (ဗီတာမင်)စသည်တို့ ဖြစ်လာသည်။ စားလိုက်သည့် အစားအစာများအား အစာခြေစနစ်မှနေ၍ အစာကို သွေးထဲ ရောက်အောင် စုပ်ယူနိုင်သည်အထိ အဆင့်ဆင့် ခြေပေးရသည်။

အာဟာရဓါတ် ၆ မျိုး
1. Carbohydrates (ကာဗွန်ဟိုက်ဒရိတ်)
2. Proteins ပရိုတင်း၊
3. Fats အဆီ၊ 4. Vitamins ဗီတာမင်များ၊
5. Minerals ဓါတ်ဆားများ၊
6. Fiber (ဖိုင်ဗာ)နှင့် ရေ။

Carbohydrates (ကာဗွန်ဟိုက်ဒရိတ်)၊ Proteins ပရိုတင်း နှင့် Fats အဆီတို့က Energy ခွန်အားကိုရရှိသည်။ Calorie (ကလိုရီ) နှင့်တိုင်းတာသည်။ (ကာဗွန်ဟိုက်ဒရိတ်)၊ ၁ ဂရမ် မှ ၄ ကလိုရီ၊ ပရိုတင်း ၁ ဂရမ် မှ ၄ ကလိုရီ၊ နှင့် အဆီ ၁ ဂရမ် မှ ၉ ကလိုရီတို့ အသီးသီးရရှိသည်။ (ကာဗွန်ဟိုက်ဒရိတ်)ဆိုသည်မှာ နေ့စဉ်မစားမနေ စားကြရသည့် ဆန်၊ ဂျုံ၊ ပြောင်း၊ လူး-ဆပ်တို့မှာပါဝင်သည်။

Protein အသားဓါတ်ဟုလူသိများသော ပရိုတင်းတွင် မရှိမဖြစ်သော Essential Amino Acid (အမိုင်နို-အက်စစ်)များ ပါဝင်သည်။ လူ၏ပျက်စီးသွားသော (တစ်ရှူး)များ၊ (ဆဲလ်)များ အစားထိုးရန်၊ အသစ်တည်ဆောက်ရန်အတွက် အသုံးကျသည်။ အသား၊ ပဲ၊ ငါး၊ ဥ၊ အစေ့အဆံ၊ နို့၊ နို့ထွက် ပစ္စည်းများကရရှိသည်။ ကိုယ်အလေးချိန် ၇ဝ ကီလို ရှိသူအတွက် တနေ့လျင် ပရိုတင်း ၇ဝ ဂရမ်လိုအပ်သည်။ (ဖိုင်ဗာ) ဆိုသည်မှာ အသီးအနှံများတွင် ပါဝင်သည်။ ၄င်းကိုမစားက ဝမ်းချုပ်စေသည်။

လူ့ခန္ဓာကိုယ် အလေးချိန်၏ အလေးချိန် ၇ဝ% သည် ရေဖြစ်သည်။ တနေ့လျင် ရေ ၁-၉ လီတာ လိုအပ်သည်။ ရေနည်းပါက dehydration ရေခမ်းခြောက်ခြင်း အခြေအနေ ဖြစ်လာမည်။ လိုအပ်သော ဓါတ်ဆားများမှာ Calcium, Chloride, Magnesium, Phosphorus, Potassium, Sodium, Sulfur, Copper, Chromium, Manganese, Molybdenum, Nickel, Selenium, Vanadium, Cobalt, Iodine, Iron တို့ဖြစ်ကြသည်။

မျှတသော အစားအစာ Balanced Diet
အမျိုးအစား စုံလင်အောင် စားရသည်။ သင်တင့် မျှတစွာ ပါဝင်ရမည်။ အာဟာရ လိုအပ်ချက်နှင့်လည်း ပြည့်မီရမည်။ လိုအပ်ချက် အနည်းအများရှိသည်။ အလုပ်ကြမ်း လုပ်ရသူ၊ ကိုယ်ဝန်ဆောင်များက ပို၍စားရမည်။ သန့်ရှင်းရေးနှင့် ကိုယ်လက် လေ့ကျင့်ခန်း လုပ်ခြင်းအားဖြင့် လူသည် ကျန်းမာ သန်စွမ်းစေသည်။ ကိုယ်ဝန်ဆောင်စဉ် သံဓါတ်၊ ဖေါလစ်-အက်စစ်၊ ဗီတာမင် ဘီ ၁၂၊ ဗီတာမင်ဘီအုပ်စု၊ ကယ်လ်စီယန် ဓါတ်ဆားများ ပေးရမသည်။ အရက်ကြောင့် အသဲရောင်ခြင်း Alcoholic Hepatitis ဖြစ်လာလျင် (Vitamin supplement + 40 kcal/kg + 1.5-2 G/kg as protein + Folic acid + B 1) တို့ပေးရသည်။ အာဟာရနှင့် ဆေးကုခြင်းမျိုးဖြစ်သည်။

Cholesterol (ကိုလက်စတီရော) ဆိုသည်မှာ အစားအစာထဲတွင် ပါဝင်သော အဆီတမျိုးဖြစ်သည်။ လိုအပ်သော်လည်း များပါက သွေးကြောလေးများ၏နံရံတွင် လာစုသောကြောင့် သွေးကြောကျဉ်းရောဂါ ဝင်လာသည်။ တိရစ္ဆာန်အဆီ-အရွတ် များ၌ (ကိုလက်စတီရော) ပါဝင်သည်။ (မာဂျရင်း)၊ (ကွတ်ကီးစ်)၊ (ခရက်ကား)တို့မှာလည်း များသည်။ အဆီနည်းသော ဆီများမှာ corn, canola, olive, safflower, soybean and sunflower တို့ဖြစ်ကြသည်။ ကျန်းမာရေးနဲ့ မသင့်သော ဆီများအား Trans fats or trans fatty acids ဟုခေါ်သည်။ ဝါစေ့ဆီ၊ ပဲပုတ်စေ့ဆီများကို ဟိုက်ဒရိုဂျင် ထပ်ပေါင်းထည့် လိုက်ခြင်းဖြစ်သည်။ အသုံးခံ၊ အစားအသောက်ကလည်း အရသာထူးလာစေသည်။ အဆိုး(LDL) နှင့် အကောင်း(HDL) နှစ်မျိုးရှိသည်။ အဆိုးများလျင် နှလုံးသွေးကြောကျဉ်း (စထုပ်ခ်)၊ ဆီးချို အမျိုးအစား ၂ ရနိုင်သည်။ အဝလွန်၊ အသဲ၊ ကင်ဆာ၊ အဇာမိုင်ယားရောဂါများလည်း ဖြစ်စေသည်။ ပြောင်းရန်မလိုဘဲ နွားနို့၊ အမဲ-ဆိတ်-သိုးအဆီ၊ ထောပတ်၊ မာဂျရင်းများတွင် (ထရန့်ဆီ) ပါနေပြီးဖြစ်သည်။

Junk food ဆိုသည်မှာ အလွယ် ဝယ်ယူစားသောက်နေကြသော ခေတ်ပေါ်အစာများကို ခေါ်သည်။ အာဟာရတန်ဘိုး နည်းနည်း သာပါဝင်ပြီး။ ကျန်းမာရေး ထိခိုက်စေနိုင်သော ဆား၊ (ထရန့်ဆီ)၊ ကလိုရီများသည်။

အစားအစာများကို အအေးခံခြင်း၊ ရေခဲသေတ္တာထဲထားခြင်းနည်းများဖြင့် သိုလှောင်ထားရာ၌လည်း သတိထားရမည်။ ယင်-ကြွက်-ကြောင်-ပိုးဟပ်စသည်များ မလာစေရန် လုံခြုံအောင် ဖုံးထာရန်လည်း သတိထားရမည်။ ချက်ပြုတ်ရာတွင် လည်း အပူချိန်၊ လှီးဖြတ်သည့်ဓါးစသည်၊ ထည့်-ဆေးသည့် အိုးခွက်စသည်များကိုလည်း သတိထား ရန်လိုသည်။

Vitamins ဗီတာမင်များ
အမျိုးအစားပေါင်း ၁၂ မျိုးတွေ့ ထားပြီးဖြစ်သည်။ အဆီထဲ ပျော်ဝင်သည့်အုပ်စုနှင့် ရေထဲ ပျော်ဝင်သည့်အုပ်စုဟု နှစ်မျိုး ရှိသည်။ Vitamin B, C တို့သည် ရေထဲပျော်ဝင်ကြသည်။ Vitamin A, D, E and K တို့သည် အဆီထဲ ပျော်ဝင်ကြသည်။ ပိုနေလျင် အသဲထဲ၌ သိမ်းထားသည်။ E ကိုမူ အဆီထဲမှာ သိမ်းထားသည်။

Vitamin A (Retinol) အသဲ၊ ဥ၊ နို့နှင့် နို့ထွက်အစာများ၊ မုန်လာဥနီမှာ ပါဝင်သည်။ အရေပြားနှင့် အပေါ်ဖုံးလွှာများ ကောင်းစေရန်၊ အရိုးကြီးထွားရန်၊ ဆဲလ်များအသစ်ပြုပြင်ရန်၊ ခုခံအားကောင်းရန်၊ ကြက်မျက်သင့်ရောဂါကာကွယ်ရန်။

Vitamin B 1, Thiamine (ရိစ်)၊ ဥ၊ အသဲ၊ အစေ့-အဆံ၊ အသားတို့မှာ ပါဝင်သည်။ (ဗယ်ရီဗယ်ရီ)ခေါ်ထုံနာ-ကျင်နာ ရောဂါကို ကာကွယ်သည်။

Vitamin B 2, Riboflavin နို့နှင့် နို့ထွက်အစာများ၊ ဥ၊ အသဲ၊ အသီးအရွက်၊ ဆန်၊ ဂျုံ၊ ရိစ် တို့မှာပါဝင်သည်။ ချို့ တဲ့ပါက ကျီးကန်းပါးစပ်နာဖြစ်စေသည်။

Vitamin B 6 (Pyridoxine) အချို့ ဆေးဝါးများကြောင့်၎င်း နည်းစေသည်။ ဥပမာ တီဘီ ဆေး၊

Vitamin B 9 = Folic Acid သွေးနီဥသန်စွမ်းစေရန် အသုံးဝင်သည်။

Vitamin B 12 (Cobalamin) (ရိစ်)၊ နို့နှင့် နို့ထွက်အစာများ၊ ဥ၊ အသဲ၊ ငါး၊ အသားတို့မှာ ပါဝင်သည်။ ခန္ဓာကိုယ်ကြီးထွား စေရန်၊ (ဆဲလ်) တည်ဆောက်ရန်၊ သွေးနှင့် အာရုံကြော ကောင်းစေရန်အတွက်ဖြစ်သည်။ ၄င်းနည်းပါက Pernicious Anaemia ဖြစ်စေသည်။

Vitamin C (Ascorbic Acid) စိမ်းသော အသီးအရွက်များ၊ အသီးအနှံများမှာ ပါဝင်နေသည်။ အရိုး၊ သွား၊ သွားဖုံး၊ သွေးကြော၊ အရွတ်ကောင်းစေသည်။ ခုခံအားလည်း ကောင်းစေသည်၊ အနာကျက်စေသည်။ ချို့တဲ့ပါက Scurvy ရောဂါ ရစေသည်။

Vitamin D ငါးကြီးဆီ၊ နို့ထွက်အစာများမှာ ပါဝင်သည်။ နေရောင်ကြောင့် Vitamin A မှ Vitamin D ဖြစ်လာစေသည်။ အရိုးတည်ဆောက်ရန် အသုံးကျသည်။ ချို့တဲ့ပါက Rickets အရိုးပြော့ရောဂါဖြစ်စေသည်။

Vitamin E အသီးအရွက်ကရသော ဆီ၊ ဂျုံ၊ ဆန်၊ ပေါင်မုံ့ ၊ ဥ၊ အစေ့အဆံများမှာ ပါဝင်နေသည်။ သွေးဥ၊ ကြွက်သား၊ အာရုံကြောများ အလုပ်ကောင်းစေရန် အသုံးကျသည်။

Vitamin K အသီးအရွက်များမှာပါသည်။ သွေးတိတ်စေသည်။

Basal Metabolic Rate (BMR) လူတိုင်း မည်သည့် အလုပ်အကိုင်မျိုးမှ မလုပ်ဘဲ နေလျင်ပင် အသက်ရှင်နေနိုင်ရန် ကိုယ်အင်္ဂါ အစိတ်အပိုင်းများ အလုပ်လုပ်နေနိုင်ရန်အတွက် လိုအပ်သော အနည်းဆုံးလိုအပ်ချက် (ကယ်လိုရီ)ကို ခေါ်သည်။ ၄င်းကလိုရီမှာ လူတယောက်နေ့ စဉ် လိုအပ်ချက် စုစုပေါင်း၏ ၆၀-၇၀%ရှိသည်။
ပေါင် ၁၅၀ လေးသည့် လူကြီး (ယောက်ျား) = ၁၈၀၀ ကယ်လိုရီ၊ (BMR)၊
ပေါင် ၁၂၀ လေးသည့် လူကြီး (မိန်းမ) = ၁၃၂၀ ကယ်လိုရီ၊ (BMR) ရှိသည်။

ပိန်သောသူတဦး တနေ့လိုအပ်ချက် = (ကိုယ်အလေးချိန် ပေါင်) x ၁၄ ကယ်လိုရီ၊
မပိန်-မ၀သူတဦး တနေ့လိုအပ်ချက် = (ကိုယ်အလေးချိန် ပေါင်) x ၁၇ ကယ်လိုရီ၊
အလုပ်ကြမ်းလုပ်ရသူတဦး တနေ့လိုအပ်ချက် = (ကိုယ်အလေးချိန် ပေါင်) x ၂၀ ကယ်လိုရီ၊

ပေါင် ၁၂၀ လေးသော အမျိုးသမီးတယောက် အောက်ပါအလုပ်တခုကို ၁၀ မိနစ်ကြာလုပ်လျင် ကုန်မည့် ကယ်လိုရီ၊
• အေရိုးဗစ် သာမန် Aerobics low impact 45.4
• အေရိုးဗစ် အပြင်စား Aerobics high impact 63.6
• ရောဂလေ့ကျင်ခန်း သာမန် Stretching: Mild Yoga 22.7
• အလေးမခြင်း Weight Lifting 54.5
• စက်ဘီစီးခြင်း Bicycling 16-19 mph 109
• ကြိုးခုန်ခြင်း Rope Jumping 90.9
• ၅ မိုင်နှုန်းပြေးခြင်း Running 5 mph (12 min/mile) 72.7
• ၁၀ မိုင်နှုန်းပြေးခြင်း Running 10 mph (6 min/mile) 145.4
• တင်းနစ်ရိုက်ခြင်း Tennis 72.7
• ပြေး-ခုန်ပစ် Track & Field 54.5
• ၅ မိုင်နှုန်း လမ်းလျောက် Walk: 5 mph (12 min/mi) 72.7
• တင်းခွဲ Chopping & splitting wood 54.5
• ဥယျာဉ်လုပ် Gardening 40.9
• တံပျက်စီးလှည်း Sweeping 36.3
• ကလေးထိန်း Child-care 27.2
• အိမ်သန့်ရှင်းရေး Cleaning House 27.2
• ထမင်းချက် Cooking / Food Preparation 18.1
• သန့် ရှင်းရေး အပြင်းလုပ်ခြင်း Heavy Cleaning 17.2
• မီးပူတိုက် Ironing 20.9
• အိပ်စက်ခြင်း Sleeping 8.1
• တီဘီကြည့်ခြင်း Watching TV 9.0
• ကွန်ပြူတာစာရိုက် Typing: Computer 13.6
• ကျောက်မီးသွေးမိုင်းအလုပ် Coal Mining 54.5
• လက်သမားအလုပ် Carpentry Work 31.8
• ဆောက်လုပ်ရေးအလုပ် Construction 49.9

For Vitamin and Mineral Supplements Video see http://video.about.com/nutrition/Vitamins-Minerals.htm

Read more...

Appendix အူအတက်

Q: မရှင်းတာလေး ၁ခုလောက်ရှိလို့ မေးခွင့်ပြုပါဆရာ။ ၀မ်းဗိုက်၏ ညာဘက်ချက်အောက်ဘက်က ဗိုက်အောင့်တိုင်း အူအတက် ဖြစ်နိုင်ပါသလား။ အမြဲတမ်း မအောင့်ပဲ တခါတလေမှ အောင့်ပြီး ၁၅ မိနစ်လောက်နေလျှင် ပြန်ပျောက် သွားပါတယ်။ အောင့်လျှင်လည်း ခါးကုန်းနေသည်အထိ အောင့်ပါတယ်။ အူအတက် သို့မဟုတ် မည်သည့် ရောဂါ ဖြစ်နိုင်ပါသလဲ။ မည်သို့ ကုသ၍ရနိုင်ပါမည်ကိုလဲ ကျေးဇူးပြု၍ ညွှန်ကြားပေးစေလိုပါတယ် ဆရာ။

A: အူအတက်ရှိတဲ့နေရာကို အပြင်ကနေ အတိအကျသိချင်ရင် စိတ်ကူးမျဉ်းဆွဲရတယ်။ “ချက်” ရယ်၊ “တင်ပါးဆုံရိုးပြား ထိပ်နေရာ” ရယ်ကို မျဉ်းတကြောင်းဆွဲပါ။ အဲဒီနေရာဆိုတာက ခါးဘေးအောက်၊ ပေါင်အထက်မှာ လက်နဲ့စမ်းရင် အရိုးမာမာ ဘုကလေးလို ရှိနေတဲ့နေရာပါ။ ပိန်ပိန်-၀၀ စမ်းလို့ရတယ်။ တင်ပါးမှာ ဆေးထိုးတဲ့အခါ အဲဒီအရိုးစွန်းလေးကို လက်မနဲ့ စမ်းပြီးထိုးတာ ကောင်းတဲ့သင်ကြားမှုကို ရထားသူဖြစ်တယ်။

ဆွဲထားတဲ့မျဉ်းကို သုံပိုင်းညီညီ စိတ်ထဲမှာဘဲ ပိုင်းကြည့်လိုက်ပါ။ ချက်ဘက်က ၂ ပိုင်းနဲ့ အရိုးစွန်းဘက်က ၁ ပိုင်း ဆုံရာ နေရာရဲ့ အောက်တည့်တည့်မှာ အူအတက်က ရှိနေတယ်။ အူအတက်မှာ တခုခုဖြစ်ရင် အများဆုံးနာတာက အဲဒီ (ပွိုင့်)မှာ နာတာက အများဆုံး ဖြစ်တယ်။ နည်းနည်းလွဲတာလည်း ရှိတာပေါ့။

အူအတက်ရောဂါတွေမှာ Acute Appendicitis ရုတ်တရက်ရောင်တာရယ်၊ Sub-Acute Appendicitis ရက်ပိုကြာတာရယ်၊ Appendicular Abscess, Burst Appendix ပြည်တည်-ပေါက်ထွက်သွားတာရယ်၊ Appendicular Lump အစိုင်အခဲ ဖြစ်နေတာရယ် ဆိုပြီးရှိတယ်။ ရုတ်တရက်ရောင်ရင် ချက်ချင်းဖြစ်၊ ချက်ချင်း ဆရာဝန်ဆီရောက်၊ ချက်ချင်း ခွဲစိတ်ရတာမျိုး ဖြစ်တယ်။ နာရင်လဲ ခေတ်စကားနဲ့ဆို အသားကုန်နာတာပေါ့။ ပေါက်သွားရင် ရုတ်တရက်ရောင်တာထက် ပိုနာတယ်။

သိပ်မဆိုးလို့ ဆရာဝန်ဆီလည်း မရောက်၊ ပေါက်လဲမထွက်သူတွေက ရက် နည်းနည်းရှိမှ ရောက်လာတတ်တယ်။ ချက်ချင်း ခွဲစရာလည်း မလိုဘူး။ ရက်နောက်ကျမှာလာသူတွေကို ပြောခဲ့တဲ့နေရာကို သေခြာခြာစမ်းရင် အစိုင်အခဲကို တွေ့နိုင်တယ်။ ဒီလိုလူနာကိုလည်း ချက်ချင်းမခွဲဘူး။ ၂ လတန်သည်၊ ၃ လတန်သည် စောင့်ပြီး၊ အေးအေးဆေးဆေး လူနာလည်းအား ဆရာဝန်လည်း အလုပ်မများချိန်မှာ ရက်ရွေးပြီး ခွဲစိတ်ရတယ်။

ပြောတဲ့နေရာမှာ နာတိုင်း အူအတက် ဟုတ်ချင်မှ ဟုတ်တယ်။ အူအတက်ရောဂါဖြစ်တာကို ပိုသေခြာအောင် စမ်းရမယ်။ ဆေးခန်း လက်ထောက်ဆရာမတွေကို သင်ပေးသလို ရေးပါရစေ။ လူနာကို ပက်လက်ထား၊ ဗိုက်ကို လက်ဝါးပြင်နဲ့ အသာအယာ စမ်းပါ။ အူအတက်ရှိတဲ့နေရာကို တခါတည်း သွားမစမ်းသေးနဲ့အုံး။ စမ်းတဲ့လက်နဲ့ လူနာ့ဗိုက် ရင်းနှီး ကြွမ်းဝင်သွားအောင် စကားစမြီပြောရင်း စမ်းပါ။ ပိုင်ပိုင်နိုင်နိုင်၊ ကိုယ့်လက်ဝါးနဲ့ သူ့ဗိုက်သားနဲ့ အမျိုးတော်နေသလို ဖြစ်အောင်လုပ်ပြီး စမ်းပါ။ ခဏနေမှ အူအတက်ရှိရာ တည့်တည့်ကို တပဲသားမှ လွဲမသွားအောင် စမ်းပါ။ နာ-မနာ ဆိုတာ သိဘို့ဖြစ်တယ်။ စမ်းနေရင်း လူနာကို နာသလား မေးစရာ မလိုသေးဘူး။ လူနာ့ မျက်နှာကိုသာ ကြည့်နေပါ။ နာတာကို အမူအယာနဲ့ သိနိုင်တယ်။ မျက်နှာ ရှုံ့သွားမယ်။ လိုမှသာ နာ-မနာမေးပါ။

နာတာကို ဘာသာပြန်ရင် Pain, Painful ပေါ့။ အမှန်က ခံစားရသူကနေ “နာတယ်ဆရာ” လို့ ဆရာဝန်က လက်နဲ့မထိခင် ပြောတာကိုသာ အဲလိုခေါ်တယ်။ စမ်းကြည့်တဲ့အခါ နာတာကို Tenderness လို့ ခေါ်ရတယ်။ အူအတက် ရောင်ရင် Pain ရော Tenderness ရောရှိတယ်။ လေနာသမားကို စမ်းရင် Pain ရှိပေမဲ့၊ စမ်းတဲ့လက်ကြောင့် အနာတောင် သက်သာနိုင်တယ်။

နာတာသိယုံနဲ့ “ဟာ အူအတက်ကွ” လို့ ဆုံးဖြတ်ချက်ကို (ဂျမ့်ပ်) မလုပ်နဲ့အုံး။ ဆက်စမ်းရအုံးမယ်။ နာပါတယ်ဆိုတဲ့ အူအတက်နေရာကို အသာအယာ ဖိပေးထားပြီး၊ ရုတ်တရက် စမ်းတဲ့လက်ကို ၉၀ ဒီဂရီ ပြန် မ, ပြစ်လိုက်ပါ။ အဲဒီအခါ လူနာ့မျက်နှာ တခါထပ်ရှုံ့လိမ့်မယ်။ မတတ်သာလို့ “မရွှေတက်” နှစ်ခါနာ ဖြစ်အောင်လုပ်ရတာ။ “ဆောရီး” နော်။ ပိုသေခြာလာပြီ။ အဲ့့ လူနာနားက မခွါနဲ့အုံး။

စမ်းတဲ့လက်ကို အူအတက် မရှိတဲ့ ဗိုက်အောက်ပိုင်း ဘယ်ဘက်ခြမ်းကို စမ်းပါ။ မေးရင် မနာဘူးပြောမယ်။ အဲဒီဘက်ကနေ အူအတက်ဆီ တွန်းပေးကြည့်လိုက်ပါ။ ရောင်နေတဲ့ အူအတက်ဆီ တဖက်က အူတွေကို တွန်းဖိပေးလို့ နာပြန်ရတာ ဖြစ်တယ်။ “မရွှေတက်” ခင်ဗျာ တတိယမိနာတယ် ပြောလိမ့်မယ်။ ဒုတိယမိ “ဆောရီး” နော်။

ပိုပိုသေခြာလာပြီ။ ဒါတင်ဘဲလားဆိုတော့ မဟုတ်သေးဘူး။ ကိုယ်ပူတယ် မပြောလည်း အဖျားတိုင်းပါ။ အပူချိန် မြင့်နေရင် ပြောပေတာ့။ “ယူ့ အပဲန်ဒစ် တခုခုဖြစ်နေပြီ” လို့။

တော်တော့ဆရာက ဒါလောက်ဘဲ သင်မယ်။ ကိုယ်သင်တဲ့ ဆရာမ အကုန်အစင် ရစေချင်တယ်။ ဆက်မေးစရာ၊ စမ်းစရာ၊ ကျန်သေးတယ်။ လူနာတွေဟာ တယောက်နဲ့ တယောက် အနာခံနိုင်တာ မတူကြသလို ပညာခံလည်း ကွာတယ်။ တချို့က သဲတယ်။ ပါလာတဲ့ အမျိုးတွေရှေ့ ချွဲချင်လို့ ဟိုနေရာစမ်းလည်း နာတယ်၊ ဒီနေရာလည်း နာတယ်၊ လုပ်တတ်တယ်။ တချို့က ပညာခံနည်းတော့ မပြောတတ်ဘူး။ တိတိပပ သိရအောင်လုပ်ရမယ်။ Sympathy ကို ခဏထား Empathy နဲ့ စမ်းပါလေ။

လူနာက အမျိုးသမီးဆိုရင် ဆက်မေးစရာတွေ ရှိလာပြီ။ အဖြူဆင်းသလား မေးပါ။ ဆင်းရင် ယားသလား မေးပါ။ မွေးလမ်းကြောင်း ရောင်တာလည်း ထည့်စဉ်းစားရမယ်။ သားအိမ်ပြွန် ညာဘက်ရောင်နေရင် အူအတက်နေရာနဲ့ သိပ်နီးလို့ နာတဲ့နေရာ တူတယ်။ အူအတက်က သူချည်းဖြစ်ရင် အဖြူမဆင်းဘူး။ ဘယ်ဘက်ပါ နာချင်နာနေမယ်။ ဒါဆို အူအတက် မဟုတ်နိုင်တော့ဘူး။

ရာသီမှန်-မမှန် မေးပါ။ မမှန်ရင် ထိန်သလား။ အိမ်ထောင်ရှိရင် ကိုယ်ဝန်ရှိလား မေးပါ၊ စစ်ပါ။ ကိုယ်ဝန်နုတုံး၊ သားအိမ်ပြင်ပ၊ ညာဘက်ပြွန်မှာ ကိုယ်ဝန်တည်ရင် ဆင်တူနေပြန်တယ်။

ကလေး-လူကြီး၊ အမျိုးသမီး-အမျိုးသား၊ သန်ကောင်ကိုလည်း ထည့်စဉ်းစားပါ။ Pain ဘဲရှိမယ်။ Tenderness မရှိဘူး။

နောက်တခါ ၀မ်းကိုက်ဘူးတဲ့ ရာဇ၀င်လည်း မေးပါအုံး။ (အမီးဗား) ၀မ်းကိုက်ပိုးက အူမကြီးအစပိုင်း၊ အူအတက် ထွက်တဲ့နေရာ Caecum မှာ လာရောင်တတ်တယ်။ သူကလည်း ဖျားနိုင်တယ်။ အစိုင်အခဲလိုလိုလည်း စမ်းလို့ရတယ်။ Appendicular lump နဲ့ ခွဲသိရမယ်။

ဆီးလမ်းကြောင်းမှာ ကျောက်ကပ်ကနေ ဆီးအိမ်ကို ဆင်းတဲ့ Ureter ဆီးပြွန် ညာဘက်ထဲမှာ ကျောက်က တစ်နေရင်လည်း နာတယ်။ နာတာက အူအတက်ထက်တောင် နာတယ်လို့ ပြောနိုင်တယ်။ ချွေးပြန်တဲ့အထိ။ သူနာတာကို Pain လို့ မခေါ်ဘူး။ Agony လို့ ခေါ်မှ တိကျတယ်။

ချုပ်လိုက်ကြအောင်။ မေးတဲ့သူမှာ Acute Appendicitis မဟုတ်နိုင်ပါ။ လိုတာတွေ စစ်ပါ။ လိုတယ်ထင်သေးရင် မေးပါ။

Dr. တင့်ဆွေ
၂၃-၅-၂၀၁၀

Read more...

Allergy သို့မဟုတ် မတည့်အတူနေ

Q 1: ကျမ အခုနှစ်ပိုင်းမှာ အသားဆိုရင် မည်သည့်အသားပဲဖြစ်ဖြစ် စားပြီးရင် အလာဂျီဖြစ်လာတယ်။ တကိုယ်လုံး အဖုအပိန့်တွေ ထွက်လာပြီး ယားတယ်။ အသားသတ်လွတ် မစားချင်လည်း စားနေရတယ်။ ဘာဆေး သောက်သင့်ပါသလဲ?

Q 2: Allergic ဖြစ်တာကို အမြစ်ပြတ်အောင် ဘာဆေးစားရမှာလဲဆိုတာ လမ်းညွန်ပေးပါဦးဆရာ။ ကျမမှာလေ seafood တွေကိုစားရင် အရမ်းယားပါတယ်၊ ယားတဲ့နေရာက ခနွာကိုယ်က တနေရာပြီး တနေရာ လည့်ပြီးတော့ကို ယားတာ။ အရင်ကတော့ လက်ချောင်းတွေကြားမှာ အရည်ကြည်ဖုလေးထွက်ထွက်လာတယ် ကုတ်ရင် အဖုက ပိုများလာတယ်။

အခုကျတော့ seafood အများကြီးစားမိရင် မိန်းမအဂါင်္စပ်မှာ ယားတဲ့အဖု ထွက်လာပါတယ်။ မကုတ်ရဲဘူး။ တအား များလာမှာ စိုးလို့ပါ။ ယားတာကိုလည်း အမြစ်ပြတ်ချင်လှပါပြီ။ ယားလာရင် ADEZIO သောက်ပါတယ်။ ပိုဆိုးတာက မိတ်ကပ်တွေ လိမ်းရင်လည်း မျက်နှာမှာ ယားတယ်။ အစကတော့ မိတ်ကပ်တွေ မကောင်းလို့ပဲ ထင်ခဲ့တာ။ ဒါပေမယ့် အကောင်းစားတွေလည်း ၀ယ်စမ်းကြည့်ပြီးပါပြီ။ ယားတာပါပဲဆရာ။ အခုက ရိုးရိုး skin naturals lotion တွေကိုပဲ လိမ်းနေရတာ၊ ဘာမိတ်ကပ်မှကို လိမ်းလို့မရပဲဖြစ်နေတာ။ တခါတလေတော့ အလှတော့ ပြင်ချင်တာပေါ့ ဆရာရယ်။ နှတ်ခမ်းနီတွေ လိမ်းရင်လည်း နှတ်ခမ်း ယားတတ်ပါတယ်။ ဘာနှတ်ခမ်း အရောင်တွေကိုမှ လိမ်းလို့မရပါဘူး။ ရိုးရိုး အဆီ lipice တွေပဲ လိမ်းနိုင်တာ။ အဲဒါတောင်မှ NIVEA ကထုတ်တဲ့ lipice strawberry တမျိုးပဲ လိမ်းလို့ရတာ။ အဲဒီ Allergic နဲ့ပါတ်သတ်ပြီးတော့ ကျမဘယ်လိုပျောက်အောင်ကုရမှလဲဆိုတာ လမ်းညွန်းပေးပါဆရာရယ်။ အားကိုးပါတယ်ဆရာ။ ကျေးဇူးလည်း အများကြီးတင်ပါတယ်။

A: “အမေးရှိတော့ အဖြေရှိ၏။ အနာသိ ဆေးရှိ၏။ ဘာမှမပူနဲ့၊ ဆရာနဲ့တွေ့ ပျောက်ပြီသာမှတ်။” အရပ်ဆေးဆရာများ ဆိုရင် အဲလိုပြောလိမ့်မယ် ထင်တယ်။ ကျွန်တော်ပြောချင်တာကတော့ ဒီလို့။

(အလာဂျီ)ဆိုတာ မေးတဲ့သူ ရေးလိုက်တဲ့အတိုင်း ဖြစ်တဲ့လက္ခဏာတွေက အကုန်မှန်ပါတယ်။ ဖြစ်ရင် အတော် အခံရ ခက်တာ။ ဒုက္ခသေးသေးလေးကနေ အသက်ကိုပါ ရန်ရှာနိုင်တယ်။ Allergic rhinitis ဆိုတဲ့ နှာရည်တွေ တယိုယို ဖြစ်နေတာ။ Asthma ပန်းနာရောဂါ၊ Atopic eczema နှင်းကူနာ၊ Multiple allergies မတည့်ခြင်းပေါင်းစုံ (ပန်းနာ + နှင်းကူးနာ + နှာရည်ယို) အတူတွဲ ဖြစ်နေတာ ဆိုပြီးရှိပါတယ်။ Insect venom သန်း-မှက်-လှေးစတဲ့ အင်းဆက် ကိုက်ခံရတာ၊ Hook Worm ချိတ်သံကောင် ရှိတာ၊ ပန်း-မြက်-သစ်ပင်-ပေါင်းပင်တွေရဲ့ဝတ်မှုံတွေ၊ (ဖန်းဂတ်စ်)မှို၊ အိမ်မွေး တိရစ္ဆာန် ကြောင်၊ ခွေးတွေဟာလည်း (အလာဂျီ)ကို ရစေတဲ့အရာတွေပါဘဲ။

ဒီစာ ကုန်အောင်ဖတ်နေရတာနဲ့ ယားပြီး၊ အဖုအပိန့်တွေ ထွက်ရတဲ့အထဲ ဆေးနည်းမပြောသေးလို့ ဒေါသထွက်နေသလား။ ဒီဆိုရင် ခပ်မြန်မြန် (ဘာမီတွန်) သောက်လိုက်ဗျာ။ “ဆရာရယ် ဒါလောက်တော့ သိပါတယ်။ သောက်နေတာဘဲ၊ ပျောက်မှ မပျောက်တာ။ သက်သာပြီး ထပ်ဖြစ်တယ်ရှင့်”။ နဲနဲအောင့်ထားပြီး ဆက်ဖတ်ပါ။

မတည့်တဲ့အရာတွေထဲမှာ အများဆုံးလည်းဖြစ်၊ အဆိုဆုံးလည်း တစ် ကတော့ Drug allergies ဆေးတမျိုးမျိုးနဲ့ မတည့်တာ ဖြစ်ပါတယ်။ “ဆေး” ဆိုတဲ့ ဗမာစကားဟာ အတော်ကို ကောင်းတာပါ။ ဆေးလို့ ပြောတာနဲ့ ရောဂါဘယတွေ ကင်းစေမယ်။ ခွန်အားကိုပေးမယ်။ “ပျောက်စေ” ဆိုတဲ့ စေတလုံးပိုင်လို့ အဓိပ္ပါယ်ကို ဆောင်တာပါ။ တကယ်တော့ ဆေးဟာ အကောင်း-အဆိုး ဒွန်တွဲနေတာမျိုး ဖြစ်ပါတယ်။ ဘယ်ဆေးမှာမဆို Side-effect ဆိုတဲ့ ဘေးထွက် ဆိုးကျိုးတွေ အနည်းနဲ့အများ ရှိကြတယ်။ အဲဒါတွေထဲမှာ (အလာဂျီ) ဆိုတာက တခုပါ။

Anaphylaxis ခေါ်တဲ့ (ရှော့ခ်) “အပြင်းအထံမတည့်ခြင်း” ကတော့ အသက်ရှူတာ၊ နှလုံးခုန်တာတွေ မမှန်ဖြစ်လာပြီး၊ အရေးပေါ်ဆေးကုမှ အသက်ရှင်နိုင်တဲ့အထိ ဆိုးပါတယ်။

အစားအသောက်ကြောင့် ဖြစ်ရတာကို (အလာဂျီ) အမျိုးအစား(၁)လို့ သတ်မှတ်ပါတယ်။ Food allergies ထဲမှာ Seafood ပင်လယ်စာ၊ နွားနို့၊ ဥ၊ ငါး၊ အစေ့အဆံ၊ အချဉ်သီး၊ ခရမ်းချဉ်သီးတွေပါတယ်။ ကဲ သိပြီနော် အသားတွေကသာ (အလာဂျီ) ရစေတာ မဟုတ်ဘူး။

ခရီးဝေးတခုသွားရင်း တခြားနိုင်ငံတခုမှာ (တက်စီ) သမားနဲ့ လေပေးဖြောင့်လာတော့ သူကမေးတယ်။ “ခုခေတ်မှာ Allergy ဆိုတာ သိပ်ပေါတယ်။ ဘာလို့လဲ” တဲ့။ ကားဆရာအရွယ်က လူကြီးပိုင်းမို့ အတွေ့အကြုံအရ ပြောတာနေမှာပါ။ အရင်က အဲလိုမရှိပါဘူးတဲ့။ ဆိုချင်တာက ကျွန်တော်တို့ဆီမှာသာမဟုတ် သူများတိုင်းပြည်တွေမှာပါ ဒုက္ခပေးပါတယ်။ ဖြစ်နိုင်တာက အရင်တုံးက မရှိခဲ့တာတွေ အခုရှိလာနေလို့ ဖြစ်ရတယ်လို့ ပြောရမှာပါ။ အရင်က မရှိတာတွေထဲမယ် အစားအသောက်နဲ့ အသုံး အဆောင်တွေ အစုံပါဘဲ။ အသစ်ထွင်လိုက်တဲ့ ပစ္စည်းမျိုးစုံ၊ အစားအသောက်မျိုးစုံ၊ ဒါတွေကြောင့် နောက်ဆက် ဖြစ်လာရတဲ့ အနံ့အသက်သစ်တွေ၊ လူပြောများလာပြီဖြစ်တဲ့ ပတ်ဝန်းကျင် ညစ်ညမ်းတာတွေကိုပါ လက်ညှိုးထိုးရမှာ ဖြစ်တယ်။

မတည့်တာတခုခု ကိုယ်ခန္ဓာထဲ ၀င်လာရင် လူကနေ သူ့ကို တန်ပြန်နိုင်စွမ်းရှိတဲ့ (အင်တီဘော်ဒီ) ဆိုတဲ့ ဆေးပညာလို ပြောရရင် IgE တနည်းပြောရရင် “အတွင်းအား” ဆိုတာ အလိုလို ထွက်လာတယ်။ သူ့လူနဲ့ ကိုယ့်လူ ရန်ဖြစ်-စစ်ခင်း ကြတာကို (အလာဂျီ) လို့ ခေါ်လိုက်တာပါဘဲ။ နှာရည်တွေထွက်၊ ယားယံ၊ မျက်လုံးတွေနီရဲ၊ အရေပြား အဖုအပိန့်ထွက်၊ ၀မ်းပျက်၊ စတာတွေ ဖြစ်လာမယ်။

စစ်ကိုင်းဆေးရုံကြီးမှာ တာဝန်ကျတုံးက အပြာဝတ်ဆရာမတဦးရဲ့ခင်ပွန်း ဆံပင်ဆိုးဆေးအသစ် သုံးမိတာ ဆေးရုံတောင် တက်ကုရတယ်။ ဒါ့ကြောင့် ဆံပင်ဆိုးဆေး မှန်သမျှကို မသုံးခင် စမ်းရတယ်။ လက်ဖျံပေါ်မှာ ဆိုးဆေးကို တို့ထားပြီး၊ ၅ မိနစ်၊ ၁၀မိနစ် စဖြင့် စောင့်ကြည့်ရတယ်။ နီရဲ၊ ယားယံလာတာ မဖြစ်မှ ဆံပင်ကို ဆိုးရမယ်။

အနာသိ ဆေးရှိလို့ ဆိုပေမဲ့ အနာထပ်မဖြစ်အောင် ဘာကိုမတည့်တာလည်းဆိုတာ သိဘို့ လိုလာတယ်။ အများစုသော လူနာတွေက ဘာကိုမတည့် ဖြစ်နေတာကို မသိကြပါ။ ဒါ့ကြောင့် ဖြစ်တတ်တဲ့လူတွေ ထပ်ဖြစ်နေရတာပေါ့။ မတည့်ဘူး ထင်တာကို သေခြာအောင်၊ အတိအကျ သိအောင်လုပ်တဲ့နည်းကတော့ Desensitization သွေးစမ်းနည်းနဲ့ အရေပြား စမ်းနည်းဆိုပြီး ရှိပါတယ်။ ကရိကထ အတော်များပါတယ်။

ဒီလိုမျိုး လုပ်နိုင်တဲ့ အခွင့်အလမ်းမရှိရင် ကိုယ့်အား ကိုယ်ကိုးရပါလိမ့်မယ်။ ငါ ဘာနဲ့ တကယ်မတည့်တာလဲ ဆိုတာ စနစ်တကျ ဆန်းစစ်-ရွေးထုတ်-ရှောင်ကျဉ်ပါလေ။ မဲမဲမြင်တိုင်းတော့ တစ္ဆေမမှတ်လေနဲ့။ လူသုံးပုံတပုံလောက်က အစား တမျိုးမျိုး ရှောင်နေကြတယ်လို့ ပြောနိုင်ပေမဲ့ တကယ် မတည့်တာကတော့ ၃% လောက်သာရှိတယ်လို့ သုတေသန လုပ်တော့ တွေ့ပါတယ်။ သူငယ်ချင်းချင်း နောက်တာရှိတယ် မဟုတ်လား၊ “နင် အရင်စားကြည့်၊ နင် ဘာမှမဖြစ်မှ ဒို့စားမယ်။” ဒါဟာ အတော် ပညာရှိတဲ့နည်းဗျ။

ဗမာလူမျိုးပီပီ ခန့်မှန်းတာကို လွယ်လွယ်ကြီး လုပ်တတ်တယ်။ ဒါကြောင့် ထင်တယ်။ ဒါများလား မသိ။ ဘေးက လူတွေကလည်း စေတနာတော့ ရှိတာပေါ့။ ဟိုဟာက မတည့်ဘူးအေ့။ ဒီဟာကို မစားနဲ့ကွ။ ဒီလိုနဲ့ ရှောင်လိုက်ရတာများ စားစရာကို မရှိတော့ဘူး။ အသားကြောင့်ထင်လို့ (ဗက်ဂျီ) လုပ်လိုက်ရတဲ့အဖြစ်က ဒါ့ကြောင့်ပေါ့။

အမှန်က မတည့်တာ တမျိုးထည်း ဖြစ်လေ့ရှိတာပါ။ တမျိုးမှာတောင် တိတိကျကျပြောရရင် တမျိုးထဲကမှ တမျိုးက မတည့်တာမျိုး။ ခေါင်းရှုတ်မသွားနဲ့၊ ဒီလိုပါ။ ဟင်းတခွက်ချက်ရင် အမယ်မျိုးစုံ ထည့်ချက်ရတယ် မဟုတ်လား။ အဲဒီထဲက နံနံပင် ဖြစ်ချင်ဖြစ်မယ်။ ကြက်သွန်နီ ဖြစ်ချင်ဖြစ်မယ်။ ကိုယ်နဲ့မသင့်တာက တခုခုထဲ ဖြစ်မှာပါ။

အသုံးအဆောင်တွေမှာလည်း အဲလိုဘဲ။ ခေါင်းလျှော်ရည်တခုမှာ အမယ်စုံထည့် လုပ်ထားတာကိုး။ မွှေးအောင်လုပ်တဲ့ ဓါတုပစ္စည်းလေးတခုကြောင့် ခေါင်းလျှော်ရည်နဲ့ မတည့်တာဖြစ်စေတယ်။ (ကော့စ်မက်တစ်) လို့ခေါ်တဲ့ အလှသုံး ပစ္စည်းတွေ၊ နေ့စဉ်သုံး ပစ္စည်းတွေထဲက တမယ်မယ်ကနေ ကိုယ်နဲ့မသင့်တာ ဖြစ်တတ်ပါတယ်။ မိတ်ဆွေတဦးရဲ့ဇနီးဆိုရင် ဆပ်ပြာမှန်သမျှ မတည့်တဲ့ဘ၀ ရောက်နေရရှာတယ်။ သူတို့ အမေရိကားရောက်တော့လည်း ဒီအတိုင်းဘဲတဲ့။ အလာဂျီရလို့ ဗမာပြည်က ခွါတာတော့ မလုပ်နဲ့ပေါ့။

ရှောင်ရန် မသိသေးရင် ဆောင်ရန်ကတော့ Antihistamines ဆေးများပါဘဲ။ Allergy ဖြစ်ရင် သွေးဖြူဥတမျိုးဖြစ်တဲ့ Basophil ကနေ Histamine ထုတ်ပေးတယ်။ ဒါကို ဆန့်ကျင်တဲ့ဆေးပေါ့။ (ဘာမီတွန်) လို ဆေးတွေကို လူတိုင်းလောက် သိနေကြပြီ။ ဒီဆေးမျိုးတွေဟာ Over-the-counter (OTC) drugs လို့ခေါ်တဲ့ ကောင်တာပေါ် တင်ပြီး၊ ဆရာဝန်လက်မှတ် မလိုဘဲ၊ အလွယ်တကူ ၀ယ်ယူနိုင်တဲ့ ဆေးအမျိုးတွေထဲမှာ ပါတယ်။ ဆေးပြားသာမက အရေးပေါ်လိုရင် ထိုးဘို့ ထိုးဆေး၊ လိမ်းဆေး၊ ရှူဆေးနဲ့ မျက်စဉ်းတောင် ရှိပါတယ်။

(အင်တီ-ဟစ်စ်တမင်း) တွေဟာ အိပ်ချင်၊ ခေါင်းကိုက်၊ မျက်စိမြင်ေ၀၀ါး၊ ၀မ်းချုပ်၊ အာခြောက်၊ ခေါင်းမူး၊ ဆီးသွားရခက်၊ ခေါင်းမကြည်မလင်ဖြစ်တတ်တဲ့ ဘေးထွက်မကောင်းကျိုးတွေရှိပါတယ်။ ခုခေတ်မှာတော့ အိပ်ချင်စေခြင်းမရှိတဲ့ ဒုတိယ၊ တတိယမျိုးဆက်ဆိုတာတွေ ပေါ်လာပါပြီ။ တကယ်လို့ ထပ်သိချင်ရင် ဆက်ဖတ်ပါ။

Alimemazine (Trimeprazine), Chlorphenamine (Chlorpheniramine), Clemastine, Cyproheptadine, Hydroxyzine, Promethazine ဆိုတာတွေ ဖြစ်နေရင် သိပ်အကောင်းကြီး မဟုတ်သေးဘူး။ ဒီဆေးတွေက အိပ်ချင်တယ်။ အလုပ်လုပ်စရာမရှိအောင် ကံကောင်းသူများဆိုရင်တော့ အံကိုက်ဘဲ။ ဆေးနဲ့ မှိန်းနေပေါ့။

Acrivastine (Semprex, Benadryl), Cetirizine (Zirtec, Zyrtec), Desloratadine (Neoclarityn), (Telfast 120, Telfast 180, Allegra), Loratadine (Clarityn, Clarityne, Boots Antihistamine Tablets, Claritin), Mizolastine (Mizollen, Mistamine) တွေကတော့ အိပ်ချင်စေခြင်းမရှိတဲ့ ဒုတိယမျိုးဆက်မို့ ပိုကောင်းတယ်လို့ ညွှန်းလိုက်ပါတယ်။

(အလာဂျီ)ရတတ်သူများ လက်ကိုင်အိပ်ထဲမှာ ZYRTEC (Cetirizine hydrochloride) ကို ဆောင်ထားပါ။ စားဆေး၊ သောက်ဆေး။ သူက 5 mg, 10 mg ဆိုပြီးလာတယ်။ အသက် ၆ နှစ်အထက်ဆိုရင် တနေ့ တပြား။ အစာနဲ့နီးမှ ဝေးမှ ဆိုတာ မရှိဘူး။ ရောဂါပြင်းရင်တော့ ပိုသောက်ရမယ်ပေါ့။ တနေ့ကို နှစ်ခါ ခွဲသောက်လဲရတယ်။ အသက်ငယ်ရင် ကိုယ်အလေးချိန်အလိုက် လျှော့သောက်ရမယ်။ တ၀က်၊ လေးပုံတပုံ။ တဆက်တည်း မှတ်ထားပေါ့၊ ဆေးဆိုတာ ကိုယ်အလေးအချိန်နဲ့ ပေးရတာ။ ဇာတာသက်ကြည့် ပေးတာ မဟုတ်ပါ။

ဈေးချိုချို၊ ပေါပါလွယ်လွယ် ၀ယ်ရတဲ့ ဗမာပြည်မှာ Burmeton နဲ့ ကုလားပြည်မှာ Avil တို့ဟာ Pheniramine maleate ဆေးပဌမမျိုးဆက်တွေပါ။ သုံးနိုင်ပါတယ်။ ပြောခဲ့သလို အိပ်ချင်လိမ့်မယ်။ စိုးရိမ်တတ်ရင် ထိုးဆေးနဲ့ ဆေးထိုးအပ်ပါ ဆောင်ထားပါ။ ပုလိပ်နဲ့တွေ့ရင်တော့ သေသေခြာခြာ ရှင်းပြပေါ့။

ပုရွက်ဆိတ်ကိုက်ရင်၊ ခြင်ကိုက်ရင် လိမ်းဘို့ ပရုပ်ဆီအနီ အသုံးကျပါတယ်။ (အင်တီ-ဟစ်တမင်း) ပါတဲ့လိမ်းဆေးလည်း သုံးနိုင်သလို၊ Xylocaine (Lidocaine) 2% ထုံဆေးပါတဲ့လိမ်းဆေး၊ Calamine Lotion တို့က ချက်ချင်းဆိုသလို ယူပစ်သလို၊ အနာ-အယား သက်သာသွားမယ်။

(အလာဂျီ)က မိဘမျိုးရိုးလိုက်တတ်တယ်။ ဒါ့ကြောင့် “အမေ-အဖေကို ရွေးပြီးမှ အမျိုးတော်ကြပေတော့။” ငယ်တုံးက မတည့်ပေမဲ့ ကြီးလာတော့ ရှောင်စရာမလိုတော့တာလည်း ဖြစ်တတ်တယ်။ လူကြီးများ ဒီနေရာမှာ ကံကောင်းတယ်နော်။ စက်ရုံတွေပေါတဲ့နေရာ၊ လူတွေရှုတ်တဲ့မြို့ကြီးတွေမှာ ပိုဖြစ်တတ်တယ်။ တောသူတောင်သားတွေက ဒီတချက်မှာ သာတယ်။ ယောက်ျားလေးများက မိန်းကလေးတွေထက် အဖြစ်များသတဲ့။ “အမျိုးသမီးများ ဂုဏ်ယူကြပါလေ။” ဆေးစာထဲ ရေးတာသာ ပြောတာပါ။ (အလာဂျီ) အကြောင်း လှမ်းမေးတာက အမျိုးသမီးတွေချည်း ဖြစ်နေတာမို့ မြန်မာအမျိုးသမီးတွေ သုတေသန လုပ်တဲ့အထဲ ပါသွားကြပုံမရဘူး။ နောက်တခါလာရင် ရှေ့ကနေ။

(ကော့စ်မက်တစ်) ကို ရှောင်နိုင်သမျှ ရှောင်ပါ။ သဘာဝပစ္စည်းတွေဖြစ်တဲ့ သနပ်ခါး၊ နံ့သာဖြူ၊ နံ့သာနီ၊ ကရမက်ထက် မက်စရာ မရှိပါ။ အသစ်တွေ ဘယ်လို ဆန်းဆန်း၊ အကောင်းစားလို့ ဘယ်လိုကြွားကြွား၊ သဘာဝ၊ ရိုးရာ၊ ထုံးစံ၊ မဟုတ်တာ မှန်သမျှ မေးခွန်းထုတ်ခံနေကြရပါပြီ။ (အလာဂျီ) ဟာ (အေလီယံ) သဘောဖြစ်ပါတယ်။

တင့်ဆွေ
၂၃-၅-၂၀၁၀

Read more...

Red Cross ဝေဒနာ များနေပါစေ စေတနာ မရှားစေနဲ့

ကြက်ခြေနီဆိုတာ ပြောဘို့တောင် မလိုအောင် မွန်မြတ်-လိုအပ်တဲ့ လုပ်ငန်းပါ။ မီးသတ်ဆိုတာလည်း မီးသတ်ရတာအပြင် မြို့ပြ (အက်ဆီးဒင့်) တခုခုဖြစ်ရင် အသက်ကို ပဓာနမထားဘဲ အကူအညီပေးရတဲ့ ကုသိုလ်အလုပ် ဖြစ်ပါတယ်။ ကြက်ခြေနီ၊ မီးသတ်အဖွဲ့တွေဟာ တိုင်းပြည်တိုင်းမှာ ရှိတယ်။ ရေကြီး၊ မီးလောင်၊ မုန်တိုင်းမွှေ၊ မြေပြို၊ လေယာဉ်ပျက်၊ ငလျင်လှုပ်၊ ရထားမှောက်၊ ဒုက္ခရောက်တာမှန်သမျှ တီဗွီက မြင်နေနေရတာမို့၊ “သာဓု” ပါဗျို့။

တွေ့ဖူးသမျှ ဘေးအန္တရာယ်ကျ၊ ဒုက္ခရောက်ရတာတွေမှာသာ Red Cross, Rescue Team တွေက ကူညီကြရတယ်။ တခြားနေရာ၊ တခြားအလုပ် ဒီလူတွေ ၀င်ရှုတ်တာ မတွေ့ဖူးသေးဘူး။ တခြား (ကင့်ပိန်း) တွေမှာလည်းပါတာကို တီဗွီရော၊ ရုပ်ရှင်မှာပါ မကြည့်ဖူးသေးဘူး။ သူတို့ကို တတ်ကျွမ်းအောင်လည်း သင်ပေးထားသလို အသုံးအဆောင်မှန်သမျှကိုလည်း ခေတ်နဲ့အညီ၊ နည်းပညာနဲ့အမီ တပ်ဆင်ပေးထားကြတယ်။ ကြက်ခြေနီအလုပ်၊ မီးသတ်အလုပ်နဲ့ မဆိုင်တာတွေကိုတော့ သင်ပေးတာ၊ ဆင်ပေးတာ မတွေ့ဖူးဘူး။ ဗဟုသုတ နည်းသေးလို့ မသိတာလည်း ဖြစ်နိုင်ပါတယ်။

အမြဲ ယူနီဖေါင်း ၀တ်ရတာ စစ်သား၊ ရဲသား၊ စက်ရုံလုပ်သား စသူများမှာ ထုံးစံပါ။ ပရဟိတ စိတ်ဓါတ်ဟာ လူ့စိတ်ဓါတ် ဖြစ်လို့ အဖွဲ့ဝင်ဖြစ်စရာ၊ ယူနီဖေါင်းမပါလည်း စေတနာဟာ စေတနာပါပဲ။ မြို့နယ်တခုမှာ တာဝန်ကျတုန်းက တွေ့ရတာတခု။ ယူနီဖေါင်းတွေတော့ ရှိပါရဲ့၊ အရစ်တွေရော၊ အပွင့်တွေပါ။ မီးသတ်ကားကတော့ အင်ဂျင်ကမကောင်း၊ တာယာကဟောင်း၊ ရောင်းလည်း မဖြစ်။ မီးသင့်ရင် သူတို့အရင် ပုဆိုး ခါးတောင်းကျိုက်တွေက ကိုယ့်ရေပုံးကိုယ် ဆွဲလာကြရတယ်။

ကြက်ခြေနီဆိုတာ လူငယ်ဘ၀က စကြတာများတယ်။ လူငယ်ဘ၀မှာ စေတနာမှန်သူ၊ ကိုယ့်အလုပ်ကိုယ် ကျွမ်းကျင်သူ၊ မလုပ်သင့်တာ မလုပ်သူတွေဟာ ကြီးလာရင်လည်း ဒီအတိုင်း ဖြစ်လာတတ်တယ်။ သေးသေးမို့ အရေးမကြီးပါဘူး။ ငယ်သေးတော့ ဘာအရေးလဲဆိုတာ မမှန်ဘူး။ “မဆိုင်တာ၊ မလိုတာ၊ သွားလုပ်သူဟာ ဆိုင်တာ၊ လိုတာကျ မလုပ်မိတော့တာ” ဖြစ်လေ့ ရှိတယ်။

ဆွစ်ဇာလန်နိုင်ငံကို ချီးကျူးဘို့ ကောင်းတာတွေထဲမှာ ကမ္ဘာစစ်ကြီးတွေတိုင်း ကြားနေခဲ့နိုင်တာ၊ အကောင်းဆုံး ဘဏ်တွေ ရှိတာ၊ အကောင်းဆုံး နာရီနဲ့ မောင်းချဓားကအစ precision instruments ပစ္စည်းတွေ ထုတ်လုပ်တာအပြင် သူ့နိုင်ငံသား Henry Dunant က မျိုးစေ့ချတဲ့ “ကြက်ခြေနီ”လည်း ပါတယ်။

(ဟင်နရီ-ဒူးနန့်) ဟာ စီးပွါးရေးသမားပါ။ သွားရင်းလာရင်း လူလေးသောင်း သေကြေခဲ့ရတဲ့ Austro-Sardinian စစ်ပွဲကို မျက်ဝါးထင်ထင် တွေ့မြင်ရာကနေ ကြက်ခြေနီဇာတ်လမ်း စခဲ့တာပါ။ တတိယ နပိုလီယန် ခေတ်ပေါ့။ အသောကဘုရင်ရဲ့ ကာလိင်္ဂစစ်ပွဲကြီးအပြီး ဗုဒ္ဓဘာသာ ထွန်းကား-စည်ပင်စေနိုင်ခဲ့သလိုမျိုး၊ စစ်ပွဲကနေ ကောင်းတဲ့ သင်္ခန်းစာ ယူနိုင်ခဲ့တဲ့ နောက်ဥပမာတခုလည်း ဖြစ်ပါတယ်။ အဆိုးထဲက အကောင်းရှာတတ်တာ ပညာရှိပါပဲ။

Henry ကနေ A Memory of Solferino စာအုပ်ကို ၁၈၆၂ မှာ ရေးထုတ်ခဲ့တယ်။ နောက်နှစ်မှာ Committee of the Five ဖွဲ့ခဲ့တယ်။ ငါးဦးကော်မတီရဲ့ စိတ်ဝင်စားဘို့ ကောင်းလှတဲ့ အချက်ကတော့ သူက စီးပွါးရေးသမား၊ ကျန်းမာရေး ပညာရှင် နှစ်ဦး၊ ဥပဒေပညာရှင် တဦးနဲ့ စစ်ဗိုလ်ချုပ် တဦးတို့ ပါခဲ့ကြတာဖြစ်တယ်။ (ပရော်ဖက်ရှင်နယ်) ခြားနားကြပေမယ့် စေတနာ အားကောင်းကြရာမှာ သွားတူနေကြတယ်။ “အတူတွဲလုပ်ကြလျှင် အောင်မြင်သည်။” ဆိုတာကို ပြတာပါဘဲ။ “ကြီးကျယ်တဲ့ အရာကို ငါတို့ချည်းသာ လုပ်လို့ မရပါလား” လို့လည်း သင်ခန်းစာပေးလိုက်တယ်။

(ဒူးဒန့်) ရဲ့မွေးနေ့ဖြစ်တဲ့ မေလ ၈ ရက်ကို နှစ်စဉ် World Red Cross and Red Crescent Day ကမ္ဘာ့ကြက်ခြေနီနေ့လို့ သတ်မှတ်ထားတယ်။ ဒီနှစ်မှာ အထူးပြုဘို့ ဆောင်ပုဒ်ကတော့ “မြို့ကြီး-ပြကြီးတွေ များလွန်းလာလို့ ဖြစ်ပေါ်လာတဲ့ အခက်အခဲတွေနဲ့ အခွင့်အလမ်းတွေ” ဆိုတာ ဖြစ်ပါတယ်။

ကြက်ခြေနီ အမှတ်အသားကို ၁၈၆၄ ပထမအကြိမ် (ဂျနီဗာ-ကွန်ဗင်းရှင်း) ပြီးတဲ့နောက် ဆွစ်ဇလန်နိုင်ငံ အလံအရောင်ကို ပြောင်းပြန်ပြုထားတဲ့ “အဖြူခံပေါ် အနီရောင် ကြက်ခြေ” ကို သတ်မှတ်ခဲ့ကြတယ်။ နောက်မှာ ကြက်ခြေနီလိုပဲ လခြမ်းနီ Red Crescent အမှတ်အသားကို စသုံးခဲ့ကြတာကတော့ (အော်တိုမန်-အင်ပါယာ) နဲ့ ရုရှားစစ် (၁၈၇၇-၁၈၇၈) က ဖြစ်တယ်။ အခု အဲလိုနိုင်ငံပေါင်း ၃၃ ခုရှိနေပြီ။ ၂၀၀၅ ခုနှစ်မှာ Red Crystal ကိုပါ တချို့တိုင်းပြည်တွေမှာ သုံးနိုင်လာ ကြတယ်။ Red Star of David ဆိုတဲ့ အစ္စရေးတို့ လုပ်ချင်တာကတော့ တရားဝင် မဖြစ်သေးပါဘူး။

Emblems တွေ အမျိုးမျိုး ရှိပါစေ၊ နိုင်ငံတွေ ကွဲပြားပါစေ၊ ပြောင်းလို့မရ၊ ပြောင်းဘို့မသင့်တဲ့ “ကြက်ခြေနီရဲ့အနှစ်” ကတော့ Mercy and Absolute Nuetrality “သနားညှာတာစိတ် နဲ့ အကြွင်းမဲ့-ဘက်မလိုက်မှု” ဖြစ်ပါတယ်။

“ဘက်မလိုက်” ဆိုတာ Non-Aligned ကို ပြောတာ မဟုတ်ဘူး။ Non-Aligned Movement (NAM) ဆိုတဲ့ ဘက်မလိုက် လှုပ်ရှားမှုဆိုတာ စစ်အေးခေတ်မှာ ဘယ်ဘက်မှ မလိုက်ခဲ့တဲ့ အုပ်စုဖြစ်ပြီး၊ စစ်အေးခေတ် နောက်မှာတော့ အစိုးရတွေနဲ့ချည်း ဖွဲ့ထားတဲ့အဖွဲ့ ဖြစ်လို့ United Nations ကုလသမဂ္ဂလိုပဲ ရေများ-ရေနိုင်၊ မီးများ-မီးနိုင်။ အစိုးရတွေ မကြိုက်တာ မှန်သမျှ ဘာမှမလုပ်ကြဘူး။

ကြက်ခြေနီရဲ့ Nuetrality ဆိုတာ စစ်ဖြစ်နေတဲ့ အုပ်စုနှစ်ခုရှိရင် ဟိုနိုင်ငံ၊ ဒီနိုင်ငံ၊ ဘက်မလိုက်ရဘူး။ အစိုးရဖြစ်ဖြစ်၊ သူပုန်ဖြစ်ဖြစ် ဘက်မလိုက်ရဘူး။ မတည့်တဲ့၊ အယူအဆကွဲတဲ့၊ ဘက်နှစ်ဘက်မှာလည်း အစိုးရအကြိုက်၊ အတိုက်အခံ အကြိုက် ဘယ်ဘက်ကိုမှ မလိုက်ရတာ ဖြစ်ပါတယ်။

Absolute အကြွင်းမဲ့သဘောကို ပိုလို့တောင် သိဘို့-လိုက်နာဘို့ လိုပါတယ်။ ဘာသာရေး၊ လူမျိုးရေး၊ နိုင်ငံရေး၊ ခွဲခြားမှု လုံးဝကင်းရတယ်။ ဒုက္စရောက်နေတာ၊ ကျိုးပဲ့နေတာ၊ သေလုမြောပါး ဖြစ်နေတာတွေကိုသာ စေတနာစိတ် ထားပါလေ။ “စေတနာနဲ့ စာနာစိတ်ဟာ အမိန့်လာမှ ထွက်ရတာ မဟုတ်ပါ။”

Dr. တင့်ဆွေ
၂၄-၅-၂၀၁၀

Read more...

Leucorrhoea, Vaginal Discharge မွေးလမ်းကြောင်းမှ အဖြူဆင်းခြင်း

အသက် ၁၈ နှစ်ပြည့်မှ ဖတ်ပါ (၁၅)
အမျိုးသမီး မွေးလမ်းကြောင်း (ဗဂျိုင်းနာ) ကနေ အဖြူဆင်းတာဟာ အများအားဖြင့် (နော်မယ်)ပါ။ အနည်းနဲ့အများ အဖြူ ဒါမှမဟုတ် အရည်လိုမျိုး ဆင်းနေတယ်-စိုနေတယ်။ သတိမထားရင်တောင်မှ ရှိနေတတ်တယ်။ သားအိမ်အဝနဲ့ မွေးလမ်းမှာ အရည်ထွက်နိုင်တဲ့ (ဂလင်း)ခေါ် အိပ်တွေရှိလို့ဖြစ်တယ်။ အဟောင်းတွေပျက်စီး အသစ်တွေ ဖြစ်နေတဲ့ အနိစ္စသဘောပါဘဲ။

ဖြစ်နေကြမျိုးကတော့ စိုးရိမ်စရာမရှိ၊ ဆေးကုဘို့ မလိုပါ။ ပုံမှန်ဆင်းတာမျိုးက ကြည်တယ်။ မကြည်ရင် နို့လိုနေတယ်။ ဒါပေမဲ့ အနံ့မရှိဘူး။ အရောင်နဲ့ အပျစ်အချွဲကတော့ ပြောင်းလဲနေတယ်။ လအစမှာ ပြစ်ပြီး၊ ဖြူတယ်။ လအလယ်လောက် ဆိုရင် များလာမယ်။ တိတိကျကျ ပြောရရင် အဆ ၃ဝ တောင်များလာတယ်။ နောက်ပြီး၊ မပြစ်ဘဲ ချွဲမယ်။ ပိုပြီးကျဲတယ်၊ (အလပ်စတစ်) ပိုဖြစ်တယ်။ ရာသီမဆင်းခင်လေး ဆင်းတတ်တာက ပိုပျစ်တယ်။ ရာသီအပြီးမှာ ညိုမယ်။

လေ့ကျင့်ခန်း လုပ်ပြီးချိန်မျိုးမှာလဲ ရေသာသာ ခပ်ကြည်ကြည် အရည်လိုဆင်းတာ ပုံမှန်ပါ။ မ-မျိုးဥ ထွက်ချိန် လယ်ရက်မှာ သွေးစက်ကလေးမျိုးပါ အတွင်းခံကို လာစွန်းနေတတ်သေးတယ်။ ဒါလည်း (နော်မယ်လ်)ဘဲ။ နောက်ပြီး ကလေး နို့တိုက်နေချိန်တို့ လိင်စိတ်ဖြစ်လာချိန်တို့မှာ ပိုဆင်း-ပိုစိုလာတယ်။ ဒါလည်း ရောဂါမဟုတ်ပါ။ ကိုယ်ဝန်ဆောင်ချိန် ဆင်းတာက ခပ်ကျဲကျဲ၊ ခပ်ဖြူဖြူ၊ နဲနဲ အနံ့တော့ရှိတယ်။ ဗက်တီးရီးယားတွေ ပါနေပေမဲ့လည်း ဒုက္ခ မပေးပါ။ ဆီးချိုရှိရင်၊ သန္ဓေတားဆေးစားစဉ်၊ ပဋိဇီဝဆေးတချို့သောက်နေစဉ်၊ သွေးအားနည်းရင်၊ နာတာရှည် ရောဂါ ရှိနေရင် ပိုတတ်တယ်။

အဆင်းများ၊ အရောင်ပြောင်း၊ အနံ့ရှိလာရင် ဂရုစိုက်ရပါတော့မယ်။ ပူစပ်မယ်၊ အ၀ါရောင်ဖြစ်မယ်၊ ခပ်စိမ်းစိမ်းဖြစ်မယ်၊ ခပ်ပျစ်ပျစ် ဖြစ်မယ်၊ ယားမယ်၊ ဆီးစပ်နေရာ နာမယ်ဆိုရင်တော့ ဆေးကုရပါလိမ့်မယ်။ ရောဂါပိုးတွေကလဲ အမျိုးမျိုးပါ။ ဗက်တီးရီးယား၊ ဗိုင်းရပ်စ်၊ ဖန်းဂတ်စ်၊ ပရိုဇိုးဝါး နဲ့ ပါရာဆိုက်၊ အကောင်စုံပါဘဲ။ ဝင်တဲ့ ပိုးအမျိုးအစားအလိုက် ဆင်းတာတွေ မတူဘူး။ အပျိုဆိုလည်း ဆေးကုရမှာမျိုး ဖြစ်တတ်တယ်။ နည်းပါတယ်။ ကျား-မ အတူနေသူများ STD/STI လိင်ကတဆင့် ကူးစက်ရောဂါ တခုခုဖြစ်လို့ အဖြူဆင်းရင် နှစ်ယောက်လုံးကို တပြိုက်နက် ဆေးကုရပါမယ်။

၁။ Yeast infection (Candidiasis) (Monilia, Thrush) (ရိစ်) ကြောင့် မွေးလမ်းကြောင်းရောင်ခြင်း
အဖြူရောင် ပြစ်တဲ့ (ချိစ်) လိုဆင်းတယ်။ အလွန်ယားပြီး၊ မိန်းမကိုယ် နီနေမယ်။ နာမယ်။ ဆီးအောင့်မယ်။
• Diflucan (Fluconazole) 150 mg တခါတည်းသောက်ပါ။ လိုအပ်ရင် ရက်ပိုပေးပါတယ်။
• Nystatin, Mycostatin စားဆေး၊ (400,000 to 600,000 units) တနေ့ ၄ ကြိမ်သောက်ပါ။
• Clotrimazole vaginal tablet မွေးလမ်းထဲထည့်ရန်ဆေး၊ 100 mg ၆ ညထည့်ပါ။ 200 mg ၃ ညထည့်ပါ။
• Monistat cream, Mycelex, Lotrimin, Terazol, Femstat, Gentian violet, Nystatin 100,000 IU pessary, Nystatin Ointment လိမ်းဆေး၊ ထည့်ဆေးတွေကိုလည်း သုံးတယ်။

၂။ Cervical Ectropion, Erosion ဒါမှမဟုတ် Eversion
သားအိမ်အဝ ရဲနေမယ်၊ ကျိချွဲချွဲဆင်းမယ်၊ မနာဘူးဆိုရင် ကုဘို့ မလိုပါ။

၃။ Cervicitis သားအိမ်အဝရောင်ခြင်း
ဆီးစပ်နာမယ်။ ခပ်ချွဲချွဲ နှင့် ပြည်လိုဆင်းမယ်။ သားအိမ်အဝ ထိရင်နာမယ်။ လိင်ဆက်ဆံတဲ့အခါ နာမယ်ဆိုရင် ပဋိဇီဝဆေး ပေးနိုင်တယ်။

၎။ Chancroid (ရှိန်ကာရွိုက်) သားအိမ်အဝမှာ အနာ
STD/STI လိင်ကတဆင့် ကူးစက်ရောဂါ အနာဖြစ်တယ်။ အနာရဲ့ နုတ်ခမ်းသား မညီမညာဖြစ်မယ်။ အခြေက ခပ်မွဲမွဲ အရောင်ရှိမယ်။ ထိရင်နာမယ်။ လိင်အင်္ဂါမှာ အနာ-အကြိတ် ပေါ်မယ်။ ပေါင်ခြံက အကြိတ်တွေ ရောင်လာတယ်။
• Azithromycin 1 gm တခါတည်းသောက်ပါ။ ဒါမှမဟုတ်
• Ceftriaxone, Ciprofloxacin 500 mg တနေ့ ၂ ကြိမ်၊ ၃ ရက် သောက်ပါ။ ဒါမှမဟုတ်
• Erythromycin 500 mg တနေ့ ၄ ကြိမ် ၇ ရက်သောက်ပါ။

၅။ Chlamydial infection (ကလင်ဒါမိုင်စင်) မွေးလမ်းကြောင်းရောင်ခြင်း
STD/STI ရောဂါတွေထဲမှာ Chlamydia trachomatis က အဖြစ်အများဆုံးပါ။ လိင်အင်္ဂါတွေမှာ အနာဖြစ်တာပါ။ အနာ ဆိုပေမဲ့ မနာဘူး။ ပေါင်ခြံမှာ တက်စေ့တွေ ရောင်လာမယ်။ အမျိုးသမီးများ သားအိမ်အဝမှာ အဖြစ်များတယ်။ ဆင်းတာက ပြည်လိုနေတယ်။ နဲနဲဝါမယ်။ မီးခိုးရောင်၊ ခပ်စိမ်းစိမ်း အရောင်လဲ ဖြစ်နိုင်တယ်။ အမြှုတ်လိုလဲ ရှိတတ်တယ်။ ယားမယ်။ အနံ့ဆိုးတယ်။ သွေးနဲနဲလဲ စွန်းနိုင်တယ်။ ဆီးခဏခဏ သွားချင်ပြီး ဆီးအောင့်တယ်။ အတွင်းအင်္ဂါတွေအထိ ရောက်နိုင်တယ်။ ဒီအချိန်မှာ လိင်ဆက်ဆံရင် နာမယ်။
• Azithromycin 1 Gm သောက်ပါ။
• Doxycycline 100 mg တနေ့ ၂ ကြိမ် ၇-၁၄ ရက်။
• Erythromycin 250-500-800 mg တနေ့ ၄ ကြိမ်၊ ၇-၁၄ ရက်။
• Ofloxacin 300 mg တနေ့ ၂ ကြိမ်၊ ၇ ရက်၊
• Ofloxacin = 400 mg တခါတည်းသောက်ပါ။
• Tetracycline 250-500 mg တနေ့ ၄ ကြိမ်၊ ၁၄ ရက်သောက်ပါ။

၆။ Bacterial Vaginosis (Hemophilus, Gardnerella) ဗက်တီးရီးယားကြောင့် မွေးလမ်းကြောင်း ရောင်ခြင်း
ခပ်ကျဲကျဲ၊ ကြည်တဲ့ ဖြူဝါတဲ့ အနံ့ဆိုးတဲ့အရည်ဆင်းတယ်၊ ယားမယ်၊ လိင်ဆက်ဆံ ပြီးရင် ပိုဆိုးတယ်။ နောက်ဆက်တွဲ အဖြစ် (PID) တင်ပါးဆုံတွင်းအင်္ဂါတွေ ရောင်တာဖြစ်နိုင်တယ်။ ကိုယ်ဝန်ရှိရင် ရေမြွှာအိတ် ရောင်တာ၊ သားအိမ်ရောင်တာ ဖြစ်စေမယ်။
• Metronidazole 500 mg တနေ့ ၂ ကြိမ် ၇ ရက်၊
• Metronidazole 2 g တခါတည်းသောက်။
• Clindamycin cream 2% ညအချိန်၊ ၇ ရက်ထည့်ပါ။
• Clindamycin 300 mg တနေ့ ၂ ကြိမ် ၇ ရက်သောက်ပါ။

၇။ Gonorrhea ဂနိုးရီးယား
ဒုတိယအများဆုံး STD/STI ဖြစ်တယ်။ အမျိုးသမီးဆိုရင် အဖြူဆင်းမယ်။ ပြည်လိုဆင်းမယ်။ ဆီးက ပန်းထွက်သလို သွားတယ်။ ကြားရက် သွေးဆင်းတာ ဖြစ်တတ်သေးတယ်။ ဆက်ဆံရင်လဲ နာမယ်။ အထဲကို ရောဂါပြန့်ရင် သားအိမ် ဘေးက အင်္ဂါမှန်သမျှ ရောင်နိုင်တယ်။ ဆေးမကုရင် ယောက်ျားရော မိန်းမပါ ကလေးမရတာ ဖြစ်သွားတတ်တယ်။
• Cefixime 400 mg တခါတည်းသောက်ပါ။ ဒါမှမဟုတ်
• Ceftriaxone 125 mg IM ထိုးပါ။
• Ciprofloxacin 500 mg သောက်ပါ။
• Ofloxacin 400 mg သောက်ပြီး Azithromycin 1 g ဒါမှမဟုတ် Doxycycline 100 mg တနေ့ ၂ ကြိမ် ၇ ရက် နဲ့တွဲပါ။

၈။ Infected IUCD ကိုယ်ဝန်တား ပစ္စည်းပိုးဝင်ခြင်း
ကလေးခြားအောင်ထည့်တဲ့ IUCD ထည့်သူ ၅% မှာ ပိုးဝင်တတ်တယ်။ ဗိုက်အောက်ပိုင်းနေရာ နာမယ်။ မွေးလမ်းက တခုခု ဆင်းမယ်။ နဲနဲကိုယ်ပူမယ်။ လိင်ဆက်ဆံရင် နာမယ်။
IUCD ပြန်ထုတ်ပါ။ Amoxicillin, Cephalosporins, Tetracycline ပေးပါ။ မရသေးရင် Cefoxitin ဒါမှမဟုတ် Metronidazole plus Gentamicin ဒါမှမဟုတ် Clindamycin plus Gentamicin ထိုးပေးပါ။

၉။ PID (Pelvic Inflamatory Disease) မဆိုးတဲ့ တင်ပါးဆုံအတွင်း အင်္ဂါများရောင်ခြင်း
နဲနဲဖျားမယ်။ လိင်ဆက်ဆံရင်နာမယ်။ ပြည် ဒါမှမဟုတ် ခပ်ချွဲချွဲဆင်းမယ်။ ဗိုက်အောက်ပိုင်းနေရာနာမယ်။ သွေးဖြူဥ အရေ အတွက် များလာမယ်။
• Doxycycline 100 mg တနေ့ ၂ ကြိမ် ၁၀-၁၄ ရက်ကို Cefoxitin 2.0 gm IM တွဲ ထိုးပါ။
• Cefoxitin 1.0 gm သောက်ပါ။ ဒါမှမဟုတ် Ceftriaxone 250 mg IM ဒါမှမဟုတ် Ceftizoxime 1 gm IM ဒါမှမဟုတ် Cefotaxime 0.5 gm IM ထိုးပါ။
• Ofloxacin 400 mg တနေ့ ၂ ကြိမ် နဲ့ Metronidazole 500 mg တနေ့ ၂ ကြိမ်၊ ၁၄ ရက် တွဲပေးပါ။

၁၀။ Severe PID (Pelvic Inflamatory Disease) ဆိုးတဲ့ တင်ပါးဆုံအတွင်း အင်္ဂါများရောင်ခြင်း
• Doxycycline 100 mg စားဆေး၊ ဒါမှမဟုတ် IV ထိုးဆေး၊ တနေ့ ၂ ကြိမ်၊ Cefoxitin 2.0 gm IV ထိုးဆေး တနေ့ ၄ ကြိမ်၊ တွဲပေးပါ။ ဒါမှမဟုတ်
• Cefotetan 2 gm IV တနေ့ ၂ ကြိမ်၊ ၂ ရက်၊ နောက် Doxycycline စားဆေး ၁၀-၁၄ ရက်၊ ဒါမှမဟုတ်
• Clindamycin 900 mg ထိုးဆေး တနေ့ ၃ ကြိမ် ကို Gentamicin, 1.5-2.0 mg/kg IV/IM ထိုးဆေးတွဲပေးပါ။ နောက်ပြီး Doxycycline 100 mg တနေ့ ၂ ကြိမ် စားဆေး ၁၀-၁၄ ရက်၊
• Clindamycin 450 mg တခါတည်းသောက်ပါ။ ဒါမှမဟုတ် Ofloxacin 400 mg IV တနေ့ ၂ ကြိမ်ကို Metronidazole 500 mg IV ထိုးဆေး တနေ့ ၃ ကြိမ်၊ ဒါမှမဟုတ် Ampicillin/Sulbactam 3 g IV ထိုးဆေး တနေ့ ၄ ကြိမ်၊ Doxycycline 100 mg IV ထိုးဆေး၊ ဒါမှမဟုတ် စားဆေး၊ တနေ့ ၂ ကြိမ် ဒါမှမဟုတ်
• Ciprofloxacin 200 mg IV ထိုးဆေး၊ တနေ့ ၂ ကြိမ်ကို တွဲပေးဘို့ Doxycycline 100 mg IV ဒါမှမဟုတ် စားဆေး တနေ့ ၂ ကြိမ် နဲ့ Metronidazole 500 mg IV ထိုးဆေး တနေ့ ၄ ကြိမ်။

၁၁။ Trichomoniasis ထွိုင်ကိုမိုးနပ် မွေးလမ်းကြောင်းရောင်ခြင်း
အနေအထိုင်ခက်ပြီး၊ အဖြူ (အမြှုတ်) ဆင်းမယ်။ မွေးလမ်း၊ မိန်းမကိုယ် နီမယ်။ စိမ်းဝါတဲ့ အနံ့ဆိုးတဲ့ အရည်ဆင်း၊ ယားတယ်။
Vaginal Infections မွေးလမ်းကြောင်းရောင်တာက သန့်ရှင်းရေး နည်းလို့လည်း ဖြစ်တတ်တယ်။ ပိုးက အဝတ်စိုလိုမျိုးမှာ ၁ နာရီ လောက် ရှင်နေနိုင်လို့ အတူသုံးမိရင် ကူးနိုင်တယ်။ ဖိုဆိုရင် ယင်ဖိုတောင် မသန်းဘူးတဲ့ အမျိုးသမီးများမှာတောင်မှ ဗက်တီးရီးယား အရေအတွက် အပြောင်းအလဲကြောင့် ဖြစ်ရတတ်တယ်။ သန့်ရှင်းရေး လုပ်တဲ့အခါ ရှေ့ကနေ နောက်ဖက်ဆီ လုပ်ပါ။ အတွင်းခံ သန့်နေပါစေ။ ခြည်ထည်ကိုသာ သုံးပါ။ ဖြန်းဆေးတွေ မသုံးပါနဲ့။ ရေမွှေး၊ ဆပ်ပြာ အပြင်စားတွေ မသုံးလေနဲ့။
Metronidazole 250 mg တနေ့ ၃ ကြိမ်၊ ၇ ရက်။ ဒါမှမဟုတ် 2 gm တခါတည်းသောက်။ ဒါမှမဟုတ် 500 mg တနေ့ ၂ ကြိမ် ၅ ရက်သောက်ပါ။

Dr. တင့်ဆွေ
26-5-2010

Read more...

Q and A on Early ejaculation သုတ်လွှတ်စောခြင်း အမေး-အဖြေ။

Q: အသက်၂၂-၂၃ နှစ် အိမ်ထောက်ကျခါစ သုတ်လွှတ်စောနေလို့ မေးလာတဲ့ မေးခွန်း။ ယောက်ျားလေးက ငယ်စဉ်မှာ (မာစတာဘေးရှင်း) လုပ်ခဲ့လိုများလားလို့ ထင်နေပြီး၊ ဇနီးကတော့ အရမ်းကောင်းတဲ့ ခံစားမှုတော့ ရပေမဲ့ ပြီးဆုံးတဲ့အဆင့် မရောက်နိုင်ဘူး လို့ဆိုပါတယ်။

A: ခင်ဗျားတို့ အဆင်ပြေမှာပါဆိုတာ စာဆက်မဖတ်ခင် အရင်မှတ်ပါခင်ဗျား။ အသက်၂၃ နှစ် သက်တူရွယ်တူတွေဆိုတာ သင့်မြတ်တဲ့ အိမ်ထောင်သည် ဆက်ဆံရေးဘ၀မျိုး ဖြစ်ပါတယ်။ အတွေ့အကြုံ တခါမှ မရှိခဲ့ဘူးသူတွေဖြစ်တာလဲ အလွန် အဆင်ပြေပါတယ်။ အိမ်ထောင်သက်နုချိန်မှာ အရမ်းကောင်းတဲ့ (ဖီလင်) အထိရောက်ရင်ကို တော်လှပြီလို့ ပြောနိုင်ပါတယ်။ အကြီးအကျယ် စိတ်ဆင်းရဲတာကို လုံးဝဖျက်လိုက်ပါ။ သာမန်ကာရှန်ကာ အားပေးတာ မဟုတ်ပါ။

သုတ်လွှတ်တာ အရမ်းမြန်နေသေးတာက ပုံမှန်ဖြစ်ပါတယ်။ နောက်ကြောင်းကိစ္စ ဘာတခုခုကြောင့်မှ မဟုတ်နိုင်ပါ။
Masturbation လုပ်တာကြောင့် ဘာမှ ပြဿနာမရှိပါ။ အဲလိုထင်နေတာကို ဖျောက်ပြစ်လိုက်ပါတော့။

သူ့က မပြီးဘူးဖြစ်နေတာက ပိုပြီး နော်မယ် ဖြစ်တယ်။ တချို့အိမ်ထောင်ကျ အမျိုးသမီးတွေ နှစ်တွေ ကြာလာတာတောင်မှ Orgasm ပြီးတယ်ဆိုတာကို မသိကြပါ။ ဒီလိုဖြစ်တာကို ကြားဘူးနားဝ ရှိနေသူဆိုရင် ခံစားကြည့်ဘူးချင်မှာပေါ့။ အများစု အမျိုးသမီးများဟာ Orgasm မရပေမဲ့ အလိုမကျဘူး၊ ဖေါက်ပြန်ချင်တယ် ဆိုတာက ရှာမှရှားဖြစ်ပါတယ်။ အနောက်နိုင်ငံ တွေမှာတောင် ၁ဝ-၂ဝ% တခါမှ မဖြစ်ဖူးဘူး၊ ၅ဝ%က ဆက်ဆံတိုင်း မပြီးကြဘူးလို့ ဆိုပါတယ်။ ဗမာပြည်မှာ ဒီထက် % တွေများအုံးမယ်။ အမျိုးသမီးတွေက ယောက်ျားတွေနဲ့ မတူပါ။ အမြဲတမ်း Orgasm ရဘို့ မလိုပါ။ နီးစပ်တဲ့အဆင့်ဆိုရင် ကျေနပ်ကြပါတယ်။ တခါပြီးတာမြန်သွားရင် နောက်တခါ ဆက်ဆံပေးပါ။ တခါထက်တခါ ကြာလာမှာ သေခြာပါတယ်။

ထုံဆေး၊ Xylocaine သုံးကြည့်ချင်လဲ သုံးနိုင်ပါတယ်။ ပြည်တွင်းမှာ ဘယ်လို အမျိုးအစားရမယ် သိပ်မသိပါ။ Burocaine လို့ BPI ကထုတ်ဘူးတယ်။ ထိုးဆေး၊ လိမ်းဆေး၊ ပန်းဆေး၊ အမျိုးမျိုးကို ဒီနာမည်နဲ့လာပါတယ်။ ၂%၊ ၅% ဘာဖြစ်ဖြစ် ရတယ်။ ထိုးဆေးပုလင်းထဲက ဆေးရည်ကို အရေပြားပေါ် တင်တာရော၊ မျက်စဉ်းအဖြစ်ရော သုံးနိုင်လို့ အန္တရာယ်မရှိပါ။ ၃-၅ မိနစ်ဆို ထုံလာတယ်။ ပန်းအဖျားမှာ သုတ်လိမ်းပေးပါ။ အရေပြားကနုလို့ ပိုမြန်မြန်ထုံလာစေနိုင်တယ်။ လိမ်းဆေးက ညှစ်ဘူးနဲ့ လာတာာ။ အားကစားသမားတွေ ထိခိုက်မိရင် ပန်းပေးတာမျိုးကလဲ ထုံဆေးဘဲ၊ ဒါပေမဲ့ အေးခဲသွားစေတာမျိုး ထည့်ထားတာ။ ဒါ့ကြောင့် ရိုးရိုးထုံဆေးသာ သုံးပါ။ ထုံဆေးကြောင့် ခံစားမှုမရှိ ဖြစ်နေမှာ။ တခုသတိထားဘို့က ခံစားမှု ကောင်းလွန်းလာတာကို စိတ်နဲ့ပါ ထိန်းလို့လဲ ရတယ်။ အလေ့အကျင့်တော့ လိုတာပေါ့။ အဲဒီအချိန်မှာ စိတ်ကို ပြောင်းရတယ်။ ပြောင်းတာကိုလဲ အင်္ဂါညှိုးသွားတဲ့ အထိတော့ မလုပ်နဲ့ပေါ့။ ထုံဆေးကြောင့် ဘာနောက်ဆက်တွဲမှ မဖြစ်နိုင်ပါ။ သိပ်ရှားရှားပါပါး ဆေးမတည့်သူတော့ ရှိနိုင်တယ်။ ဘယ်ဆေးမှာမဆိုဖြစ်တတ်တာမျိုးပါ။ မတည့်ရင် ယားယံ၊ နီရဲတာသာ ဖြစ်ပါတယ်။

ဆရာ့အမြင်ကတော့ ဆေးမလိုဘဲ အဆင်ပြေလာမှာပါ။ တခြားစားဆေး၊ အားဆေးစတာတွေ အားကိုးဘို့ မလိုပါ။ Viagra ဆေးက ပန်းညှိုးချင်သူတွေအတွက်ပါ။ ပုံမှန် ကျန်းမာရေးကောင်းနေရင် ရပါတယ်။ ဗီတာမင် ဘီအုပ်စု၊ ဒါမှမဟုတ် (မာလ်တီဗီတာမင်) စားဆေးတခုခု သောက်နိုင်ပါတယ်။ အရပ်စကားအရ ငှက်ပျောသီး၊ ကြက်ဥ စတာတွေက စိတ်ထက်သန်စေဘို့ ရည်ရွယ်ပုံ ရပါတယ်။ နှေးစေဘို့ မဟုတ်လောက်ပါ။

Oral practice ကို နှစ်ယောက်စလုံးက ရောဂါရှင်းရင် သုံးပါ။ တခုသတိထားပါ။ ယောက်ျားကို မိန်းမကနေ လုပ်ပေးရင် ယောက်ျားအင်္ဂါ မြန်မြန်သန်မာလာသလို မထိန်းတတ်ရင် အဲဒီအဆင့်မှာကို သုတ်လွှတ်ချင်လာလိမ့်မယ်။

အမျိုးသမီးကနေ ပါးစပ်နဲ့သာ လုပ်ပေးယုံမက လက်ကပါ မာစတာဘိတ် လုပ်ပေးသလို လုပ်ပေးရတယ်။ တိတိကျကျ ပြောရရင် ပါးစပ်တလှည့်၊ လက်တလှည့် လုပ်ပေးတာပါ။ အဲဒီအချိန်မှာ ယောက်ျားအဖို့ သိပ်ကောင်းတဲ့ ခံစားမှု ရှိလာမယ်။ မိမိဖါသာ မာစတာဘိတ် လုပ်တာက အနှေးအမြန်၊ အထိအတွေ့ကို ထိန်းတတ်ပေမဲ့ မိန်းမက လုပ်ပေးတဲ့အခါ ကိုယ်ကနေ ပြောပြပေးဘို့ လိုလာမယ်။ နေအုံး၊ နာအုံး၊ စသဖြင့် ပြောရမယ်။ မဟုတ်ရင် ကိုယ်က တခါတည်း ပြီးစီးသွားမယ်။

အခုလိုအခြေအနေမျိုးမှာ ယောက်ျားကနေ မိန်းမကိုလုပ်ပေးတာက ပိုသင့်ပါမယ်။ ရှင်းအောင်ရေးရရင် မိန်းမရဲ့ အင်္ဂါမှာ နှုတ်ခမ်းကြွက်သား အတွင်းအပြင်ရယ်၊ အဝရယ်၊ အစိနေရာရယ်ကို ထိမိစေသင့်တယ်။ အဓိကကတော့ အဝအထက်နားက အစိနေရာတ၀ှိုက်ကို ထိမိစေသင့်တယ်။ အဲဒီနေရာက အာရုံခံမှု အများဆုံးဖြစ်တယ်။ သတိထားဘို့က အမျိုးသမီး တယောက်နဲ့ တယောက် မတူတာရှိတယ်။ တချို့က အစိကို လက်နဲ့ ပွတ်သပ်တာကို သိပ်မခံနိုင်ဘူး။ လျှာနဲ့ဆို ရတယ်။ တချို့က ဘယ်လိုဖြစ်ဖြစ် ရတယ်။ မနာကျင်စေအာင် လုပ်ပေးရပါမယ်။ လျှာက နူးညံ့တယ်။ သူက သဘောကျတယ် ဆိုတာကို လုပ်ပေးသင့်တယ်။

အမျိုးသမီးကို အဲလို မိမိလျှာနဲ့ သာယာစေအောင် လုပ်ပေးနေချိန်မှာ ကိုယ့်သာယာမှုကို ဘေးချိတ်ထားဘို့ ဖြစ်ပါတယ်။ အဆင့် တိုးတက်လာရင်တော့ နှစ်ယောက်လုံးက အပြန်အလှန် တပြိုင်နက်တည်း လုပ်ပေးတာ လုပ်လို့ရမယ်။ 69 လို့ ခေါ်တာပေါ့။ စောစောပိုင်းမှာ သူ့သာယာမှု အတွက်သာ ရည်ရွယ်ပါ။ သူအနေနဲ့ သာယာမှု တဝက်လောက်အထိ ရောက်လာမှ အင်္ဂါချင်း ထိတွေ့တာကို ဆက်ပေးတဲ့သဘောဖြစ်ပါတယ်။

ထပ်ဖြည့်ပါမယ်။ အမျိုးသမီးကို (ဖိုးပလေး) ဦးစားပေးပါ။ သူစိတ်ပါလာအောင် နည်းတွေသုံးပါ။ အကြား၊ အသံ၊ အမြင်၊ အနံ့ စတာတွေကို လွယ်တာ၊ လက်လှမ်းမီတာ လုပ်ပေးပါ။ ကိုယ်ခန္ဓာကို ထိတွေ့ပွတ်သပ်မှုကို ရင်သား၊ တင်ပါးစသဖြင့်။ ရင်သားကို အချိန်ယူသင့်ပါတယ်။ သူ့အင်္ဂါ စိုစွပ်လာစေမယ်။ သိပ်တော့အချိန် မများသင့်သေးပါ။ ဘာလို့လဲဆိုတော့ တယောက်ကဖြစ်ဖြစ်၊ နှစ်ယောက်လုံးဖြစ်ဖြစ် (ဖိုးပလေး) လုပ်တာနဲ့ နောက်အဆင့်တက်ဘို့ သိပ်ဆန္ဒ များလာရင် တကယ်စတာနဲ့ အလောတကြီး ဖြစ်မယ်၊ သာယာမှုတော့ သိပ်ကောင်းမယ်။ ဒါပေမဲ့ မြန်မြန် ပြီးတတ်နိုင်တယ်။ ဒါ့ကြောင့် ယောက်ျားအတွက် မဟုတ်စေအာင် လုပ်သင့်တယ်။ သူ့အတွက် ဦးစားပေးပါ။

နောက်ထပ်ဆင့် အကြံပေးရရင် အမျိုးသမီးက ဆက်ဆံနေချိန်မှာ သူ့သဘောကျအတိုင်း လှုပ်ရှားပေးသင့်တယ်။ သူ့ရဲ့ အာရုံခံ အကောင်းဆုံးဖြစ်တဲ့ အစိကို ကျားအင်္ဂါနဲ့ ထိပွတ်မှုဖြစ်အောင် အမျိုးသမီးက သူ့ခါးကို ပြင်ပေးတာမျိုးပါ။ သူဘဲ သိပါလိမ့်မယ်။ သူသဘောကျတာကို လုပ်ဖြစ်အောင် အားပေးပါ။ ယောက်ျားက အလိုက်သင့်သာ နေပေးယုံဖြစ်ပါတယ်။ ယောက်ျားရဲ့ ထိပ်ဖျား၊ အထူးသဖြင့် ကွမ်းသီးခေါင်း အကားဆုံးနေရာကို ထိထိမိမိ မဖြစ်စေအောင်သာ ဆင်ခြင်ပါ။ ကျားအင်္ဂါရဲ့ အရင်းပိုင်းကို အသုံးချသင့်တယ်။ ကျားအင်္ဂါကို အဆုံးအထိ ထည့်ထားပေးရတာမို့ အမျိုးသမီးကလည်း သဘောကျမယ်။ ကျားအင်္ဂါရဲ့ အတံအပေါ်ပိုင်းနဲ့ မ-အစိတို့ ထိတိုက်မှုဖြစ်အောင် လုပ်တာပါ။ အဲလိုလုပ်တာက ကျားအင်္ဂါရဲ့ ထိပ်ဖျား အောက်ပိုင်းနေရာကို လွှတ်ထားရာကျမယ်။ ကျားမှာ အဲဒီနေရာက အာရုံခံ အများဆုံးဖြစ်လို့ စိတ်ထိန်းနိုင်စေတယ်။

တယောက်ယောက်က အဖြူဆင်းမနေရင်၊ ဆီးမအောင့်ရင်၊ အနာအဆာမရှိရင် ပုံမှန်သန့်ရှင်းရေး လုပ်တာနဲ့ လုံလောက်ပါတယ်။ ကျန်းမာ-ချမ်းသာကြပါစေ။

Dr. တင့်ဆွေ
၂-၂-၂ဝ၁ဝ

Read more...

Female orgasm အမျိုးသမီး ပြီးခြင်း

အသက် ၁၈ နှစ်ပြည့်မှ ဖတ်ပါ (၁၇)
“Orgasm ဆိုတာ လိင်စိတ်နိုးဆွရာက ဖြစ်လာတဲ့ အကျိုးရလဒ် ဇီဝကမ္မဖြစ်စဉ်တရပ်” လို့ အဓိပ္ပါယ် ဖွင့်ပါတယ်။ “လိင်ဆက်ဆံမှု ဖြစ်စဉ်ရဲ့ အဆုံးပိုင်း” လို့ ယေဘူယျပြောကြပေမဲ့ အတိအကျဆိုရင် မဟုတ်သေးပါ။ (မာစတာဘေးရှင်း) ကို ဆက်ဆံမှုတခုရဲ့ အစိတ်အပိုင်းတခုဖြစ်ဖြစ်၊ အပြီးရောက်သွားအောင်ဖြစ်ဖြစ် လုပ်လို့ရတယ်။ တယောက်တည်းက ဖြစ်ဖြစ် တယောက်မကဖြစ်ဖြစ်၊ အင်္ဂါတမျိုးထဲသုံးပြီး ရရှိနိုင်လို့ ဖြစ်ပါတယ်။ Orgasm ကျား-မ နှစ်မျိုး ရှိတာထဲက “မ” နဲ့ ပတ်သက်တာကိုသာ ရွေးရေးပါမယ်။

အပြီးရောက်ဘို့ ယောက်ျား ၂-၅ မိနစ်၊ မိန်းမ ၂၀ မိနစ်ကြာတယ်လို့ ဆိုတယ်။ သုတေသန အမျိုးမျိုးက ကိန်းဂဏန်း အမျိုးမျိုး ထုတ်တယ်။ မတူကြဘူး။ မတူတဲ့ အထဲမှာ တူတာက “အမျိုးသမီးများဟာ ယောက်ျား တခါပြီးတိုင်း၊ သူတို့ တခါမပြီးပါ။” ထပ်တူသေးပြန်တာက “မိန်းမတွေ ရာနှုံးတချို့ (၇-၁၀%) က တခါမှ မတခါဘူး။” တချို့ဆိုရင် Orgasm ဖြစ်ရမှန်းကိုတောင်မှ မသိရှာကြပါ။

စိတ်ပျက်စရာ မကောင်းတာကတော့ အမျိုးသမီးများဟာ ပြီးမသွားပေမဲ့ အများအားဖြင့် ကျေနပ်မှုရကြတယ်။ ပူးကပ်-ပွတ်သပ်မှု၊ ယုယ-အနှစ်သက်ခံရမှု၊ စတာတွေအပေါ်မှာ တန်ဘိုးကြီးကြီးထားတယ်။ နဲနဲလွဲနေတာတခုက “မိန်းမ ပြီးတာကို မိန်းမထက် ယောက်ျားက ပိုဖြစ်စေချင်နေတတ်တယ်။” အမျိုးသမီး မပြီးတာက ငါ့ကြောင့်လား။ သူ့ကြောင့်လား တွေးလာလို့ပါ။

၁၉၆၀ ခုနှစ်မှာ ကျား ၃၁၂ နဲ့ မ ၃၈၂ ကို Orgasm ဖြစ်ရင် ဘာတွေ ဖြစ်လာသလဲဆိုတာ စမ်းသပ်ပြီး၊ ထုတ်ပြန်တာက “စိတ်လှုတ်ရှားမှု အရှိန်တက်လာ၊ သွေးစီးဆင်းမှု များလာ၊ ဒီအဆင့်မှာ တန်းနေရာကနေ (အော်ဂဇင်) ဖြစ်လာပြီး၊ နောက်ဆုံး အားလုံး ပြန်လျှော့ကျသွားတယ်။” လို့ ဆိုပါတယ်။ ၁၀ နှစ်ကြာတော့ အမျိုးသမီး သုတေသီတယောက်ကနေ ထပ်ဖြည့်တာက “စိတ်လှုတ်ရှားမှုထဲမှာ စိုးရိမ်မှု၊ ခုခံနိုင်စွမ်းမဲ့မှုနဲ့ အပြန်အလှန် ပြောဆိုနိုင်စွမ်းမရှိမှု တွေကြောင့် လိင်စိတ်ကို နည်းစေနိုင်သလို၊ (အော်ဂဇင်) ရမှာကိုပါ တားဆီးစေနိုင်တယ်။” တဲ့။

နောက် ၁၀ နှစ်ကြာပြန်တော့ အမျိုးသမီးပညာရှင် တယောက်က “Desire ဆန္ဒက Arousal စိတ်ဖြစ်ပေါ်မှု နဲ့ Orgasm ပြီးဆုံးခြင်းကို သက်ရောက်စေတာ မှန်ပေမဲ့၊ Orgasm ဟာ အထွတ်အထိပ် မဟုတ်ဘူး။ ဆက်ဆံမှု အဆင့်တဆင့်မှာလည်း ကျေနပ်မှု ရစေနိုင်တယ်” လို့ ယူဆပါသတဲ့။ (အော်ဂဇင်) ဟာ သာယာမှုအထွတ်အထိပ်လို့ အလွယ်ပြောတာ သိပ်မမှန်ပါ။ အဓမ္မပြုကျင့်တာ ခံရတဲ့အခါ ရှက်စိတ်နဲ့ရောပြီး၊ “အနည်းအပါး” ဖြစ်သွားတတ်သေးတယ်။

Orgasm ဟာ ကျန်းမာရေးအတွက် အများကြီး အထောက်အကူပြုပါတယ်။ ၁၉၉၇ တုံးက British Medical Journal မှာ အသက် ၄၅-၅၉ ရှိသူ ယောက်ျား ၉၁၈ ဦးကို ၁၀ နှစ်တာ စမ်းသပ်တဲ့အခါ၊ Orgasms နည်းနည်းသာ ဖြစ်ခဲ့သူတွေက ပိုပြီး အသက်တိုတယ်။ လိင်ဆက်ဆံမှု ရှိခဲ့သူတွေမှာ နှလုံးရောဂါဖြစ်တာလည်း ထက်ဝက် နည်းတယ်လို့ ရေးခဲ့တယ်။ (ကလိုရီ) အများကြီး သုံးပြစ်လို့ အလေးချိန် ကျစေနိုင်တယ်။

အမျိုးသမီးမှာ Orgasm ရရင် ကလေးရနိုင်လမ်း ပိုများစေတယ်လို့ ဆိုတယ်။ အဲဒီချိန်မှာ သူ့မွေးလမ်းက ပိုတိုသွားတဲ့ပြင် စုပ်အား ဖြစ်လာလို့တဲ့။ ဒါကို မှန်းပြောကြတာတော့ မဟုတ်ဘူး။ ၁၉၉၄ တုံးက (ဗော်လန်တီယာ) အမျိုးသမီးတွေကို လိင်ဆက်ဆံနေတုံး (ဗဂျိုင်းနား) ထဲမှာ Fiber optic cameras ထည့်ထားပြီး လေ့လာတာပါ။

ဒီအဆင့် ရောက်တော့မယ် ဆိုတာကို သူမကိုယ်တိုင် သိတယ်။ Sex flush မျက်နှာနီမြန်းလာမယ်။ Clitoris သန်မာလာပြီး၊ အတွင်းကို ငုံ့လာတယ်။ Vagina ပိုစိုစွပ်လာပြီး၊ နုတ်ခမ်းကြွက်သားငယ်က အရောင်ရင့် လာမယ်။ အ၀ပိုင်းက ကြုံ့-ကြပ်လာပြီး၊ ကျန်အပိုင်းက ပိုရှည်၊ ပိုကျယ်၊ ပိုဖေါင်းကြွလာတယ်။ ရင်သားထိပ် တင်းတောင့်လာတယ်။ သားအိမ်၊ မွေးလမ်း၊ စအို၊ တင်ပါးဆုံထဲက ကြွက်သားတွေ “အလိုအလျောက်” စည်းချက်ကျကျ ကြုံ့လာတယ်။ နှလုံးခုန်နှုံး မြန်လာတယ်။ အသက်ရှူတာ မြန်လာ-ပြင်းလာတယ်။ ဒါ့ပြင် သားအိမ်ကပါ ၃-၁၅ ခါလောက် ကြုံ့လာတယ်။ ကလေးဖွါးချိန် ထွက်တဲ့ Oxytocin ဟော်မုန်း ထွက်လာတယ်။ သာယာမှု အထွတ်အထိပ်ကို ခံစားရတယ်။ Euphoric sensation “ပီတိလွှမ်းဖြာ ခံစားမှုပါ” လို့ ပြောနိုင်တယ်။

ယောက်ျားတွေလို ပန်းထွက်တာမျိုး အမျိုးသမီးကလည်း အဆုံးသတ်မှာ Ejaculation ဖြစ်နိုင်တယ်လို့ ဆိုကြတယ်။ ဆီးသွားပြွန်ဘေးက Ducts ငယ်လေးတွေကနေ ဆီးသွားသလို အရည်ထွက်လာတဲ့။ ငြင်းနေကြဆဲပါ။

Orgasm ကိုတော့ လူတိုင်းလိုလိုက သိကြတယ်။ Anorgasmia, Ejaculatory Anhedonia, Inorgasmia ဆိုတဲ့ ဆေးဝေါဟာရတွေကိုတော့ ဆရာဝန်တချို့တောင်မှ သိပ် သတိမထားမိတတ်ကြပါ။ Orgasm မဖြစ်တာကို ခေါ်တာပါ။

အမျိုးသမီး ပြီးစီးအောင် ဘယ်လို ကြံဆောင်မလဲ။ Clitoris က အရေးပါလာတယ်။ (ကလိုက်တောရစ်) ဟာ အမျိုးသား လိင်အင်္ဂါနဲ့ ခန္ဓာဗေဒအရ တသဘောတည်း ဖြစ်တယ်။ သူ့အရေးပါမှုကို အများက လက်ခံကြတယ်။ Freud's theory အရ Clitoral orgasm (ကလိုက်တောရစ်) ကျေနပ်မှု နဲ့ Vaginal orgasm (ဗဂျိုင်းနား) ကျေနပ်မှု ဆိုပြီး၊ နှစ်မျိုး ခွဲထားတယ်။ ပဌမ အမျိုးအစားဟာ အပျိုဖြစ်ချိန်မှာ ဖြစ်တာနဲ့ နောက်တမျိုးက အရွယ်ရောက်ပြီးသူတွေနဲ့ ဆိုင်တယ်။ အပျိုစစ်စစ် ဖြစ်အုံးတော့ Clitoris ကို နိုးဆွရင် (အော်ဂဇင်) ရစေနိုင်တာဖြစ်ပြီး၊ နောက် တမျိုးမှာတော့ (ဗဂျိုင်းနား) ကို အသုံးချမှ ရတာဖြစ်တယ်။

ဒီ (သီအိုရီ) အရဆိုရင် အရွယ်ရှိသူတွေမှာ Clitoris ရဲ့ အရေးပါမှုကို ဘေးချိတ်ထားသလို ပြောရာ ကျနေတယ်။ Clitoris မှာ ခံစားနိုင်တဲ့ အာရုံကြောတွေ အများကြီးရှိတာမို့ ကလိရင်-ထိရင် လိင်စိတ် ကြွစေတယ်။ ဆက်ဆံနေချိန်မှာ နေရာကို ကျားအင်္ဂါနဲ့ ထိစေရင် အဲဒီအကျိုးကို ရစေတယ်။ ကျားအင်္ဂါနဲ့သာ မဟုတ်ပါ။ ကိုယ်တိုင်ဖြစ်ဖြစ် ကရိယာနဲ့ ဖြစ်ဖြစ် ထိစေရင်လည်း ဖြစ်ပါတယ်။ ခံစားကြပုံချင်း တဦးနဲ့တဦး မတူဘူး။ တချို့က ထိပ်နေရာကို ဘယ်လောက် ထိ-ကိုင်-ပွတ်သပ်ပါစေ ခံနိုင်ပေမဲ့၊ တချို့ကြ သိပ် Sensative ဖြစ်တာမို့ အသာအယာ မဟုတ်ရင် နာတာဖြစ်စေတယ်။ မြင်နိုင်တဲ့နေရာ သာမကပါ၊ အထဲမှာ အင်္ဂါအ၀ ဘေးတဖက်ဆီ ဆက်ဆင်းသွားတဲ့ မြင်းခွါပုံလို (တစ်ရှူး) ရှိသေးတယ်။ ဒီအစိတ်အပိုင်းကိုပါ ထိမိရင် ခံစားမှုပိုစေတယ်။ နာတာလည်း မရှိဘူး။

နောက်ထပ် အရေးပါတာ လာပြန်ပါသေးတယ်။ G-spot ဆိုတဲ့နေရာကို Dr. Ernst Grafenberg ကနေ စပြောခဲ့တာမို့ သူ့နာမည်ကို ဂုဏ်ပြုထားတာပါ။ လူပြောများတယ်။ တကယ် ရှိတယ်-မရှိဘူး၊ ရှိရင်လည်း ဘယ်မှာရှိလဲ၊ ငြင်းနေကြတုံးဘဲ။ (ဗဂျိုင်းနား) နံရံရဲ့ ရှေ့-အပေါ်ပိုင်း၊ ဆီးစပ်ရိုး အောက်-နောက်နားမှာလို့ ပြောတယ်။ နေရာကို နှစ်ခွ ရေးရတာကတော့ ခန္ဓာဗေဒကို စာသင်သလို ပြောရရင် လူတယောက်ကို “မတ်တပ်ရပ်၊ ရှေ့တည့်တည့်ကြည့်၊ လက်ကို ဆန့်တန်း၊ လက်ဝါးကို ဖြန့်ပြီး ရှေ့ကို မျက်နှာမူတဲ့ အနေအထား” ပေါ် မူတည်ပြီး၊ တခုနဲ့တခုကို နှိုင်းပြောရတယ်။ ဆိုလိုတာက လက်မြှောက်ထားပေမဲ့ တံတောင်ဆစ်ဟာ လက်ကောက်ဝတ်ရဲ့ အထက်မှာ။ အိပ်နေနေ၊ မနေနေ အမျိုးသမီး ဆီးသွားလမ်းဟာ (ဗဂျိုင်းနား)ရဲ့ ရှေ့မှာ ရှိတယ်လို့ ပြောရတယ်။

ရင်သား၊ တင်ပါး နဲ့ စအိုတို့ကလည်း လိင်စိတ်ကြွစေတဲ့အပြင် (အော်ဂဇင်) အထိ အထောက်အကူပြုတယ်။ တချို့မှာ Sexual dreams အိပ်မက်ကြောင့်လည်း ရစေနိုင်တယ်။

စကားပုံတခုရှိတယ်။ “ယောက်ျားသည် မီး၊ မိန်းမသည် ရေ” တဲ့။ မီးကနေ ရေကို ပွက်ဆူစေရပါသတဲ့။ ဒီသဘောအတိုင်း Orgasm ရအောင် ယောက်ျားကနေ စွမ်းဆောင်ပေးဘို့ လိုတယ်။ အမျိုးသမီးတွေက စိတ်ဖြစ်ပေါ်လာဘို့ အချိန် ပိုယူတယ်။ သူတို့အများစုက Foreplay ကြိုတင်နိုးဆွမှု လုပ်တာကို အမျိုးသားတွေထက် ပိုသဘောကျတယ်။ ဘယ်လို လုပ်သင့်တယ် ဆိုတာ ဆေးပညာ မတတ်လည်း နားလည်ကြတာမို့ မရေးတော့ပါ။ ရေးချင်တာက “မလောပါနဲ့။ အတင်း မဖြစ်မနေ Orgasm ရအောင် အလုပ်မခိုင်းပါနဲ့။ OG သွားပြခိုင်းတာကို နောက်ဆုံးကြမှ စဉ်းစားပါ။”

စိတ်တူသဘောတူ ယောက်ျား Orgasm ရတာကို အမျိုးသမီးက သိပ်တန်ဘိုးထားတယ်။ သူ့မအတွက်ပါ ကျေနပ်မှု ဖြစ်စေတယ်။ အမျိုးသမီးတွေက တခါ Orgasm ရပြီး၊ ဆက်တိုက်ဆိုသလို စိတ်ဖြစ်ပေါ်မှု ပြန်ရလာတယ်။ ယောက်ျားများ ကတော့ တခါပြီးတဲ့နောက် အချိန် ကန့်လန့်ကာ ချလိုက်ရသေးတယ်။ အမျိုးသမီးတွေက “တဆက်တည်း” တခါမက ရနိုင်တယ်။ Multiple orgasms ရှိတာ သေခြာတယ်။ နောက်တခါ ထပ်ရတာက ပိုတောင် ပြင်းထံသေးတယ်။ နောက်ပြန်ရဘို့က အရင်တခါလောက် အချိန်မယူဘူး။ ဆိုင်ရာနေရာ-အင်္ဂါတွေက ပိုပြီး Sensitive ဖြစ်လာလို့ပါ။ သူတို့မှာ (အော်ဂဇင်) ကို ခံစားရချိန်ကလည်း အမျိုးသားထက် အချိန်ပိုကြာတယ်။ “ယောက်ျားထက်အရင် မိန်းမက Orgasm ရတာမျိုးက (ပါဖက်) ဖြစ်တယ်လို့ ဆိုနိုင်တယ်။”

Orgasm ရစေချင်ရင် အမျိုးသမီးအနေနဲ့ စိတ်ပိုင်းအခြေအနေ လုံခြုံမှုရှိနေစေသင့်တယ်။ အဖေါ်မှာ STD ရှိသလား။ သူများတွေ မြင်မှာလေလား။ Orgasm ဆိုတာက ဘယ်လိုက ဘယ်လို ဆိုတာကိုပါ သိသင့်တယ်။ အမျိုးသမီးကို သူ့ဖါသူ (မာစတာဘေးရှင်း) အလုပ်ခိုင်းဘို့လည်း အကြံပေးကြတယ်။ Fantasies အဆန်းတွေလည်း တချို့က သဘောကျတယ်။ သူများကြိုက်တာက ကိုယ့်အတွက် ကောင်းချင်မှ ကောင်းတာကို သတိပြုပါ။ အနေအထား ရွေးတတ်ပါ။ “သူမကို ဦးဆောင်စေတာဟာ အကောင်းဆုံး နည်းလမ်းဖြစ်တယ်။”

ယောက်ျားတွေက Orgasm control လုပ်နိုင်တာ၊ အမျိုးသမီးတွေက Orgasm များများရတာမျိုးက အတွေ့အကြုံနဲ့ အသိတရားပေါ်မှာ မူတည်တယ်။ အိမ်ထောင်ကျခါစ မဖြစ်သေးတာ လူလိုကိုယ်လိုပါ။ မိန်းကလေးတွေဟာ ငယ်ရင် ဖြစ်သွားခဲ့တာကို သိချင်မှ သိအုံးမယ်။ သူ့အဆင့်နဲ့သူ တိုးတက်လာမှာပါ။ ဖြစ်စေ-ကောင်းစေ လုပ်နိုင်တဲ့ ဆေးဝါးတွေလည်း ရှိတော့ရှိတယ်။ အများအားဖြင့် တရားမ၀င်ဆေးတွေမို့ မရေးတော့ပါ။ နာမည်ကြီး Viagra နဲ့ အလားတူ Vigora ဆေးတွေဟာ ပန်းညှိုးရောဂါအတွက် ဖြစ်ပါတယ်။ ဒီဆေးက ကျားအင်္ဂါမှာ သွေးပိုစီးလျှောက်စေတယ်။ စိတ်ဖြစ်ပေါ်မှုကို အားပေးတာ မဟုတ်ဘူး။ ပန်းညှိုးတာ မဟုတ်လည်း သုံးရင် အချိန်ကြာကြာ တောင့်တင်းနေစေတယ်။ ဒါ့ကြောင့် အမျိုးသမီးကို Orgasm ရအောင် ကူညီဘို့ အချိန်ပိုရစေနိုင်တယ်။ တကြိမ်မှာ ၅၀ မီလီဂရမ်ဆို လုံလောက်တယ်။

ဒီအချိန်မျိုးတွေမှာ အမျိုးသမီးကနေ Cry and Moan အသံထွက်တာ၊ အော်တာ၊ ငိုမလိုဖြစ်တာမျိုးက တယောက်နဲ့ တယောက် မတူဘူး။ အသံလုံးဝ မထွက်သလောက်နဲ့ ကျယ်လောင်တာအထိ ကွာခြားတယ်။ တယောက်တည်း တောင်မှ တချိန်နဲ့ တချိန်၊ တရွယ်နဲ့ တရွယ် မတူဘူး။ ဒါရိုက်တာကနေ မင်းသားကို ပြောချင်တယ် “သူများလို မဟုတ်လို့ ကိုယ့်မင်းသမီးကို အထင်မသေးသင့်ဘူး။”

(ရှိတ်စပီးယား) ရဲ့ (လိုင်း) တွေရှိတယ်။ "I will live in thy heart, die in thy lap, and be buried in thy eyes" "I will die bravely, like a smug bridegroom" “သူမရဲ့ ပေါင်ကြားမှာဘဲ သေသွားပါစေ။” “ငါဟာ သွေးနားထင်ရောက်နေတဲ့ သတို့သားလို သတ္တိရှိရှိ သေသွားမယ်။” တဲ့။

Dr. တင့်ဆွေ
၂-၆-၂၀၁၀

Read more...

Inverted nipples နို့ပါးစပ်

Q: ဒေါက်တာခင်ဗျား။ ကျွန်တော့် အမျိုးသမီးမှာ “နို့ပါးစပ်” ဖြစ်နေပါတယ်။ အဲဒါ ဘယ်လို ကုသနိုင်လဲ၊ ဘာကြောင့် ဖြစ်တာလဲဆိုတာ ရှင်းပြပေးစေလိုပါတယ်။ နို့သီးခေါင်းမှာ ပါးစပ်လိုလေး ဖြစ်နေပြီးတော့ ကလေးကို နို့တိုက်ဖို့ နို့မထွက်တာပါ။ နာကျင်တဲ့ ဝေဒနာတော့ မခံစားရပါဘူး။ သူတို့ တစ်မျိုးလုံးဖြစ်တာလို့တော့ ပြောပါတယ်။ ဖြစ်တာကတော့ မွေးရာပါပေါ့ ဆရာ။ အသက်ကတော့ ၂၃ ထဲမှာပါ။ ကလေးတော့ မရသေးပါဘူး။ ကလေးယူတဲ့ အချိန်ကျရင် ကလေးအတွက် အခက်အခဲဖြစ်မှာစိုးလို့ မေးကြည့်တာပါ။ ဖြေရှင်းနိုင်မယ့် နည်းလမ်းလေး သိချင်လို့ပါ။

ဗမာလိုရောဂါနာမည် ပေးတာတွေက တယောက်နဲ့တယောက်၊ တရပ်နဲ့တရပ် မတူကြလို့ အတော်ကြီး ဦးနှောက်စားတယ်။ အဖြစ်နိုင်ဆုံးကတော့ Inverted Nipple နို့သီးထိပ်ဖျား အထဲခွက်ဝင်နေတာဖြစ်မယ်။ (ဂျင်နရယ်) ရင်သားရောဂါဗေဒ စာရင်းထဲမှာ မသွင်းဘူး။ အထူးခွဲစိတ်ပညာထဲမှာသာ ပါတယ်။ မှန်ပါတယ် ကလေးကို နို့တိုက်ရတဲ့အခါ ပြဿနာ ပေါ်တယ်။ ဘယ်လောက်ဆိုးသလဲကို အဆင့်တွေ သတ်မှတ်ထားတယ်။

နို့သီးထိပ်ရဲ့တစိတ်တပိုင်းဝင်နေတာကို Dimpled ခေါ်တယ်။ အကုန်ဆိုရင် Inverted ခေါ်တယ်။ တချို့တ တဖက်ထဲ ဖြစ်တယ်။ နဲနဲသာဖြစ်သူက ကလေးကိုနို့တိုက်လို့ ပြဿနာမကြီးဘူး။ ကလေးက လမစေ့၊ အလေးချိန်နည်းလွန်းရင်တော့ ခက်မယ်။

အဆင့် (၁) လက်နဲ့ဆွဲထုတ်ပေးလို့ လွယ်တယ်။ နို့သီးဘေးက အညိုရောင်အ၀ိုင်း Areola ပေါ်မှာ ဖိထားပြီး၊ ထိပ်ဖျားကို ထုတ်ပေးရတယ်။ အဆင့် (၂) ဆွဲထုတ်လို့ရပြီး၊ ပြန်ဝင်သွားတဲ့အဆင့်။ မခွဲတဲ့နည်းကို စမ်းနိုင်တယ်။ မရရင် ခွဲစိတ်ရမယ်။ အဆင့် (၃) ဆွဲထုတ်လို့မရ။ ခွဲစိတ်ပြုပြင်ရမယ်။

ခွဲစိတ်နည်း
အပြင်လူနာဖြစ်ဖြစ် အတွင်းလူနာဖြစ်ဖြစ် ကုပေးနိုင်တယ်။ ထုံဆေးနဲ့ခွဲတယ်။ နို့သီးထိပ်ရဲ့အခြေ၊ အရောင်ရင့် အ၀ိုင်း Nipple areola junction မှာ ဒါးနဲ့ခွဲပေးပြီး၊ နို့သီးဖျားကို ခွက်ဝင်နေအောင် ဆွဲထားတဲ့ (တစ်ရှူး) Tethered structure ကို Release ရှင်းပေးရတယ်။ ဘယ်လောက်အထိ ရှင်းရမလဲဆိုတာက ဖြစ်နေတဲ့အပေါ်မှာ မူတည်တယ်။ ခွဲစိတ်ပြီးနောက် ဆေးထည့်တာကို (စပါယ်ရှယ်) လုပ်ပေးရတယ်။ Plastic and white non-stick padding dressings ကို ခွဲစိတ်အပြီး၊ ၂၄ နာရီအတွင်းမှာ သုံးရတယ်။ နို့သီးထိပ်ပိုင်းကို ဖိနှိပ်ထားသလိုမျိုး မဖြစ်စေအောင် လုပ်ရတယ်။ Cotton gauze အလည်မှာ အပေါက် ဖေါက်ပေးတာမျိုး ပြောတာပါ။ ပြီးမှ Bra ခပ်နုနု သိပ်မချောင်တာမျိုး ၀တ်စေရတယ်။ Tape ကနေ အသားနု တက်လာမဲ့ အရေပြားနဲ့ (တစ်ရှူး)တွေကို မထိခိုက်စေရပါ။ Antibiotic အပြင် မနာအောင် Tylenol ပေးတယ်။

မခွဲစိတ်နည်း
Hoffman Technique နည်းကတော့ လက်နဲ့ဘဲ ဆွဲထုတ်နည်းပါ။ အရောင်ရင့်အ၀ိုင်း နို့သီးထိပ်ဘေးကပ်လျက်နေရာမှာ လက်မနဲ့ လက်ညှိုးကိုထားပြီး၊ ခပ်တင်းတင်း အောက်ကို ဖိချ၊ တပြိင်နက်တည်းမှာ ဘက်နှစ်ချောင်းကို အဝေးကို ခွါပေးရတာပါ။ အနည်းဆုံး တနေ့ ၂-၅ ကြိမ်လုပ်ရတယ်။

Breast Pump နို့စုပ်စရာနဲ့စုပ်နည်း၊ ၀ယ်လို့လွယ်တယ်။ တောတွေမှာ ၀ယ်မတော့ သင်္ဘောရွက်အရိုးနဲ့ စုပ်ပေးကြတယ်။ Evert-it Nipple Enhancer ဆိုတာလည်း Silicone နဲ့လုပ်ထားတဲ့ Syringe ဆေးထိုးပိုက်လို ကရိယာဖြစ်တယ်။ နို့မတိုက်ခင် လုပ်ပေးရတယ်။ Nipple stimulation နို့သီးထိပ်ကို ဆွပေးတာပါ။ လက်မနဲ့ လက်ညှိုးသုံး၊ ၁-၂ မိနစ် ကိုင်ပြီး၊ Roll လုပ်ပါ။ ပြီးရင် ချက်ချင်း အေးနေတဲ့ (ရေခဲ)အ၀တ်နဲ့ ထိပေးပါ။ ရေခဲကို အကြာကြီးတော့ မသုံးပါနဲ့။ ထုံသွားမှာစိုးလို့။ ဟိုရုပ်ရှင်မျိုးရိုက်ရင် အဲဒီနေရာကို အသားပေဘို့ လုပ်တဲ့နည်းအတိုင်းပါဘဲ။

Medela SoftShells ဆိုတာက မခွဲစိတ်ဘဲ သုံးနိုင်တယ်လို့ ကြော်ညာတဲ့ ပစ္စည်းဖြစ်တယ်။ ခပ်ခုံခုံး ပလပ်စတစ်ခွံမှာ soft, flexible silicone နူးညံ့တဲ့ (စီလီကွန်) ပစ္စည်းနဲ့လုပ်တာ။ လေ၀င်ဘို့ အပေါက်လည်းပါတယ်။ နို့ရည် စုပ်နိုင်အောင် Highly absorbent foam ထည့်ထားတယ်။ နို့ရဲ့ အရောင်ရင့်ပိုင်း Areola ကို ဖိပေးထားတာမို့ နို့သီးထိပ်ကို စူထွက်လာ စေတယ်။ အပေါ်ကနေ ပုံမှန်ဝတ်ဆင်ထားရင် ပါနေမှန်း မသိရဘူး။

Avent Niplette ဆိုတာကလည်း Plastic thimble-like cup (ပလပ်စတစ်) ခွက်တခုပါ။ နို့ထိပ်ပိုင်းကို ပန်းပုထုသလို Mould လုပ်တာမျိုးပါဘဲ။ ထိပ်ဖျားစူထွက်စေအာင် ဘေးက အရောင်ရင့်ပိုင်းကို ဖိပေးစရာ ဖြစ်နေအောင်လုပ်တာပါ။ British Journal of Plastic Surgery, December 1993 မှာ ရေးထားတယ်။ တလ-ကိုးသီတင်း ၀တ်ထားရင် နို့သီး ထွက်နေမယ်လို့ ဆိုတယ်။ ကိုယ်ဝန်မဆောင်ခင်နဲ့ ကိုယ်ဝန် ၆ လအတွင်း သင့်တယ်လို့ ပြောတယ်။ မွေးရာပါ အတွက်တော့ အာမခံတာ မတွေ့ရဘူး။

ဘယ်ကလေးမဆို နို့တိုက်တာကို မွေးပြီး၊ အစောဆုံး (၂-၃ နာရီ အတွင်း) တိုက်သင့်တယ်။ အဖြူရောင်နို့ရည် မထွက်သေးလည်း တိုက်ပါ။ ရောဂါကို ခံနိုင်တဲ့ (အင်တီဘော်ဒီ) တွေပါတယ်။ နို့သိပ်တင်းလာမှာကို ကာကွယ်ရာလည်း ကျတယ်။ ကလေးကိုလည်း နို့တွေ သိပ်မများခင် အစို့သင်ရာလည်း ရောက်တယ်။ နို့တိုက်နေတုံး နို့အုံကို အရောင်ရင့် အ၀ိုင်း Areola အပြင်မှာ လက်မက အပေါ်၊ ကျန်လက်ချောင်းတွေက အောက်ထားပြီး၊ ဖိပေးရတယ်။ နို့တခါ တိုက်ပြီးတိုင်း နို့ထိပ်ကို ခြောက်နေပါစေ။ တချို့က Lansinoh brand lanolin ကို သုံးတယ်။

ကိုယ်ဝန်ဆောင်ကတည်းက ရေချိုးတိုင်း ထိပ်ဝကို အ၀တ်သန့်နဲ့ နဲနဲကြမ်းကြမ်းလေး ပွတ်ပေးပြီး၊ နို့ထွက်ပြွန် (၇-၁၅) ခု ထိပ်မှာ ချွေးစတာတွေ ပိတ်မနေအောင် သန့်ပေးရမယ်။ ဗမာပြည်မှာ တချို့အရပ်တွေမှာ သားဦးမွေးရင် ၃ ယောက်မှာ ၁ ယောက် နို့နာဖြစ်တတ်တယ်။ ပြည်မတည်ခင် နို့တင်း-နာလာချိန်မှာ နို့ညစ်တာ၊ စုပ်ပေးတာ၊ အပူကပ်ပေးတာ လုပ်ရတယ်။ မရရင် (အင်တီဘိုင်အောတစ်) ဆေးပေးရတယ်။ နောက်ဆုံး ပြည်ရှိရင် ခွဲထုတ်ရတယ်။ တင်ပါးနဲ့ နို့က နေရာကျယ်တာမို့ Abscess အနာဖြစ်ရင် အကြီးကြီးတွေ။ ခွဲရင် အနာထဲ လက်ချောင်းတခု ၀င်နိုင်အောင်အထိ ကျယ်ရတာမျိုး။ သူများဆီမှာ ကလေးနို့တိုက် (စပါယ်ရှယ်လစ်) ဆိုတာရှိတယ်။ နို့ကို MRI ရိုက်တာလည်း အထူးပြုဘာသာရပ် ရှိသေးတယ်။

Dr. တင့်ဆွေ
၃-၆-၂၀၁၀

Read more...

Varicose veins သွေးကြောထုံးခြင်း

“အကြောပြတ်ခြင်း” ကို ဖတ်ပြီး၊ “အကြောထုံး” တာလည်း သိချင်တယ်ဆိုလို့။ နောက်တခါ “သားကြောဖြတ်” တာ ရေးရမလားဘဲ။

ဗမာစကားမှာ “အကြော” ဆိုတာကို အလွယ် သုံးတတ်ကြတယ်။ Nerve အာရုံကြော၊ Muscle ကြွက်သား၊ Tendon အရွတ်၊ အကုန် အကြောချည်းဘဲ ပြောတယ်။ တခါတလေ ဘာပြောတယ်ဆိုတာ မှန်းမရတတ်ဘူး။ “ရှက်ကြောပြတ်တာ” တာ့ ဆရာဝန်ရော၊ လူနာပါ အတူတူ သိကြတယ်။ တခြားလူမျိုးတွေက မသိကြရှာဘူး။

သွေးကြောဆိုတာ နှလုံးကနေ တကိုယ်လုံး ရောက်အောင်လွှတ်ပေးတဲ့ Artery သွေးလွှတ်ကြော နဲ့ ခန္ဓာကိုယ်အနှံ့ကနေ နှလုံးဆီကို ပြန်လာတဲ့ Vein သွေးပြန်ကြော ဆိုပြီး နှစ်မျိုးရှိတယ်။ Capillaries သွေးကြောမျှဉ်လေးတွေ ဆိုတာလည်း ရှိပါသေးတယ်။ မျက်စိနဲ့တော့ မမြင်နိုင်ဘူး။ Varicose veins သွေးကြောထုံးရောဂါက သွေးပြန်ကြောမှာ ဖြစ်တာပါ။

သွေးပြန်ကြော အတွင်းမှာ တဖက်သတ်သာ သွေးစီးအောင်လုပ်ပေးတဲ့ Leaflet Valves အဆို့ရှင်တွေ ရှိနေတယ်။ သွေးလွှတ်ကြောကတော့ နှလုံးက ညှစ်ပေးလို့ သွေးစီးသွားစေနိုင်ပေမဲ့၊ သွေးပြန်ကြောထဲက သွေးတွေ နောက်ပြန် မစီးအောင် သူတို့ကနေ လုပ်ပေးကြတယ်။ ဒီကောင်တွေ ကောင်းကောင်း အလုပ် မလုပ်တော့ရင် ဒီရောဂါ ရတယ်။ အမှန်က အကြောတွေ ထုံးနေတာတော့ မဟုတ်ဘူး။ ဖေါင်း-ရောင်-တွန့်နေတာပါ။ ခပ်ပြာပြာ၊ အရေပြားပေါ်မှာ ဖေါင်းကြွနေတာ။ အများဆုံး တွေ့နိုင်တာက ခြေသလုံး နောက်ဖက်မှာ။ ကြာလေ ဖေါင်းလေ။ ကြည့်မကောင်းတာအပြင် နာတတ်တယ်။ ယားတတ်တယ်။

အသက် ၅၀ ကျော်ရင် ၂ ယောက်မှာ ၁ ယောက်လောက် အနည်းနဲ့အများ ရှိလာတတ်တယ်။ အမျိုးသမီးတွေမှာ ပိုများတယ်။ မျိုးရိုး လိုက်တတ်တယ်။ ကိုယ်ဝန်ဆောင်ရတာ၊ အ၀လွန်တာ၊ သွေးဆုံးတာ၊ အသက်ကြီးတာ၊ အကြာကြီး ရပ်ရတာ၊ ခြေထောက် ခိုက်မိတာတွေကြောင့် ဖြစ်လာစေနိုင်တယ်။ Piles လိပ်ခေါင်းဆိုတာလည်း စအိုမှာ ဒီလိုသဘော ဖြစ်တာပါဘဲ။ ဒါ့အပြင် ခပ်ဆင်ဆင် Spider veins ပင့်ကူလို ဖြစ်နေတာလည်း ရှိတယ်။

ခြေထောက် ရောင်လာမယ်။ Cramps ကြွက်သား နာတာ ဖြစ်တတ်တယ်။ သူကို ခိုက်မိလို့ အနာဖြစ်ရင် ပျောက်ခဲလှတယ်။ အနာကို ခိုက်မိပြန်ရင် သွေးအလွန်ထွက်မယ်။ ခြေမျက်စိအနားမှာ ဖြစ်လေ့ရှိတယ်။ နှင်းကူနာလိုပါ ဖြစ်လာတတ်တယ်။ အသက်ကြီးသူတွေဆိုရင် Thrombophlebitis သွေးပြန်ကြောရောင်တာ ဖြစ်တတ်တယ်။ ပြဿနာ ကြီးတာက သိပ်ဆိုးမှပါ။ သွေးလျှောက်တာ နည်းလွန်းလာလို့။ လမ်းတောင် မလျှောက်နိုင်၊ မရပ်နိုင် ဖြစ်လာတယ်။ တချို့ကြ အနာက Carcinoma or Sarcoma ကင်ဆာ ပြောင်းသွားတတ် သေးတယ်။

ခြေထောက်မြှင့်ထားပြီး နားပါ။ Compression stockings ကြပ်အောင်စီမံထားတဲ့ ခြေအိမ်တမျိုး ၀တ်ထားပါ။ နာတာကို Ibuprofen သောက်ရတယ်။ Aspirin ကတော့ သွေးခဲတာအတွက်ပါ ကောင်းတယ်။ အစာလမ်း သွေးမယိုအောင်တော့ သတိထားပါ။ သွေးခဲတာဖြစ်ရင် သွေးမခဲဆေး Anti-coagulation ပေးမယ်။ Thrombectomy, Foam Sclerotherapy အခဲကိုခွဲထုတ်တာ လုပ်ရတယ်။

သွေးကြောထုံးတာကို သမားရိုးကျ ခွဲစိတ်နည်းက Vein stripping ဖြစ်တယ်။ ဖြစ်တဲ့သွေးပြန်ကြောကို ခွဲထုတ်ပြစ်တာပါ။ ခေတ်ပေါ်နည်းကတော့ Ultrasound သုံးပြီး Sclerotherapy နဲ့ ရေဒီယိုလှိုင်းသုံးတဲ့ Radiofrequency ablation နောက်ပြီး လေဆာသုံးတဲ့ Endovenous laser နည်းတွေဖြစ်တယ်။ ခြေထောက်ကနေ နှလုံးဆီကို ပြန်လာတဲ့ သွေးတွေရဲ့ ၉၀% က အတွင်းပိုင်းက သွေးပြန်ကြောတွေကနေ လုပ်ပေးတာမို့၊ သွေးကြောထုံး ဖြစ်စေတတ်တဲ့ အပေါ်ယံ သွေးပြန်ကြောကို ခွဲစိတ်ထုတ်ပြစ်တာ ပြဿနာမကြီးဘူး။

ခြေထောက် အဖျားပိုင်းကို မြှင့်ထားပြီး နားပါ၊ ထိုင်နေရင်လည်း ခြေထောက်တွေကို ချိတ်မထားနဲ့။ အောက်ပိုင်း အ၀တ်အစား ခပ်ချောင်ချောင်ဝတ်။ ထမီ နဲ့ ဂါဝန်။ စကပ်လည်းရတယ်။ မတိုစေနဲ့ အကြောထုံးတာ လူမြင်မယ်။ အ၀ မလွန်၊ အလွန် မ၀စေနဲ့။ ရပ်ရတဲ့ အလုပ်မှန်သမျှ ရှောင်။ မတ်တတ်ရွာကလူတွေ သတိထား။ မရပ်ရအောင် ရေတောင် မချိုးနဲ့ ရေဘဲကူး။ ရှူပေါက်ရင်လည်း ရပ်မပေါက်နဲ့။ အမျိုးသမီးတွေ အဖြစ်များတာ ဒါ့ကြောင့်တော့ မဟုတ်ဘူး။ ကိုယ်ဝန်မဆောင်နဲ့။ သွေးမဆုံးစေနဲ့။ အသက် မကြီးစေနဲ့။

Dr. တင့်ဆွေ
၎-၆-၂၀၁၀

Read more...

Low Back Pain ခါးကောင်းမောင်းသန်ကြစေ

ချင်းတွင်းမြစ်ထဲကို အနောက်ဖက်ကနေ စီးဝင်တဲ့ “ယမား” နှစ်ခုရှိတယ်။ ယမားဆိုတာက နွေဆိုရင် ရေမရှိတဲ့ ချောင်းပါ။ လူကြီးသူမတွေက “ရေမရှိတဲ့ချောင်း၊ နှာခေါင်းနှစ် ဘာဖြစ်စေ-ညာဖြစ်စေ” ပြောလေ့ရှိတာပေါ့။ အဲ့့ မိုးများ ရွာလိုက်လို့ ကတော့ တခေါ်လောက်သာ ကျယ်တဲ့ယမားကို ကန့်လန့်ဖြတ် မကူးလေနဲ့။ ဘယ်လောက် သန်တဲ့နွားဖြစ်ဖြစ်၊ ဘယ်လောက် မြန်တဲ့လူဖြစ်ဖြစ် မလွတ်ရေးချ မလွတ်။

ယမားချောင်းဘေး ရေကောင်းသလား မမေးနဲ့။ မြေအမျိုးအစားကလည်း တနယ်မြေမ လို့ခေါ်တယ်။ မဲပြီး၊ စေးနေတာမျိုး။ ပဲ-ပြောင်း-နှမ်း-၀ါ-ဂျုံ အကုန်စိုက်။ အထွက်လည်း ကောင်းတယ်။ မကောင်းတာကတော့ မိုးရွာပြီဆိုတာနဲ့ ကားမပြောနဲ့၊ လှည်းဘီးတောင် မလည်နိုင်တော့ဘူး။ တအောင့်နေ တခါ၊ လှည်းဘီးကရွံ့ကို ခြစ်ပြစ်ပါမှ ခရီးဆက်နိုင်မယ်။ ချောင်းစပ်-ချောင်းဘေးမှာ ကြက်သွန်၊ ခရမ်းချဉ်၊ လာစိုက်ကြတယ်။ သရက်ပင်၊ အုန်းပင်ဆိုတာ သားသမီး အမွေပေးရင် စာရင်းဝင်တယ်။ ချင်းတောင်မှာ ပျားအုံက မိန်းမတောင်းရင် တင်တောင်းလို့ ရသလိုပေါ့။ ယမားနှစ်ခုကြားမှာ ဟိုအရင်က မစိုက်ဘူးတဲ့ ကုလားပဲနဲ့ ဂျုံကို ပြောင်းစိုက်ကြတော့ ယင်းမာပင်ဂျုံ၊ ပုလဲဂျုံ၊ ဆားလင်ကြီးဂျုံ၊ ဈေးကောင်းရတယ်။

ဒီလိုဆိုလိုက်တော့ ဒီနယ်မှာ မွေးတဲ့ကလေး ကြီးရင် စိုက်ပျိုးရေးသမားဖြစ်မယ် ထင်နိုင်လောက်ပါရဲ့။ ဖြစ်တော့ မလို့ဘဲ။ ဆယ်တန်း အောင်တော့ အမှတ်ပေးစနစ်အသစ်နဲ့ ညားခဲ့တယ်။ နောက်လူတွေက သိကြမှာ မဟုတ်ဘူး။ နောက်လူတွေရဲ့ အသစ်-အဆန်းတွေကိုလည်း ရှေ့လူတွေ မချစ်-မနန်းကြဖူးဘူးသလိုပေါ့။ အဲဒီခေတ် ဆယ်တန်းအောင်ချိန်မှာ ဘယ်ပညာ၊ ဘယ်စာ ဆက်သင်မလဲဆိုတာ ဦးစားပေး သုံးခု ရွေးကြရတယ်။

၁၆ နှစ်သားဆိုတော့ ကြိုက်တာကို သိပ်မရွေးတတ်သေးဘူး မဟုတ်လား။ ဆေး၊ စက်မှု၊ ဆိုတာတွေက ထိပ်က။ တန်ရာနဲ့ ကြိုက်ရာ နှစ်ခုလုံး ရွေးလိုက်ရပါတယ်။ ကိုယ့်အမှတ်ကို ကိုယ်ကမှ အထင်မကြီးရင် ဘယ်သူလာကြီးမလဲ။ ဆေးကို တစ်။ အများဆုံးရတဲ့ ဘာသာ (မေဂျာ)ကို နှစ်။ တခုကျန်သေးတာ ဘာရွေးရမလဲ။ ကဲကွာ တတိယ ဦးစားပေး စိုက်ပျိုးရေး။ တောသူ-တောင်သား မျိုးရိုးဖြစ်လို့တော့ မဟုတ်ဘူး။ မန္တလေးမှာရှိတဲ့ ကျောင်းတွေကိုသာ ရွေးလိုက်ရလို့ပါ။

အလုပ်အကိုင်ရပြီး၊ အတော်ကြာမှ ကိုယ့်မြို့ကိုယ်နယ်ကို တာဝန်နဲ့ ပြန်လာရတယ်။ အဲဒီအချိန်မှာ ၀ါတွေမစိုက်ကြတော့လို့ ၀ါစက်တွေ မလည်နိုင်တာ အတော်ကြာပြီတဲ့။ ဒါပေမဲ့ ကျွန်တော်တို့အဖို့ အသုံးကြတာ သွားတွေ့ရတယ်။ ၀ါလှမ်းတဲ့ အုတ်ခုံကြီး။ ၈၇ ပေ x ၃၆ ပေ။ အနေတော်ဘဲ။ “ပုလဲ-အိုးပင်း” တင်းနစ် ကစားကွင်း လုပ်လိုက်ကြတယ်။

တရက်ကြတော့ တင်းနစ်ကစားရင်း ဘောလုံးကို ရိုက်ဖို့ ကြိုးစားတာ ကိုယ်အောက်ပိုင်းက မရွေ့နိုင်ဘဲ၊ အထက်ပိုင်းက ရှေ့တက်လိုက်မိတော့ ခါးနာပါလေရော့။ အတော့်ကို ခံရသဗျ။ ခါးနာတဲ့လူတွေက အများသား။ စာရင်းမှတ် လေ့လာသူများက လူ ငါးယောက်မှာ လေးယောက်က ဖြစ်ဖူးသတဲ့။ အကြောင်းအမျိုးမျိုးနဲ့ နာတတ်တာ။ ယောက်ျား-မိန်းမ မရွေးဘူး။ အရွယ်က လူလတ်ပိုင်း ဖြစ်တတ်ကြတယ်။ ဒါပေတဲ့ များသောအားဖြင့် သာမန်ကာရှန်ကာနဲ့ ပျောက်ပါတယ်။ နာတာကို နားပြီး၊ အကိုက်ပျောက်ဆေးသောက် ပျောက်တာမျိုး၊ မဆိုးလှပါဘူး။ အဲလို ကံကောင်းသူ မဟုတ်ရင်တော့ နာမယ်၊ ကြာမယ်။ တခါဖြစ်ဖူးရင် ထပ်ထပ်လည်း ဖြစ်တတ်သေးတယ်။

အကိုက်အခဲ ပျောက်ဆေးကို ပဲလှော်လို၊ အိမ်တိုင်းမှာရှိ၊ လူတိုင်းလဲသိတယ်။ (ဘတ်စ်ပရို)၊ (အေပီစီ)၊ ပျင်းတာ လိုချင်ရင် (အနာဂျက်ဆင်)၊ အခုနောက်ပိုင်း၊ Ibuprofen, Combiflam, Diclofenic နာမည်တွေက အမျိုးမျိုး။ ဆေးနာမည် ဆိုတာ ကုပ္မဏီတွေက ပေးတဲ့နာမည် Brand name နဲ့ ဆေးနာမည် Generic name ဆိုတာ နှစ်မျိုးမှတ်ဘို့ လိုပါတယ်။ အကိုက်အခဲ ပျောက်ဆေးဆိုတာက ရေတွက်မကုန်အောင် နာမည်မျိုးစုံပေမဲ့၊ အမျိုးအစား သုံး-လေးမျိုး လောက်သာ ရှိတာပါ။ NSAID အုပ်စုလို့ နာမည်ပေးထားတာ။ (စတီရွိုက်) မပါတဲ့ အနာပျောက်ဆေး။ Steroid ဆိုတာ ဟော်မုန်းလိုဘဲ အာနိသင်ကပြင်း၊ ဘေးထွက်ဆိုးကျိုးကလဲ မရှင်း၊ ပဲလှော်လို မစားဘဲ၊ ဒူးရင်းသီးလို တခါတလေမှ သေသေခြာခြာ၊ စားရတာမျိုး။

Pain killer လို့ အလွယ်ပြောပေမဲ့ သတ္တိက သုံးမျိုးတောင်ရှိတယ်။ နာတာလဲ ပျောက်၊ ဖျားတာလဲ ကျ။ ရောင်တာလဲ လျော့လို့ “သုံးလွန်းတင်ဆေး” ဖြစ်တယ်။ တကယ် ပဲလှော်လို စားနိုင်တာကတော့ (ပါရာစီတမော)။ ကျောင်းနေတုံးက ဒီဆေးကို အရေးမလုပ်ခဲ့ကြဘူး။ နောက်တော့ သွေးထွက်တတ်တဲ့ ရောဂါတွေ ခေတ်စားလာ။ ဗိုက်နာရောဂါတို့၊ သွေးလွန်-တုပ်ကွေးတို့၊ ဟိုက-ဒီက သွေးယိုတာတို့ များလာတော့ အကိုက်ပျောက်ဆေးတွေကို တလေးတစား၊ သတိထားရာကနေ တချိန်က လူသိမများခဲ့တဲ့ ကို(ပါရာ)က နေရာ ရလာတော့တယ်။

ဆိုးတဲ့ ခါးနာမျိုးက တော်တော့် အနာပျောက်ဆေးနဲ့ မရတော့ဘူး။ အပြင်းစားတွေ သုံးရတယ်။ ဘိန်းတမျိုးမျိုး ပါတဲ့ ဆေးမျိုးကို ပြောတာ။ နောက်ပြီး Muscular relaxant ကြွက်သားပြော့ဆေးလဲ ပေးရတတ်တယ်။ ခက်တာက ဆေးရှိန် ရှိနေတုံးမှာ အနာသက်သာမယ်။ “ခါးနာတို့မည်သည် ဆေးတခုတည်းနဲ့ မရပါ။”

ခါးနာသူများ “အအိပ်-အနေ-အထိုင်” ဤသုံးမျိုး ချက်ပိုင်ဘို့ လိုတယ်။ အိပ်ရင် ကြမ်းခင်း မာမာမှာ ခါးစန့်စန့်၊ ခေါင်းအုံး နိမ့်နိမ့် အိပ်ပါလေ။ သိပ်နာနေချိန် ခေါင်းအုံးမသုံးဘဲ လေ့ကျင်းခန်းသဘောမျိုး လှဲနေပါ။ ဆင်းရဲသားကြိုက်ပါ။ ပက်လက် ကုလားထိုင်မှာ မထိုင်လေနဲ့။ မွေ့ယာ မသုံးနဲ့၊ (ဒရင်း-ဘက်) မ၀ယ်နဲ့၊ Hammocks ဆိုတဲ့ ကြိုးတို့၊ အ၀တ်တို့နဲ့ လုပ်ထားတဲ့ ပုခက်အိပ်ယာနဲ့ စတိုင် မထုတ်ပါနဲ့။

ထိုင်ရင် ကျောမှီပါရမယ်။ ပေါင်က အခင်းမှာ ကပ်နေသလို ကျောက နောက်မှီမှာ ကပ်နေပါစေ။ ဆောင့်ကြောင့် မထိုင်ပါနဲ့။ လက်တ၀ါးလောက်သာ မြင့်တဲ့ ဖင်ထိုင်ခုံမှာ ထမင်းချက်ရင်း၊ မီးလှုံရင်း။ အတင်းပြောရင်း၊ သန်းရှာရင်း၊ မထိုင်ပါနဲ့။ တီဗွီကို လှဲရင်းကြည့်မယ် ဆိုပါတော့၊ ဆက်တီ-ကူရှင်ပေါ်မှာ ငါးထပ်သားပြားကို ခင်းထားမှ ကောင်းမယ်။ သိကြားမင်းရဲ့ ကဗ္ဗလာမျိုးနဲ့ မရဘူး။

မနက်လင်းလို့ မျက်နှာသစ်ရင် ပြဿနာတက်ပြီ။ ခါးကို ကုန်းလိုက်လို့ကတော့ ပိုဆိုးမယ်။ မကုန်းရင်လည်း ဗိုက်ကို ရေစိုပြီ။ စိုပါစေ။ လက်ဆေး၊ ပန်းကန်ဆေး၊ အ၀တ်လျှော်၊ ဘာမဆို ခါးကို ဆန့်ပြီးမှ လုပ်ပါ။ ကွန်ပြူတာမှာ ထိုင်တဲ့အခါ လက်ကောက်ဝတ်ကိုဘဲ သတိပေးနေတာနဲ့ မလုံလောက်ဘူး။ တံခါး၊ ဘီရို၊ စားပွဲ၊ လက်ဆေးခွက်တွေ အားလုံးဟာ ကိုယ့်အရပ်နဲ့ ကိုက်နေဘို့ လိုတယ်။ ဘယ်လောက်ဘဲ ပြောင်လက် ချောမွေ့နေအောင် လုပ်ထားပါစေ၊ ရွှေကွပ် ထားအုံးတော့ အနိမ့်အမြင့် မကိုက်တဲ့ အသုံးအဆောင်ဟာ ရန်သူဘဲ။

ခါးနာတာကို ခါးမှာ အပူကပ်ရင် သက်သာနိုင်တယ်။ ပရုပ်-ပလာစတာ၊ ငရုပ်သီး-ပလာစတာ ဆိုတာမျိုး၊ (အင်ဖရာ-ရက်) ဆိုတဲ့ အနီအောက်ရောင်ခြည်နဲ့ မီးနီကင်တာလဲ အထောက်အကူရပါတယ်။ Physiotherapy (ဖီဇီယို) ခေါ်တဲ့ ဖယောင်းကပ်ပေးတာတို့၊ အကူပစ္စည်းတွေနဲ့ လေ့ကျင်ခန်း လုပ်တာတို့လဲ လုပ်နိုင်တယ်။ သိဘို့က အခုဖြစ်နေတာကိုသာ သက်သာစေတာပါ။ ခါးနာစေအောင် လုပ်မိပြန်ရင် ပြန်ဖြစ်မယ်။ ကံဆိုးသူများ ခါးနာလို့ အာရုံကြောသွားထိရင် ခွဲစိတ်ကုသဘို့ လိုမယ်။ ခေတ်စားလာတဲ့ ကုနည်းတခုက ခါးမှာ အင်္ဂတေလို အစွမ်းရှိတဲ့ ဆေးထိုးပေးတာပါ။

စားရင်း သောက်ရင်းတော့ ဒီစာ ဆက်မဖတ်နဲ့နော်၊ အိမ်သာတက်တာ စပါယ်ရှယ်မှ ဖြစ်တာကို ရေးချင်လို့ပါ။ Squat toilet ဆောင့်ကြောင့်ထိုင် အိမ်သာနဲ့ ရှင်ခန်းဖြတ်ပေတော့။ ဒီနေရာမှာ ဗိုလ်ဆန်ဘို့ လိုပါတယ်။ ဒူးနဲ့ခါးကို ၉၀ ဒီဂရီ ထားထိုင်လို့ ရတဲ့ English type အိမ်သာ အမျိုးအစားနဲ့သာ ခါးနာသူများ ထိုက်တန်တယ်။ ဆင်းရဲသားတွေ ကံမကောင်းဘူး။ အစားမတော် တလုပ်၊ အသွားမတော် တလှမ်း။ ကစားမတော်တော့ တလှမ်းတောင် မလှမ်းရဘူး ဖြစ်တတ်တယ်။ စားသတိ၊ သွားသတိ၊ ကစားသတိ ရှိနိုင်ကြပါစေ။

Dr. တင့်ဆွေ
၁၀-၁၂-၂၀၀၈
၎-၆-၂၀၁၀

ချင်းတွင်းသားများ (ဘလော့ခ်)မှာ ဒီစာကို စရေးရာကနေ ဒီစာမျိုးတွေ ရေးဖြစ်တယ်။

Read more...

Lesions on penis ကျားလိင်အင်္ဂါ အနာများ

အသက် ၁၈ နှစ်ပြည့်မှ ဖတ်ပါ (၂၀)
နိုင်ငံတခုကို ရောက်နေတဲ့ (ဘလော့ခ်)ကိုလည်းဖတ်တဲ့၊ ရောဂါတခုခုလည်းရှိနေတဲ့ မြန်မာအမျိုးသားတဦးရဲ့ အမေးကို ဒီလို ဖြေလိုက်ပါတယ်။

၁။ ကျားလိင်တံမှာ တခုမက အစုလိုက်နာတဲ့ အနာဆိုရင် genital herpes ရေယုံ ဖြစ်နိုင်ပါတယ်။ လိင်တံမှာသာမက စအို နဲ့ တင်ပါးတဝှိုက်မှာလဲ ပေါက်တတ်ပါတယ်။ ဖြစ်ဖြစ်ချင်း တချို့မှာ ကိုယ်နဲနဲ ပူတတ်တယ်။ များသောအားဖြင့် STD လိင်လမ်းကြောင်း ကတဆင့် ကူးစက်ရောဂါတမျိုးဖြစ်တယ်။ ယောက်ျားတွေမှာ အဖြစ်များပေမဲ့ အမျိုးသမီးတွေမှာလဲ ဖြစ်နိုင်တယ်။

ရေယုံ ဟာ ဗိုင်းရပ်စ် ကြောင့်ဖြစ်တာမို့ အတိအကျပြောရရင် ဆေးမနိုင်ပါ။ ကုသတာရဲ့ ရည်မှန်းချက်ဟာ အနေရအထိုင်ရ သက်သောအောင်၊ ဆက်မပွါးအောင်၊ သူများကို မကူးအောင်လုပ်ဘို့ပါ။ သန့်ရှင်းရေး လုပ်တာ ကောင်းတယ်။ အဝတ်အစား ဝတ်တာတာင် cotton underwear ကောင်းတယ်။ အတူနေတာ (ဆက်ဆံတာ) ကို ရှောင်ပါ။

Acyclovir (Zovirax), Famciclovir (Famvir), or Valacyclovir (Valtrex) တွေဟာ ဗိုင်းရပ်စ်ဆေးတွေပါ။ နာတယ်ဆိုရင် အနာသက်သာဆေးတွေ Ibuprofen (Advil) or Acetaminophen (Tylenol) သောက်ရပါမယ်။ သဘာဝဆေးနည်း တွေထဲမှာ Red Marine Algae, Vir-L-Lysine, Choraphor, Aviralex, Aeura, H-Balm တွေပါတယ်။ Acyclovir က ဆေးပြား၊ ဆေးတောင့်၊ ဆေးရည်ရှိတယ်။ တနေ့ကို ၂-၅ ကြိမ်နဲ့ ၅-၁၀ ရက်သောက်ရတယ်။ လိင်လမ်းမှာ ဖြစ်တာမျိုးကိုတော့ ၁ နှစ်အထိ ပေးရတာလဲရှိတယ်။

၂။ အနာက မုံလာပွင့်လိုသဏ္ဍာန်ဆိုရင် ကြွက်နို့ဖြစ်မယ်။ နောက်ဆက်တွဲ ပိုးထပ်ဝင်တာမရှိသ၍ မနာပါ။ နဲနဲ ယားတာ ပူတာမျိုးရှိတတ်ပါတယ်။ အရည်ထွက်တာမျိုးလဲရှိနိုင်တယ်။ ကြွက်နို့ကုဘို့ သတ်သတ်ရေးထားပါတယ်။

၃။ ကျားလိင်တံမှာ တခုတည်းသော အနာ(အဖု)ဆိုရင် Syphilis ဖြစ်နိုင်ပါတယ်။ မနာတဲ့အနာ ကို Chancre လို့ ခေါ်ပါတယ်။ ဒီအနာနဲ့တွဲပြီး ပေါင်ခြံမှာ အကြိတ်ထွက်လာပါမယ်။ ဒီအနာ၊ အကြိတ်တွေက ၃-၆ ပါတ်လောက်နေလို့ သူ့အလိုလို ပျောက်သွားတာဟာ ပိုးကင်းသွားတာ မဟုတ်ပါ။ သွေးစစ်ရင် VDRL ဆိုတာလုပ်ရလို့ + ဖြစ်ရင် syphilis ရှိတယ်လို့ ခေါ်တယ်။

Syphilis ကို ဘာလက္ခဏာမှ မပေါ်ဘဲ သွေးစစ်လို့ ရှိနေရင်လဲ တာရှည်ခံ(ပင်နစလင်)ထိုးဆေး Benzathine penicillin G ကို တခါထိုးရင် ၂့၎ ယူနစ် တပါတ်တခါ၊ ပေါင်း ၃ ခါ ထိုးရတယ်။

၎။ ကျားလိင်တံမှာ တခုမက ပန်းရောင်နဲ့ အရေပြားပေါ်ခပ်ဖေါင်းဖေါင်းလေးဖြစ်တာမျိုးက Molluscum contagiosum ခေါ်တဲ့ ဗိုင်းရပ်စ် ကြောင့်ဖြစ်ရတာ ဖြစ်နိုင်ပါတယ်။ အများအားဖြင့် မနာပါ။ တခါတလေ နာပြီး၊ ယားသလိုဖြစ်နိုင်တယ်။ ဗိုင်းရပ်စ်ဆေးတွေကို အားကိုးပါ။

၅။ ကျားလိင်တံမှာ အနာတွေက တခုမကလဲရှိ နာလဲနာ၊ ပေါင်ခြံမှာလဲ အကြိတ်ရှိတာဆိုရင် Chancroid လို့ ခေါ်တယ်။ ၁ လက္မရဲ့ ရှစ်ပုံ ၁ ပုံကနေ ၂ လက္မထိရှိနိုင်တယ်။ နခမ်းသားတိတိကျကျရှိတယ်။ ညီညီညာညာမဟုတ်ဖူး။ ထိရင်၊ လှုတ်ရင် သွေးထွက်နိုင်တယ်။ မီးခိုးရောင် ဒါမှမဟုတ် ခပ်ဝါဝါနေမယ်။ ပဋိဇီဝဆေး Azithromycin, Ceftriaxone, Ciprofloxacin, and Erythromycin တွေက နိုင်တယ်။ ပေါင်ခြံအကြိတ်က လိုအပ်ရင် ခွဲစိတ်ရပါမယ်။

၆။ ကျားလိင်တံမှာ ခပ်မဲမဲအကွက်ကို သာမန်မျက်စိနဲ့မမြင်ရသလောက်ရှိတာမျိုးက ရှာရှားပါးပါး Crabs ခေါ်တာ ဖြစ်နိုင်တယ်။ အမွှးတွေမှာ ဥတွေရှိနေပါမယ်။ သူ့ကိုကြ မြင်ရတယ်။

၇။ ကျားလိင်တံမှာ အတော်ယားတဲ့ ခပ်နီနီ အနာတွေဟာ scabies ယားနာပါ။ ဆေးတွေကတော့ Permethrin, Crotamiton နဲ့ Benzyl benzoate ဖြစ်ပါတယ်။

ဂ။ ပေါင်ခြံမှာ တခြားနေရာတွေမှာ ပေါက်တာမျိုး (ဗက်တီးရီးယား)ကြောင့် ဖြစ်တဲ့ ရိုးရိုးအနာ Abscesses လဲ ပေါက်နိုင်တယ်။ ပဋိဇီဝဆေးတွေက နိုင်ပါတယ်။

၉။ လိင်တံ ကင်ဆာ Cancer penis
အမှန်ပြောရရင် ဘယ်နေရာမှာဖြစ်တဲ့ ကင်ဆာဖြစ်ဖြစ် ဘာ့ကြောင့်ဖြစ်ရတယ်ဆိုတာ ကနေ့အထိ မသိသေးပါ။
လိင်တံကိုဖုံးတဲ့ အရေပြားအောင်မှာ အနံဆိုးဆိုး၊ ခပ်ပြစ်ပြစ် အညစ်အကြေးတွေရှိနေရင် ကင်ဆာဖြစ်စေတတ်တယ်။ တချိန်က ကြွက်နို့ဖြစ်ဘူးသူ၊ လိင်တံအရေပြားကို ငုံနေပါလျက် မလှီးဖြတ်ထားသူ၊ သန့်ရှင်းရေးနဲသူတွေဟာလဲ ကင်ဆာ ဖြစ်စေတတ်တယ်။

အနာလိုလို အလုံးလိုလို အကြိတ်အခဲလိုလိုစ ဖြစ်တာပါ။ ကြွက်နို့နဲ့လဲတူတယ်။ မုံလာပွင့်လိုနေတယ်။ ဖြစ်ရင် မနာတာက များတယ်။ နောက်ကြမှ သွေးထွက်တာ၊ နာတာတွေဖြစ်လာတယ်။ လိင်တံရဲ့ထိပ်ပိုင်းမှာ အဖြစ်အများဆုံးပါ။

သေခြာအောင် အသားစဖြတ်ယူစစ်ဆေးနည်း Biopsy လုပ်ရမယ်။ ကုသနည်းမှာ Chemotherapy ဆေးပေးတာ၊ Radiation ဓါတ်ကင်တာ၊ Surgery ခွဲစိတ်ကုသတာတွေပါတယ်။

(အသုံးအနှုန်း ရိုင်းတာလေးများ ပါသွားရင် ကန်တော့ပါဗျာ။)

Dr. တင့်ဆွေ
၁၉-၈-၀၉

Read more...

Rheumatism လေးဘက်နာ

လေးဘက်နာဟာ လူရွယ်တွေ သိချင်ကြတဲ့၊ သိသင့်တဲ့ ရောဂါတခုပါ။ ဆေးစာမှာတော့ အနီးစပ်ဆုံးက Rheumatism ဖြစ်ပါတယ်။ Rhumatic အဆစ်နာ၊ Rhumatic အဖျား၊ Rhumatic နှလုံးရောဂါ၊ စတာတွေကို ခြုံခေါ်တာ ဖြစ်ပါတယ်။ ဒီအသုံးက နဲနဲတော့ ခေတ်နောက်ကျသွားပါပြီ။ ရောကောသောကော လုပ်ရာကျနေလို့ပါ။ ဒီအုပ်စုဝင် Arthritis ရောဂါကို ကုရတာနဲ့ Lupus ကို ကုရတာ ဘာမှမဆိုင်အောင် မတူလို့ ရောဂါအုပ်စု တခုထဲ လုပ်ဘို့ မဆီလျှော်လို့ ဖြစ်ပါတယ်။

Arthritis အဆစ်နာတယ် ဆိုလိုက်ရင် လေးဘက်နာလို့ဘဲ ထင်ကြတယ်။ နဲနဲတော့ မှန်တယ်။ ဒါပေမဲ့ အဆစ်နဲ့ မဆိုင်တဲ့ နှလုံး၊ အရေပြား၊ ကျောက်ကပ်၊ အဆုပ်တွေမှာလည်း ဖြစ်တာတွေ ရှိသေးတယ်။ ရောဂါခွဲတွေက များသလား မမေးနဲ့၊ ၁၀၀-၂၀၀ ရှိတယ်။ လည်ပင်း ကျီးပေါင်းတက်၊ ဂေါက်၊ အရေပြား၊ အရိုး၊ အဆစ်၊ တွယ်ဆက်(တစ်ရှူး) ရောဂါတွေ အများကြီး ပါနေတယ်။ ခြေနှစ်ဘက်၊ လက်နှစ်ချောင်းနာလို့ “လေးဘက်နာ” လို့ ဗမာတွေက ပြောကြတယ်။ ဟိုအဆစ်-ဒီအဆစ် ပြောင်းနာတာမို့ “ဟိုသွား-ဒီသွား အဆစ်နာ” လို့ ဆေးစာမှာ လာတယ်။

အဆစ်နာတာသာမက ဖျားတာ၊ လည်ပင်းနာတာ၊ နှလုံးရောဂါတွေလည်း ဆက်စပ်နေတယ်။ အများအားဖြင့် ခြေ၊ လက်၊ လည်ပင်း၊ ခါး၊ အဆစ်မှန်သမျှ ဒုက္ခပေးတယ်။ Arthritis အဆစ်နာအပြင် Tendonitis အရွတ်နာ၊ Bursitis အဆစ်ဖုံးနာ၊ Fibromyalgia အရွတ်ကြောနာ။ အများဆုံး ထိတာက Synovial joints အဆစ်ဖုံးနေရာ ရောင်တာပါ။ ကြွက်သားမှာ ဖြစ်ရင် ၀တ်နေကြ အ၀တ်တောင် အတင်မခံနိုင်ဘူး။

လာမဲ့ အောက်တိုဘာ ၁၂ ရက်ကို “ကမ္ဘာ့ အဆစ်နာနေ့” လို့ သတ်မှတ်ထားတယ်။ ကမ္ဘာမှာ လူ ၁၀၀ မှာ ၁ ယောက် ဖြစ်နေကြတယ်။ အမျိုးသမီးတွေမှာ ၃ ဆများတယ်။ သွေးထဲမှာ အဆိပ်လို Toxic waste products ကိုယ်နဲ့ မသင့်တာ ရှိလာလို့။ ရာသီဥတုနဲ့ ဆိုင်တဲ့သူတွေက ဆိုင်တယ်။

တချို့က ခုခံအားစနစ်နဲ့ ဆိုင်လို့ Auto-immune ရောဂါအုပ်စုမှာ ပါတယ်။ AIDS နဲ့ မဆိုင်ပါ။ သူ့အောက်မှာလည်း ရောဂါမျိုးစုံပါတယ်။ မတည့်တာ ၀င်လာရင် ခန္ဓာကိုယ်က ခုခံ တိုက်ထုတ်နိုင်စွမ်း ရှိတယ်။ “သူ့လူနဲ့ ကိုယ့်လူ မခွဲခြား တတ်ဘဲ၊ လူမှားပြီး၊ (အော်တို-အင်မြူး) ရောဂါဖြစ်လာရတယ်။” အဲဒီထဲက တခုကတော့ Rheumatoid arthritis (ရူမတွိုက်) အဆစ်နာပါ။ ဒါကို လေးဘက်နာလို့ ပြောတာမှန်တယ်။ တကယ်တော့ လေးဘက်မကပါ၊ အဆစ်အများကြီးမှာ ဖြစ်တတ်တယ်။ အဆစ် အသေးစားရော အကြီးစားပါ ဖြစ်တာ။

“အဆစ်နာတာနဲ့ နှလုံးရောဂါ တွဲနေတတ်တာက အရေးပါတယ်။” များသောအားဖြင့် ငယ်ငယ်-ရွယ်ရွယ်၊ ၅-၁၆ နှစ်တွေမှာ ဖြစ်တတ်တယ်။ နှလုံးရောဂါက Rheumatic fever (ရူမက်တစ်) အဖျားရဲ့ အကျိုးဆက် ဖြစ်တယ်။ Group A Streptococcus ဆိုတဲ့ (ဗက်တီးရီးယား) ကြောင့်ဖြစ်ရတဲ့ Strep throat ဆိုတဲ့ လည်ပင်းနာနဲ့ Scarlet fever အ၀ါရောင် အဖျား ရောဂါတွေကို လက်ညှိုးထိုးရတယ်။ နှလုံးရောဂါ ဆိုတာကလည်း အမျိုးမျိုး ရှိသေးတယ်။ လေးဘက်နာနဲ့ ဆိုင်တာက အဆို့ရှင်ရောဂါတွေပါ။ MS ကျဉ်းတာ၊ MI ကျယ်တာ။ သေခြာအောင် ASO Test, Complete blood count, ECG, ESR စမ်းသပ်မှုတွေ လုပ်ရတယ်။

ဆေးကုနည်း သုံးပိုင်းရှိတယ်။ နာနေတဲ့နေရာကို ဒဏ်သက်သာအောင်လုပ်တာ၊ ရုပ်ပိုင်းဆိုင်ရာ-အလုပ်အကိုင်ဆိုင်ရာ ပြန်လုပ်နိုင်အောင် ကုသပေးတာ နဲ့ ခွဲစိတ်ကုသတာတွေပါ။ ဆေးဝါးမှာလဲ သုံးမျိုး။ (စတီရွိုက်) မပါတဲ့ NSAID အနာ သက်သာဆေး၊ (ကော်တီကိုစတီရွိုက်) ဆေး၊ (DMARD) (ရူမက်တစ်) ဆန့်ကျင်ဆေး။

Rheumatic အဖျားဖြစ်ရင် ချက်ချင်း ပဋိဇီဝဆေး (Penicillin, Amoxicillin, Sulfadiazine, Erythromycin) တမျိုးမျိုး ပေးတယ်။ လက္ခဏာတွေ သက်သက်သာအုံးတော့ Antibiotics ကို ၁၀ ရက်အပြည့် ပေးတယ်။ နာတာသက်သာအောင် Aspirin ပေးတယ်။ ရောင်တာသက်သာအောင် Corticosteroids (စတီရွိုက်) ဆေး ပေးတယ်။ ပါးစပ်-လည်ပင်းနဲ့ဆိုင်ရင် ဆားရည်နဲ့ ပလုပ်ကျင်းရတယ်။ Throat lozenges ငုံရတယ်။ သူများကို ကူးစေနိုင်လို့ ၂-၃ ရက် ကျောင်းမတက်ဘဲနေ၊ လူကြား-သူကြားလဲ မသွားစေနဲ့။

ဆိုးဝါးတဲ့ နှလုံးရောဂါ ရမလာအောင် တာရှည်ခံ (ပနယ်စလင်) ထိုးရတယ်။ Benzathine Penicillin G 1.2 ဆိုတာ ဖြစ်တယ်။ အများအားဖြင့် ၁ လ တခါ၊ ၆ လကြာ၊ ထိုးလေ့ရှိတယ်။ Rheumatic fever က ပြန်ပေါ်လာတတ်တယ်။ ဒါ့ကြောင့် ပဋိဇီဝဆေး နည်းနည်းကို ၃-၅ နှစ်ကြာ ပေးတတ်တယ်။

လူက သိပ်ဝနေရင် အရိုး-အဆစ်ကို ဒဏ်မပိစေဘို့ ကိုယ် အလေးချိန် ထိန်းပေးရတယ်။ နားခိုင်းတယ်။ လိုအပ်ရင် တုတ်ကောက်၊ ဂျိုင်းထောက် သုံးရမယ်။ လိုအပ်သေးရင် Physical and Occupational therapist (ဖီဇီယို) ပညာရှင်တို့ အလုပ်ပြန်လုပ်နိုင်အောင် ကူညီသင်ကြားပေးတဲ့ ပညာရှင်တို့နဲ့ ကုသရတယ်။ ဆိုးရင် အဆစ်ထဲ Corticosteroids ဆေးထိုး ပေးရတတ်တယ်။ အဆစ်လှုတ်ရှုားမှုကို ထိခိုက်လာရင် ခွဲစိတ်ရတယ်။ Synovectomy, Arthroplasty လုပ်ရတာပါ။

ဆရာဝန်မလိုတဲ့ ဆေးနည်းတွေလဲ ရှိတယ်။ အာလူးရည်ကို အစာမစားခင်၊ လက်ဘက်ရည်ဇွန်း ၁-၂ ဇွန်း သောက်ပါ။ အားလူးကို အခွံမခွါတာ ပျင်းလို့လည်း ဟုတ်တယ်။ အခွံကလည်း ဒီအတွက် ကောင်းသတဲ့။ အာလူးခွံကို ကျကျနန ရေဆေး၊ ၃၀ ဂရမ်ကို ရေ လီတာဝက်နဲ့ ထက်ဝက်ကျသွားအောင် ပြုတ်ပြီး သောက်ပါ။ ဘူးခါး အရည်ကို ပျားရည်နဲ့ရော သောက်ပါ။ တရုတ်နံနံအကြီး အစေ့ကို အရည်ဖြစ်အောင်လုပ် ၅-၁၀ စက်ကို ရေနွေးထဲ ထည့်သောက်။ သံပုရာရည် တနေ့ ၂-၃ ကြိမ်သောက်။ အသား-ငါး၊ သကြား၊ လျော့စားပါ။ အရက်၊ ကော်ဖီ၊ လက်ဘက်ရည်၊ လျော့သောက်ပါ။

ခဏခဏအဆစ်နာရင် အလုပ်အကိုင်ပါပျက်မယ်။ ကြာလာရင် အထူးသဖြင့် လက်ဆစ်တွေက ပုံသဏ္ဌာန် ပြောင်းသွားလို့ ကြည့်မကောင်း ဖြစ်လာတတ်တယ်။ အမျိုးအဆွေထဲမှာ လူနာရှိရင် “စိတ်တော့ မပျက်ပါနဲ့” လို့ အရင်ပြောထားပါရစေ။ ရိုးရိုးသားသား ၀န်ခံရရင် Rheumatoid arthritis ဖြစ်ရင် လုံးဝ ပျောက်သွားစေရမယ်လို့ ဆရာဝန်များက အာမမခံပါ။ ဆေးကုတာရဲ့ ရည်မှန်းချက်က နာနေတာတွေ သက်သာအောင်၊ အထိခိုက်နည်းအောင်၊ ဒုက္ခိတ ဖြစ်မသွားအောင်သာ ဖြစ်ပါတယ်။ ရောဂါရှိတာကို စောစောသိဘို့လိုတယ်။ သိလို့ အပြင်းအထံ ဆေးကုခံပေမဲ့ ပျောက်စေမယ်လို့ မပြောနိုင်တာ ဆောရီးပါ။

Dr. တင့်ဆွေ
၆-၆-၂၀၁၀

Q and A
To Billy Mackenzie ဒူးနာတာအတွက် ဆီးဆေး (lasix, diamox) မညွှန်းပါ။ ကိုယ်ရောင်တာ၊ သွေးတိုးတာနဲ့ နှလုံးရောဂါတွေအတွက်သာ ညွှန်းပါတယ်။ ဒီဆေးမျိုးသောက်ရင် (ဆဲလ်)ထဲက ရေနဲ့ ဆားတွေ အပြင်ကို ထွက်စေလို့ (ဆဲလ်)တွေက ဖေါင်းနေရင် လျော့ကျသွားမယ်။ ပုံမှန်(ဆဲလ်) တွေက ပိန်ချပ်သွားလိမ့်မယ်။ ဒူးနာတာလဲ ဒူးနေရာ ရောင်နေတဲ့ သဘောတော့ ပါပါတယ်။ ဒါပေမဲ့ ဆေးပညာအရ ဆီးသွားဆေးတွေကို တကိုယ်လုံးနဲ့ ဆိုင်တဲ့ ရောဂါအတွက်သာ ပေးပါတယ်။ ဒီဆေးမျိုး သောက်ရင် စာထဲမှာရေးထားသလို ဓါတ်ဆားတွေ ကုန်သွာလို့ အား တအား ယုတ်တယ်။ ပြော့ကျသွားတာဘဲ။ (ပိုတက်ဆီယမ်) နည်းသွားတာက ဆိုးတယ်။ ဒါ့ကြောင့် အုန်းရည်၊ ရေနွေးကြမ်း သောက်ဘို့ အကြံပေးတာပါ။ (ပိုတက်ဆီယမ်) နည်းရင် ကြွက်သားတွေ အားနည်းသွားလို့ မလှုတ်ချင်-မလှုတ်နိုင်ဘူး။ ဗိုက်ကိုဖုံးပေးတဲ့ ကြွက်သားတွေ ပြော့သွားလို့ ဗိုက်စူ-ဗိုက်ပူစေတယ်။

To တစ်စုံတစ်ဦး။ ထုံဆေးရောပြီးလည်း ထိုးကြပါတယ်။ အာနိသင် မထိခိုက်ပါ။ ကြာကြာရောထည့်ပေးထားရင်တော့ မကောင်းလို့ အစထဲက ရောမထားတဲ့သဘောလို့ ယူဆရပါတယ်။

To Billy Mackenzie ပြောတဲ့အတိုင်း ၅ မိနစ်လောက်ကြာအောင် လှုတ်ရတယ်ဆိုတာ အမှန်ဘဲ။ လေမြှုတ်ကြောင့် မဟုတ်တောင် ဒီဆေးက ထိုးတဲ့နေရာမှာ ခဲ-မာနေတတ်တယ်။ နောက်ပြီး ဆေးထိုးအပ် သေးရင် ပိတ်တတ်တယ်။ ၁၀ စီစီ (ဆရင့်ခ်ျ) ကအပ်နဲ့ အတော်ဘဲ။ ဒါလဲ ဆေးထိုးပိုက်ကို တခြားဆေးတွေကို ထိုးသလို ၄၅-၉၀ ဒီဂရီ စောင်းထိုးရင် ပိတ်နိုင်သေးတယ်။ ရေပြင်ညီလောက်ထား၊ အသားထဲ အပ်ဝင်တာနဲ့ ခပ်မြန်မြန်ဆေးသွင်းပြီး၊ ခပ်မှန်မှန် ထိုးပေးတဲ့နည်းက ကောင်းတယ်။

To htetlinaung@gmail.com လေးဘက်နာကို ဘယ်လိုနေရမလဲ စာထဲမှာပါတယ်။ နှလုံးရောဂါအတွက် စာတပုဒ် ရေးမှ ဖြစ်မယ်။ အမြန်-အတို ပြောရရင် လူမော-စိတ်မော အမောမခံရပါ။ နှလုံးအတွက်ဆေး အမြဲလိုလို သောက်ဘို့ လိုတယ်။ အဆို့ရှင် အခြေအနေကို နှလုံးအထူးကုဆရာဝန်ကနေ ခွဲဘို့ပြောချင် ပြောလာနိုင်တယ်။ အဆို့ရှင် ကောင်းနေသးရင် နှလုံးခုန်နှုန်း မများအောင် ဂရုစိုက်နေပါ။

To Soe Sandar Nyi မိုးနဲနဲအုံ့တာနဲ့ လက်ဆစ် ခြေဆစ်တွေ၊ ဒူးတွေ၊ နောက်ကျောရိုးတွေ ကိုက်တာကို Arthritis, Rheumatism ထဲမှာ ပါတယ်။ ရေးခဲ့သလို တချို့ ရာသီဥတုနဲ့ ဆိုင်တယ်။ အကိုက်အခဲပျောက်ဆေးသာ သောက်ရလိမ့်မယ်။ အစာနဲ့နီးပါစေ။ သိပ်ဆိုးတဲ့သူတွေကို Prednisolone (ကော်တီဇုံး)ဆေးမျိုး ပေးတတ်တယ်။ အတော် သတိကြီးကြီးနဲ့ပေးတယ်။ ဆေးကို အစမှာ များများ ပေးရာကနေ သက်သာချိန်မှာ လျှော့လျှော့ ပေးသွားရတာ။

Read more...

Cramps ကြွက်တက်ခြင်း

ဆရာရှင့်၊ ကျန်းမာရေး ဆောင်းပါးလေးတွေကို ဆရာ့ Blog မှာ ၀င်ဖတ်ဖြစ်ပါတယ်။ ယခုလဲ ကြွက်တက်တဲ့ရောဂါနဲ့ ပတ်သတ်တာ သိချင်လို့ပါ။ ကျမအမေက ခြေသလုံးကြွက်သား ကြွက်ခဏခဏတက်လို့ ဆေးသောက်နေရပါတယ်။
ဘာကြောင့် ကြွက်ခဏခဏ တက်တာလဲဆိုတာ သိချင်ပါတယ်ရှင်။ ဆေးသောက်နေတုန်းပဲ သက်သာပြီး၊ ဆေးရပ် လိုက်တာနဲ့ ပြန်ဖြစ်နေလို့ ဆေးကို စွဲသောက်တာရော ကောင်းရဲ့လားဆိုတာ သိချင်လို့ပါ။ ဆေးမသောက်ဘဲ လေ့ကျင့်ခန်း လုပ်တာမျိုး၊ အစားအသောက် ရှောင်တာမျိုး လုပ်လို့ရလျင်လဲ ညွန်ပြပေးစေလိုပါတယ်။

ဘောလုံးသမားတွေ ကြွက်တက်တာကို ၀ါသနာအိုးတိုင်း မြင်သိကြတယ်။ ဘောလုံး မကန်ဘူးတဲ့သူတွေ အိမ်မှာနေရင်း၊ ကြွက်တက်တာတွေလည်း အများကြီးဘဲ။ ခြေသလုံးနဲ့ ပေါင်က ကြွက်သား အဖြစ်များဆုံးဘဲ။ အလွန်မတန် နာလှတယ်။ အိပ်နေရင်း နာတာမျိုးက ခြေ-လက်ကို အညောင်းဆန့်ရာကနေ ကြွက်သားမျှဉ် နည်းနည်းမှာ နာလာတာ။ ကြီးသူတွေမှာ အဖြစ်များတယ်လို့ မှတ်ကြပေမဲ့ ဆယ်ကျော်သက်တွေလည်း ဖြစ်တာဘဲ။ အေးတဲ့အချိန် ပိုဖြစ်တယ်။

ဘာလို့ဖြစ်လဲဆိုတာ ဆရာဝန်က အတိအကျ မပြောနိုင်ပါ။ မတိမကျ ပြောရရင်တော့ လှချင်-သန်ချင်လို့ လေ့ကျင့်ခန်း လုပ်တာ၊ အားကစားလုပ်တာမှာ ကြွက်သား ပန်းသွားရလို့ပါ။ အားလည်း မကစားသူတွေမှာ အ၀လွန်လို့၊ ရေနဲ့ ဓါတ်ဆား နည်းသွားလို့၊ ရာသီ-သွေးဆုံး၊ ဟော်မုန်း နည်းသွားလို့၊ သွေးအလျှောက် နည်းလို့၊ အာရုံကြော-ကြွက်သား တခုခုဖြစ်လို့၊ “လို့” တွေကိုသာ အပြစ်ဖို့ပါလေ။ Statins (ကိုလက်စထော) ကျဆေး၊ ဆီးချိုကျဆေးနဲ့ လည်ပင်းကြီးဟော်မုန်း နည်းသူ တွေမှာလည်း ဖြစ်တတ်ပါသေးတယ်။

ဖြစ်တယ်ဆိုရင် ဖြစ်တဲ့ကြွက်သားကို တအားတင်းအောင် လုပ်ပေးပါ။ ခြေသလုံးဖြစ်ရင် ခြေမကို အပေါ်ဆန့်ပေးသင့်တယ်။ တအားနှိပ်တာမျိုး၊ ဆန့်ပေးတာမျိုး လုပ်ပေးပြီးရင် ကြွက်သားကို သူ့အကြောအတိုင်း ခပ်ဖေါ့ဖေါ့ ဆက်နှိပ်ပေးပါ။
ဆရာဝန်တွေနဲ့ ကူတဲ့လူတွေထက် ခံရတဲ့လူက ဘာလုပ်ပေးရင် ကောင်းမယ်ဆိုတာ ပိုသိတယ်။ “နေရာတကာ ဆရာ-ဆရာဝန် မလုပ်ချင်နဲ့”။ ခိုင်းတာသာ လုပ်ပေးပါ။ ဒါပေမဲ့ ခိုင်းတာလုပ်တဲ့အကျင့် ဒါကလွဲရင် မကျင့်ချင်နဲ့။ “တပည့်ကြီးများ တိုင်းပြည်” ဖြစ်သွားလိမ့်မယ်။

ကိုယ်ဝန်ဆောင်ချိန်၊ ဆား အစားနဲရင်၊ ချွေးထွက်များရင် နာတတ်တာတွေကလည်း ဒီသဘောမျိုးဘဲ။ ၀မ်းလျောလို့၊ (ပိုဆက်ဆီယမ်) နဲ့ (ကယ်လ်စီယမ်) နည်းလို့ ဖြစ်တာကို Tetany ခေါ်တယ်။ အူ၊ အစာအိမ်၊ သားအိမ်၊ ဆီးအိမ်၊ သည်းခြေအိတ်တွေမှာ အဲလိုဖြစ်လို့ နာတာကို Colicky pain လို့ခေါ်တယ်။ ရာသီလာတုံး နာတာကို Dysmenorrhea ခေါ်တယ်။ အခေါ်မတူပေမဲ့ အနာသက်သာဆေးတွေပေးတာ တူပါတယ်။ Paracetamol, Ibuprofen, Diclofenic ဆေး။ ကြွက်တက်တာကို Quinine (ငှက်ဖျားဆေး) အပြင် Naftidrofuryl, Dihydropyridine, Phenylalkylamine ဆေးတွေနဲ့လည်း ကုနိုင်တယ်။

သွေးတိုးကြောင့်ဖြစ်ဖြစ်၊ နှလုံးရောဂါကြောင့်ဖြစ်ဖြစ်၊ ကိုယ်ရောင်လို့ဖြစ်ဖြစ် ဆီးဆေး (ဆီးအောင့်တာ ပျောက်တဲ့ဆေး မဟုတ်၊ ဆီးအတင်း သွားစေတဲ့ဆေး) ကို မကြာခဏ သောက်ရသူများ၊ သောက်တိုင်း (ပိုဆက်ဆီယမ်) ဆေးသောက်ပါ။ ၀ယ်ရတာ ခက်တတ်တယ်။ ကောင်းတာက အုန်းရည် တလုံး-နှစ်လုံး သောက်လိုက်ပါ။ ရေနွေးကြမ်း အမြဲသောက်ပါ။

Vitamin B complex, Calcium, Potassium ကို ပုံမှန်သောက်ပါ။ Calcium gluconate ကို IV သွေးပြန်ကြောထဲ ထိုးပေး နိုင်တယ်။ ဒီဆေး သုံးမျိုးထဲက (ကယ်လစီယမ်) တခုဘဲ ဆီးကျောက်ရောဂါအတွက် သတိထားဘို့ လိုတယ်။ ကြာကြာ သောက်တာ ကိစ္စမရှိပါ။ အနာအကိုက် ပျောက်ဆေးတွေကတော့ အစာနဲ့ တွဲသောက်ရတယ်။ ဆေးတခုချင်းအကြောင်း သိချင်ရင် သပ်သပ် ရှာဖတ်ပါ။ ရေးတင်ထားတာ ရှိပါတယ်။

ရေနွေးနဲ့ ရေချိုးတာ ကောင်းတယ်လို့ အေးတဲ့တိုင်းပြည်က ဆရာတွေက အကြံပေးတယ်။ ပူလောင်၊ အိုက်စပ်တဲ့ နေရာမှာ နေရသူတွေအတွက် ဒီအကြံက မဟန်ဘူး။ နာတဲ့နေရာ နှိပ်ပြီးတာနဲ့ အေးတာကပ်ပါ။ ရေ၊ ORS ဓါတ်ဆားရည် တိုက်ပါ။ ရေသောက် မနည်းပါနဲ့။ ရေပုလင်း မထားဘဲ၊ အားကစား မလုပ်နဲ့။ ဘယ်ကစား လုပ်လုပ်၊ သွေးပူအောင် အရင်လုပ်ပါ။ ဘာဘဲလုပ်လုပ် ပြင်းပြင်းထံထံ မလုပ်ခင်၊ ဖြေးဖြေး-မှန်မှန် လုပ်ပါ။

ဓါတ်ဆားတွေ ကြွယ်ဝတဲ့အစာတွေ စားသုံးရမယ်။ မေးရင် စာရင်းရှည်ကြီး ရှိတယ်။ လူစားတာတွေပါဘဲ။ (ကယ်လ်စီယမ်) ကြွယ်တာတွေက ပင်လယ်ငါး၊ ဒိန်ခဲ၊ တို့ဖူး၊ မုံလာစိမ်း။ (ပိုတက်ဆီယမ်) ကြွယ်တာတွေက အုန်းရည်၊ ငှက်ပြောသီး၊ ဆီးသီး၊ လိမ်မော်သီး၊ စပျစ်သီး၊ ဖရုံ၊ ဟင်းနုနွယ်၊ ဒိန်ချဉ်၊ ကွမ်းသီးဂေါ်ဖီထုပ်၊ အာလူး၊ ပဲသီးတောင့်၊ မုံလာဥချို။

ဖြစ်တတ်သူများ အိပ်ရင် ခြေထောက်အောက်က အခုအခံ ထားသင့်တယ်။ အိပ်ပျော်နေတုံး ခြေမ-ခြေထောက် အောက်စိုက်နေရင် ဖြစ်တတ်တယ်။ မအိပ်ခင် ဘယ်မှမရွေ့တဲ့ လေ့ကျင့်ခန်းလုပ် စက်ဘီးစီးတာ ကာကွယ်ရာကျတယ်။ အကောင်းဆုံးကတော့ ခြေသလုံးတွေကို ဆုပ်နယ်ခံပြီးမှ အိပ်ရရင် ဇိမ်လည်းကျတယ်။ နှိပ်ပေးသူလည်း ပိုက်ဆံမရရင် ကုသိုလ်ရတယ်။ တက်မဲ့ ကြွက်လည်း မတက်နိုင်ဘူး။

Dr. တင့်ဆွေ
၆-၆-၂၀၁၀

Read more...

Arthritis အဆစ်နာ

“လေးဘက်နာ” ကို ဖတ်ရာကနေ မေးလာတာတွေရှိလို့ အဆစ်နာကို ထပ်ဖြည့်လိုက်ပါတယ်။ အဆစ်နာ အမျိုးပေါင်း ၂၀၀ ရှိတယ်။ အကြီး-အငယ်၊ အရွယ်မရွေး၊ ကျား-မ မရွေး ဖြစ်တယ်။ တကိုယ်လုံးအနှံ့ ဖြစ်တယ်။ Osteoarthritis အဆစ်ကို အသုံးချတာ များရာကနေ ကြာတော့ ပွန်းပဲ့ ဟောင်းနွမ်းရာကနေဖြစ်တာမျိုး။ Rhumatoid arthritis ခုခံအားစနစ်ကြောင့် ဖြစ်တယ်။ Juvenile arthritis ကလေးတွေမှာဖြစ်တာ ဆိုပြီး သုံးမျိုးခွဲနိုင်တယ်။

(က) ဆေးပေးကုသနည်း
အဓိက စားဆေး လေးမျိုးရှိတယ်။
(၁) Analgesics အနာသက်သာဆေး။ Aspirin, Paracetemol, Ibuprofen တို့ဖြစ်တယ်။ Aspirin နဲ့ Ibuprofen က အရောင်ကျတာမှာ ပိုကောင်းတယ်။ ပိုပြင်းတဲ့ အနာသက်သောဆေးတွေက Codeine နဲ့ Diamorphine တို့ဖြစ်တယ်။
(၂) Anti-inflammatory medicines အရောင်ကျဆေး။ Non-steroidal anti-inflammatory drugs (NSAIDs) Ibuprofen, Indomethacin, Naproxen, Fenbufen, Piroxicam, Diclofenac နဲ့ Osteoarthritis အတွက်ပေးတဲ့ ဆေးသစ် Cox-2 inhibitors တွေ ဖြစ်တယ်။
(၃) Steroids (စတီရွိုက်)ဆေး။ ကိုယ်ထဲကနေ အလိုလိုထုတ်ပေးနေတဲ့ cortisone သဘာဝဟော်မုန်းဖြစ်ပြီး၊ အရောင်ကျစေတယ်။ သတိထားရမှာက ဘေးထွက်ဆိုးကျိုးတွေဖြစ်တယ်။ တခြားဆေးနဲ့မတိုးမှ သုံးတာကောင်းတယ်။
Disease-modifying medicines (DMARDs) ခုခံအားကြောင်ဖြစ်တဲ့ Rhumatoid arthritis နဲ့ Juvenile arthritis အဆစ်နာမျိုးအတွက် သုံးတယ်။ Methotrexate, Sulfasalazine, Gold (sodium aurothiomalate), Penicillamine နဲ့ Azathioprine တွေဖြစ်တယ်။
(၄) Biologic response modifiers (BRMS) ဆေးတွေက ဆေးသစ်တွေဖြစ်တယ်။ အလွန်ဆိုးတဲ့ Rheumatoid arthritis အဆစ်နာကိုသာပေးရာကနေ အခု တခြားအဆစ်နာတာကိုပါ ပေးလာတယ်။ အဆစ်ပျက်စီးမှာကို ကာကွယ်နိုင်လို့ ဖြစ်တယ်။ Etanercept, Infliximab နဲ့ Adalimumab ဖြစ်တယ်။ ဆေးဈေးကြီးတယ်။ ထိုးရ-သွင်းရတယ်။

ဆေး အချိုးအဆ၊ တခါသောက် ဘယ်လောက်၊ ဘယ်လောက်ကြာကြာ၊ အစာနဲ့နီး-ဝေး၊ ဘေးထွက်ဆိုးကျိုး၊ ဆိုတာတွေ သိထားပါ။ ဘေးထွက်ဆိုးကျိုးတွေက တယောက်နဲ့တယောက်၊ ဆေးတမျိုးနဲ့တမျိုး မတူဘူး။

(ခ) Physiotherapy (ဖီဇီယို-သာရာဖီ) အကြောကုနည်း
Electrotherapy လျှပ်စစ်သုံးကုတာ၊ Massage နှိပ်နယ်တာ၊ Acupuncture အပ်စိုက်တာတွေပါတယ်။ Hydrotherapy ရေနဲ့ကုနည်း၊ Occupational therapy အလုပ်အကိုင်မပျက်အောင်ကုသပေးနည်း။

(ဂ) Surgery for arthritis ခွဲစိတ်ကုသနည်း
ရောင်နေတဲ့ အဆစ်ဖုံးကို ထုတ်တာ။ နာနေတဲ့ အရွတ်အဖုံးကို ထုတ်တာ။ အရွတ်ကို ပြုပြင်တာ၊ အနာသက်သာအောင် အရိုးထုတ်ပြစ်တာ၊ အာရုံကြောဖြတ်ပေးတာ၊ အဆစ်တုထည့်ပေးတာ စသဖြင့် နည်းတွေပါတယ်။

(ဃ) Complementary therapies တခြားနည်း
• Acupuncture အပ်စိုက်ကုသနည်း၊
• Alexander technique ဘယ်လိုရပ်၊ ဘယ်လိုထိုင် ပညာပေးတာ၊
• Aromatherapy ပန်း၊ အပင်တွေကရတဲ့ အဆီသုံး ကုတာ။
• Herbalism အပင်တွေကရတဲ့ပစ္စည်းတွေသုံးကုတာ။
• Homeopathy (ဟိုမီယိုပသီ) နည်း။
• Osteopathy ကိုင်တွယ်နှိပ်နယ်ပေးတာ။ Osteoporosis နဲ့ ရောင်နေတဲ့ အဆစ်မျိုး မသုံးသင့်ပါ။
• Reflexology ခြေထောက်ကို နှိပ်ပေးနည်း။
• Yoga (ရောဂ) နည်း ကိုယ်-စိတ် လျှော့နည်း၊ အသက်ရှူနည်း၊
• အရိုး-အဆစ် အထူးကုဆရာတွေကနေ ရောဂါရှိလျက် နေတတ်၊ စားတတ်၊ သွားလာတတ်အောင်၊ စိတ်ပိုင်းမှာပါ ထားတတ်အောင်လည်း ကူညီပေးကြသေးတယ်။

Dr. တင့်ဆွေ
၈-၆-၂၀၁၀

Read more...

Q and A about Hair Loss ဆံပင်ကြွတ်ခြင်း

Q: Hello Saya,
I would like to ask you about hair loss. I am 22 and I have been suffering terrible hair loss (from the head) since I came here. I can see and feel that my hair gets thinner and thinner. It's been over one year now while I am waiting for recovery.
But the loss rate is still the same. Some people say it is because of stress, some says because of changing region and hard water. But I think my body should be familiar with the water and food now after living here for more than one year. I took some antibiotic like Tinidazole because of inflammation of liver which was caused by bacteria from food. My hair was OK in my country even though I took those medicines. I would like to know why it happens to me in my current age and any remedies to cure for it. I am happy to answer any further questions about my past medical history if necessary. Thank you so much if you could answer the question or forward this mail to any doctor who specializes in this case.


A: Baldness (Alopecia) ဆံပင်ကြွတ်၊ ထိပ်ပြောင်၊ ကတုံး ဖြစ်ရတာက ယောက်ျားတွေမှာ ပိုပြီး အဖြစ်များပါတယ်။ နည်းနည်း ဖြစ်ပေမဲ့ များများ ခံစားရတာက အမျိုးသမီးတွေ ဖြစ်တယ်။ ဒါ သဘာဝကျပါတယ်။ ယောက်ျားတွေကတော့ ကတုံးမင်းသား Yul Brynner စတန့်မင်းသား Bruce Willis ဂျိမ်းစ်-ဘွန်းမင်းသား Sean Connery တို့နဲ့ ဆင်တယ်ဆိုပြီး၊ တချို့က ဂုဏ်ယူချင် ကြသေးတာကိုး။

ဘာလို့ ဖြစ်ရသလဲ။ မျိုးဇီဖ နဲ့ ပတ်ဝန်းကျင်တို့ကို လက်ညှိုးထိုးဘို့ ကြိုးစားကြပေမဲ့ တကယ်တော့ မသေခြာဘူး။ မျိုးရိုး လိုက်တာတောင် အမေရဲ့ အဖေဘက်ကလို့ ထင်ကြတယ်။ မတိကျပါ။ လေ့လာချက်တွေ အမျိုးမျိုးလုပ်၊ ကိန်းဂဏန်းတွေလည်း အမျိုးမျိုး ထုတ်ကြတယ်။

ဆံပင်ကြွတ်တဲ့ အကြောင်းတွေထဲမှာ ဆံပင်ကို တင်းနေအောင်ဆွဲပြီး၊ ဖီးတာ၊ ဆံပင်ပုံစံ လုပ်တာကနေဖြစ်တာ ပါတယ်။ (ပိုနီတေးလ်)၊ (ကောင်းန်-ရိုးလ်) လိုမျိုးပေါ့။ Trichotillomania ခေါ်တယ်။ ငယ်ရွယ်သူတွေမှာ ပိုဖြစ်တယ်။ ပြင်းတဲ့ ဆေးတွေနဲ့ ကုရလို့၊ ဓါတ်ကင်-ခွဲစိတ်ခံရလို့၊ အဆိပ်သင့်လို့ကြောင့်လည်း ဖြစ်ကြရတယ်။ Tinidazole ရဲ့ Side-effects တွေထဲမှာ ဆံပင်ကြွတ်တာ မပါပါ။ ကလေးဖွါးရလို့လည်း ဖြစ်သေးတယ်။ အမှန်က ကိုယ်ဝန်ဆောင်နေတုံး ဆံပင် ပိုထူလာရာကနေ၊ မွေးပြီးတော့ ပါးသွားရတာပါ။ ကလေးဖွါးပြီး ၃ လောက်နေ ဆံပင် ကြွတ်တတ်တယ်။ သံဓါတ် (သွေးအား) နည်းရင်လည်း ဖြစ်တတ်တယ်။ ကွက်ပြီး ဆံပင်ကြွတ်တာက (အော်တို-အင်မြူး) ရောဂါရလို့ ဖြစ်တယ်။ ချွေးထွက်အိပ်တွေမှာ အလုံးအကြိတ်-ကင်ဆာရောဂါ ရလို့လဲ ဖြစ်တယ်။

ဆေးကုမ္ပဏီတွေ အတော် အလုပ်ဖြစ်ကြတယ်။ တကယ်တော့ အောင်မြင်တာဟာ အကန့်အသတ်သာ ဖြစ်ပါတယ်။ ဆေးပညာအရ ဟုတ်ပါတယ်လို့ လက်ခံထားတဲ့ဆေးတွေက Finasterois (Propecia) နဲ့ Dutasteride (Avodart) ဆေးတွေပါ။ ဒီဆေးတွေက ယောက်ျားဆီးကြိတ်ကြီးရောဂါ BPH ကိုကုရတဲ့ Antiandrogen ကျားဟော်မုန်း ဆန့်ကျင် ဆေးတွေ ဖြစ်တယ်။ အခု Finasteride (Propecia) နဲ့ Minoxidil (Rogaine) တို့ကိုဘဲ အမေရိကားမှာ တရားဝင် ထုတ်လုပ် ရောင်းချခွင့် ရှိတယ်။

Minoxidil (Rogaine) ဆေးက ဆံပင်အတွက်သက်သက် လိမ်းဆေးဖြစ်တယ်။ အရက်ပြန်ပါလို့ ဦးရေခြောက်ပြီး Dandruff ဘောက် ဖြစ်စေတတ်တယ်။

ကြော်ညာတွေကလည်း များသလားမမေးနဲ့။ (၀က်ဘ်-ဆိုက်တ်) တမျက်နှာကို နမူနာပြရရင် Avacor for Women Monthly Packages, Bao Shi Womens Herbal Hair Vitamins, Follicare Set Hair Loss Kit for Women with Minoxidil, MelanPlus Gray Hair Vitamins for Women, Minoxidil 2%, NuHair: Hair Growth for Women, Shen Min for Women Vitamins, Therapro Folligen Shampoo for Hair Loss in Women, Therapro MEDIceuticals Hair Gain Vitamins for Women ဒီဆေးတွေ တွေ့ရတယ်။

တကယ်တော့ ဆံပင်ပြန်ပေါက်ဘို့ထက် ရှိနေသေးတဲ့ဆံပင်ကို ထိန်းသိမ်းဘို့က လက်တွေ့ကျတယ်။ ပုံမှန် (အေရိုးဘစ်) လေ့ကျင်ခန်းလုပ်၊ စိတ်ဖိအားများတာ လျှော့ချနည်း၊ Immuno-suppressants ဆိုတဲ့ ခုခံအားနှိမ်လိမ်းဆေး၊ Cosmetic transplant surgery အလှပြုပြင်နည်းတွေတော့ ပေါ်လာနေပါတယ်။ ဆံပင်ကို ဆီးပူလိမ်းကုနည်း၊ မသခြာတဲ့ ဆေးလိမ်း ကုနည်းတွေကို ရှောင်သင့်သည်။ နောက်ဆုံးတော့ လူမမြင်အောင် ဖုံးထားနည်းတွေ လုပ်ကြတယ်။ နောက်ဆုံးရဲ့ နောက်ဆုံးကတော့ ကတုံးတုံးလိုက်တာပါ။

အမျိုးသမီးတွေ G.I. Jane ထဲက Demi Moore, Alien ထဲက Sigourney Weaver, V for Vendetta ထဲက Natalie Portman နဲ့ Empire Records ထဲက Robin Tunney တို့ကို အားကျရင်လဲ ကုစရာမလိုဘူးပေါ့။

ဒီလိုဖြစ်သူတွေမှာ စိတ်ထိခိုက်မှု ရှိတတ်တယ်။ ကျား-မဆက်ဆံရာမှာလည်း ထူးတာရှိတတ်တယ်။ ထိပ်ပြောင်ရင် ယောက်ျား ပိုပီသတယ်တဲ့။ သုတ်လွှတ်ရတာများသူမှာ ပြောင်တယ်တဲ့။ ကိုယ့်ဆံပင်ကောင်းနေတာ နုတ်မပြစ်နဲ့။ ရီစရာ ပြောတာတွေကလည်း ရှိသေးတယ် ပြောင်နေတဲ့ခေါင်းကို အမြဲအောက်စိုက်ထားရင် ပျောက်မယ်တဲ့။

အကြောင်းတွေထဲမှာ နေမကောင်းပြီး ဆံပင်ကြွတ်တာလဲ ပါတယ်။ ရုပ်-စိတ် ဖိစီးတာကြောင့်ဆိုရင် ရောဂါပျောက်၊ စိတ်ပြန်တည်ငြိမ်ရင် ပြန်ကောင်းမှာပါ။ လည်ပင်းကြီး ဟော်မုန်း နည်းလို့ရော၊ များလို့ပါ ဖြစ်တတ်တယ်။ နဖူးပိုင်းနဲ့ မျက်ခုံးမွှေး အပြင်ပိုင်းတို့မှာ အများအားဖြင့် ဖြစ်ရတယ်။ ကျား-မ ဟော်မုန်း နှစ်မျိုးလုံးနဲ့ ဆိုင်တာမို့ အပြောင်းအလဲရှိရင် ဖြစ်စေတယ်။ ရာသီမမှန်၊ ကိုယ်ဝန်တားဆေး၊ ကိုယ်ဝန်ဆောင်၊ ကလေးမွေး၊ ဆေးဝါး စတာတွေကြောင့် ဟော်မုန်း အပြောင်းအလဲတွေ ဖြစ်စေတယ်။

Anticoagulants သွေးကျဲဆေး၊ ဂေါက်ဆေး၊ ဗီတာမင် A များသွားရင်၊ သွေးတိုးကျဆေးတချို့၊ နှလုံးရောဂါဆေး တချို့၊ စိတ်ကျဆေးတချို့ စတာတွေကြောင့်လည်း ဖြစ်နိုင်တယ်။ မှိုပိုး Fungal infections ကြောင့်လည်းဆံပင် ကြွတ်တယ်။ ဆီးချိုရှိနေရင်၊ (လူးပတ်စ်) ရောဂါတွေက ဖြစ်စမှာ ဆံပင်ကြွတ်တာနဲ့ စတတ်တယ်။ ဒါတွေကို ပြင်ပါ၊ စစ်ပါ၊ ကုပါ။

ဆံပင်ဖီးတာ ကြမ်းတမ်းလို့ရှိရင် ဖြစ်တတ်လို့ မလုပ်တော့ရင် ကောင်းပေမဲ့ ကြွတ်တဲ့နေရာက အမာရွတ် ဖြစ်သွားတဲ့အထိ ဆိုးသွားခဲ့ရင် အဲဒီနေရာမှာ ပြန်မပေါက်တော့ဘူး။ ဒါ့ကြောင့် ဆံပင်ဖီးတာကအစ ဘာလုပ်လုပ် သပ်သပ်ရပ်ရပ်၊ ညင်ညင် သာသာ လုပ်တဲ့အကျင့် မွေးယူဘို့-သင်ပေးဘို့ ကောင်းတယ်။ ရေစိုနေတုံး၊ ဆွပင်ခြောကနေတုံး ဘီးဖြီးတာမှာ သတိနဲ့လုပ်ပါ။ မိခင်တွေ အဒေါ်တွေစကား နာထောင်ပါ။ ဘီး အစိတ်-အကျဲအနေတော်တာ ရွေးဘို့လိုတယ်။ ခေါင်းသုံးဆီကအစ သဘာဝပစ္စည်းထက် ကောင်းတာ ရှားလှတယ်။

ကိုယ့်ဆံပင်ကိုယ် ယုယုယယ၊ စိတ်ထဲကပါ ကြင်နာမှုထားပြီး၊ ဖီးလိမ်း၊ ပြုပြင်တာ အလွန်ကောင်းတဲ့နည်း ဖြစ်တယ်။ သစ်ပင်-ပန်းပင်တွေကိုတောင် စကားပြော၊ သီချင်း-ဂီတ လုပ်ပေးတာနဲ့ တုံ့ပြန်နိုင်စွမ်းရှိတယ်။ အနာကို စိတ်နဲ့တောင် ကုလို့ ရနိုင်တယ်။ “ပျောက်စေရမယ်။ ပျောက်လာနေပြီ၊ အနာရဲ့ဘယ်နေရာက တစတစနဲ့ ဘယ်လို ကောင်းလာနေပြီ” ဆိုပြီး အာရုံထား၊ အမိန့်ပေး၊ စေခိုင်းသလို Suggestion ပေးနေရင် တကယ် ကောင်းလာ စေနိုင်တယ်။ ဆံပင်ကိုလဲ ကုစရာ၊ လုပ်စရာတွေနဲ့အတူ ဒီနည်းပါ ကြိုးစားသင့်တယ်။ ကိုယ့်စိတ်က ခိုင်မာ၊ တည်ငြိမ်၊ သမာဓိ ရှိအောင် အရင် ပြုစုပျိုးထောင်ပါလေ။

Dr. တင့်ဆွေ
၉-၆-၂၀၁၀

Read more...

Q and A Contraceptives တားဆေး အမေး-အဖြေ

Q: ဆေးစားရင်းနဲ့ ကိုယ်ဝန်ရခဲ့ရင် ကလေးကို ထိခိုက်နိုင်ပါသလား သိပါရစေရှင်။ ကိုယ်ဝန်တားဆေးကို ပြောတာပါဆရာ။ Family Planning Pills 3 cycles Microgynon Fe အဲဒီဆေးတွေက လင်မယားတွေ အတူမနေခင် ကတည်းက စားရတာ ပါလား။ အတူနေမှစားပြီး ကိုယ်ဝန်ရခဲ့ရင် ကလေးနဲ့ လူကြီး ထိခိုက်မှာစိုးလို့ပါ။

A: ပဋိသန္ဓေတားဆေးတွေထဲမှာ Estrogen နဲ့ Progestogen ဟော်မုန်းနှစ်မျိုး ပူးတွဲပါတာကို COC လို့ ခေါ်တယ်။ Microgynon ဆေးက Progestogen-only pill (POP) ခေါ်တဲ့ ဟော်မုန်းတမျိုးတည်းပါ စားဆေးဖြစ်တယ်။ အမျိုးမျိုး ရှိတယ်။ ဒီဆေးကြောင့် သားအိမ်အဝရှိနေတဲ့ ချွဲကြိတဲ့ အရည်ကို ပြစ်စေးလာစေပြီး၊ ကျားသုတ်ပိုးကို သားအိမ်ထဲ မဝင်စေအောင် တားထားဆီးတယ်။ နောက်ပြီး သားအိမ် အတွင်းသား နံရံကို ပါးလွှာစေပြီး၊ သန္ခေဥတွယ်ကပ်ခြင်းကိုလည်း တားဆီးပေးတယ်။ ၉၉% ထိရောက်တယ်။

လစဉ်ရာသီ စလာတဲ့နေ့က ၅ ရက်မြောက်နေ့ကစ ဆေးသုံးရတယ်။ နေ့စဉ် ဆေး ၁ ပြားကို အချိန်မှန်မှန် ဆေးကပ် ကုန်တဲ့အထိ သောက်ရတယ်။ ဆေးကပ်ကုန်တာနဲ့ နောက်ထပ်တကပ် ဆက်သောက်ပါ။ ကလေးနို့တိုက်နေစဉ်လည်း သောက်နိုင်တယ်။ နို့ထွက်မနည်းစေပါ။ အသက်ကြီးရင်လည်း သောက်နိုင်တယ်။ ရာသီမလာမီဖြစ်တဲ့ လက္ခဏာတွေ ကိုလည်း သက်သာစေတယ်။

ရင်သားတင်းခြင်း၊ အရေပြားပေါ် အစက်အပျောက် ပေါ်ခြင်းတို့ဖြစ်စေတတ်တယ်။ ရာသီနည်းခြင်း၊ မလာခြင်း၊ ရှားရှားပါးပါး မျိုးဥအိမ် အကြိတ်အလုံးပေါ်ခြင်း ဖြစ်တတ်တယ်။ အခု ဒါမှမဟုတ် အရင်က ရင်သားကင်ဆာရှိနေရင်၊ ကိုယ်ဝန်ရှိနေရင်၊ အသဲနှင့် သဲခြေအိပ်ရောဂါရှိနေရင်၊ မျိုးဥအိမ် အကြိတ် အလုံးရှိဘူးရင်၊ (မိုင်ဂရင်း)အမူးရောဂါရှိရင် မသုံးသင့်ပါ။

ဆေးသောက်ပါလျက် ကိုယ်ဝန်ရှိတာ အတော်ကြီးနည်းတယ်။ ကိုယ်ဝန်ရှိပြီးမှ ဆေးသောက်လို့လည်း ဖြစ်နိုင်တယ်။ ဒီဆေးသောက်တာ ရက်မကျော်ရပါ။ အစပိုင်းလတွေမှာ ကြားရက် သွေးနဲနဲဆင်းတာ ဖြစ်တတ်ပေမဲ့ နောက်ဆို မဖြစ်တော့ဘူး။ ဆေးထဲမှာပါတဲ့ ဟော်မုန်းအနည်းအများက တိုင်းပြည်တခုနဲ့တခုမှာ မတူကြပါ။

ဆေးက ကိုယ်ဝန်ဖြစ်လာမှာကိုသာ တားဆီးတယ်။ ကိုယ်ဝန်ဖြစ်လာပြီးတာကို သက်ရောက်မှာ မဟုတ်ပါ။ ကိုယ်ဝန် ဆောင်နေတုံးမှာ ကိုယ်ကထုတ်ပေးနေတဲ့ ဟော်မုန်းတွေမှာ ဒါမျိုးလည်းပါတယ်။ ဒီဆေးသောက်မိရင် အချိုးအဆ ပြောင်းသွားစေနိုင်တယ်။ ဒါ့ကြောင့် ကိုယ်ဝန်မရှိမှ အသောက်ခိုင်းတာ။ မတော်တဆ သောက်ခဲ့ရင် ကိုယ်ဝန်-မိခင်ကို ထိခိုက်တာအတွက် သုတေသန လုပ်ထားတာ မတွေ့သေးပါ။

ကျန်းမာ-ချမ်းပါစေ။

Dr. တင့်ဆွေ
10-6-2010

Read more...

Gastric cancer အစာအိမ်ကင်ဆာ

“အစာအိမ်ကင်ဆာ” ကြောင့် တနှစ်မှာ လူပေါင်း ရှစ်သိန်း သေဆုံးနေရတယ်။ ကင်ဆာတွေထဲမှာ စတုတ္တအဖြစ်များဆုံး။ ကင်ဆာကြောင့် သေရတာထဲမှာတော့ ဒုတိယအများဆုံး။ တတိယနိုင်ငံတွေ၊ တောင်အမေရိက၊ အရှေ့ ဥရောပ၊ ဂျပန်၊ ကိုရီးယား၊ တရုတ် နိုင်ငံတွေမှာ ပိုဖြစ်တယ်။ ကျွန်တော်တို့နိုင်ငံက တတိယထဲမှာတင် ရှိသေးလား၊ စတုတ္ထအဆင့် တက်ပြီလား မပြောတတ်ဘူး။ နောက်ပြီး သွေးအုပ်စု A မှာ ပိုဖြစ်တယ်။ O က အစာအိမ်လေနာ။

ဖြစ်စမှာ ဘာမှ မခံစာရလို့ရှိပြီး၊ သိတဲ့အချိန်ဆိုရင် နောက်ကျနေပြီလို့ ပြောနိုင်တယ်။ အစာမကျေသလို၊ အစားပျက်သလိုနဲ့ စတယ်။ နောက်ကြမှ ဗိုက်နာ၊ ပျို့ချင်-အန်ချင်၊ ၀မ်းပျက်၊ စားပြီးဗိုက်ကယ်၊ လူကပိန်လာ၊ အားယုတ်လာတယ်။ ဒီအထိက သိပ်ထူးတယ် မထင်ရသေးဘူး။ သွေးယိုတာနဲ့ အစာမြိူဘို့ ခက်လာမှ သတိထားသူတွေလည်း ရှိတတ်တယ်။ သံဓါတ်နည်း သွေးအားနည်းရောဂါ ရှိမှ သိရသူတွေလည်း ရှိတယ်။

Gastritis အစာအိမ်ကို (ဗိုင်းရပ်စ်) ၀င်တာ၊ Peptic ulcer လေနာဖြစ်တာတွေနဲ့ ဆင်သလို၊ ရောလည်းနေတတ်တယ်။ Helicobactor poloris ဆိုတဲ့ (ဗက်တီးရီးယား) ကနေဖြစ်တာလို့ အများအားဖြင့် လက်ခံယုံကြည်ကြတယ်။ ဒါ့အပြင် (အော်တို-အင်မြူးန်) ဆိုတဲ့ ခုခံစနစ် ကမောက်ကမဖြစ်တာ၊ မျိုးဗီဇ (၁၀%) ဆိုတာတွေပါ ဆက်စပ်နေသေးတယ်။ စားတဲ့ အစားအစာ အမျိုးအစား အပေါ်မှလည်း မူတည်နိုင်တယ်။ လက်ညှိုးထိုးခံရတဲ့ အစားတွေကတော့ မီးကင်ထားတဲ့ အသား-ငါး၊ အချဉ်ဖေါက်ထားတဲ့ အသီးအနှံတွေ ပါတယ်။ ဍရင်ကောက်ပင်ကို ထင်ကြတာလည်း ရှိတယ်။ ဒါတွေက သူများ တိုင်းပြည်တွေမှာ စားလေ့ရှိတာတွေပါ။ ကိုယ့်ဆီမှာ သူတို့နဲ့ မတူတာတွေ စားနေကြတာကို သုတေသန မလုပ်နိုင်ကြလို့ မသိရဘူး။

(အိုင်အိုဒင်း) ဓါတ်ဆား နည်းလွန်း-များလွန်း ရင်လည်း ဖြစ်တတ်သေးတယ်။ ဆေးလိပ်-ဆေးရွက်ကလည်း ဖြစ်စေတဲ့ အထဲမှာ ပါတယ်။ အစာအိမ်အပေါ်ပိုင်း ကင်ဆာ ရှိသူတွေထဲမှာ ဆေးလိပ် သောက်သူက များနေတာ သိသိသာသာ တွေ့ရတယ်။ အရက်လည်း ပါတာပေါ့။ ဒီအကျင့်တွေ များတာကလည်း ယောက်ျားတွေဆိုတော့ မိန်းမတွေထက် ပိုဖြစ်ကြတယ်။

သိထားဘို့က ကင်ဆာလိုရောဂါတွေက ဖြစ်စေတာ တိတိကျကျ မသိရသေးသမျှ ဖြစ်နိုင်တယ်ဆိုတာတွေက အတော် များလှတယ်။ “ပစ္စည်းပျောက် ငရဲရောက်။” ထင်တာတွေ လျှောက်တွေးသလိုဘဲ။

သွေးအုပ်စု အေ ဖြစ်တာနဲ့လည်း အစိုးရိမ် မကြီးနဲ့အုံး။ ရောဂါ ရှိ-မရှိစစ်ဆေးဘို့ Gastroscopic exam အစာအိမ်ထဲ ကင်မရာပါတဲ့ကရိယာထဲ့ကြည့်တာ၊ Barium meal ဆေးမြိုပြီး ဓါတ်မှန်ရိုက်တာ၊ CT scanning ဗိုက်ကို (စကင်) လုပ်တာအပြင် အစာအိမ်ထဲက သံသယရှိတဲ့ အသားစ (တစ်ရှူး) ကို Biopsy လုပ်ရသေးတယ်။

အနု-အရင့် အဆင့်တွေခွဲတယ်။ ဒီဟာမှာ (၁) ကမစဘဲ၊ သုံညကစတယ်။ အစာအိမ်နံရံက လေးလွှာရှိတာ။ သုံညအဆင့်က အထဲဆုံး အလွှာမှာသာ ဖြစ်တာပါ။ ခွဲစိတ်နည်းနဲ့ ကုရတယ်။ Mucosal resection, Gastrectomy and Lymph-adenectomy တမျိုးမျိုး လုပ်တာပါ။

အဆင့် ၁။ နံရံ ၂-၃ ထပ်မှာ ရောက်နေတာကို သတ်မှတ်တယ်။ ဆိုင်ရာ Lymph nodes တက်စေ့တွေနဲ့ Omentum အမြှေးလွှာကိုပါ ခွဲစိတ်ထုတ်ပြစ်တယ်။ သေခြာအောင် 5-Fluorouracil ဆေးပေးတယ်။ ဓါတ်လည်းကင်ချင်ကင်မယ်။

အဆင့် ၂။ နံရံ ၂-၃ ထပ်မှာ ရောက်နေတာအပြင်၊ အနီးအနားက တက်စေ့တွေဆီကိုပါ ရောဂါရောက်နေပြီ။ ဒါမှမဟုတ် တက်စေ့မပါ လေးလွှာလုံး ရောက်နေတဲ့အဆင့် ဖြစ်တယ်။ အဆင့် ၁ ကို ကုသလိုဘဲ လုပ်ပေးတယ်။ သေခြာအောင် Neoadjuvant ကင်ဆာဆေးပါ ပေးတယ်။

အဆင့် ၃။ တတိယအလွှာနဲ့ ခပ်ဝေးဝေးက တက်စေ့တွေဆီပါ ရောဂါရောက်နေတဲ့အဆင့်။ ဒါမှမဟုတ် လေးလွှာလုံးအပြင် အနီးအနားက တစ်ရှူး (သရက်ရွက်၊ ဘေလုံး)၊ ပိုဝေးတဲ့ တက်စေ့တွေဆီအထိ ရောက်နေပြီ။ အဆင့် ၂ လိုဘဲ ကုပါတယ်။

နောက်ဆုံးအဆင့် ၄။ စောစောက အဆင့်တွေထက် ကျော်ပြီး၊ တခြားတက်စေ့၊ တခြားအင်္ဂါတွေဆီပါ ရောက်နေပြီ။ လေဆာနဲ့ ခွဲစိတ်တာ၊ 5-fluorouracil, Epirubicin, Etoposide, Docetaxel, Oxaliplatin, Capecitabine, Irinotecan ဆေးတွေ ပေးတယ်။

ဆေးပညာစာတွေ ရေးရတာက မမြင်ကွယ်ရာဖြစ်တာ၊ ရှက်စရာ သတ်မှတ်တာတွေလည်း ပါလို့ “အပြောမတတ်တော့ ဆဲသလို၊” မယဉ်ကျေးတာမျိုး ဖြစ်မှာစိုးရတယ်။ “ပရိတ်သတ် စုံတော့၊ ခြုံပြောရတာမို့ သိချင်တာနဲ့ ဒက်ထိမကျမှာမျိုး” ပါ သတိထားရတယ်။ နောက်ပြီး၊ စကားကြီး ခြောက်ခွန်းထဲက လေးခွန်းကို ပယ်ပြီး၊ အကျိုးရှိစေလိုလို့ နာလိုခံခက်ပါစေ၊ ပြောသင့်တယ် ဆိုပေမဲ့ ဆေးပညာစာ ရေးရတာမှာ တ၀က်သာ မှန်ပါလိမ့်မယ်။

လူနာကနေဖြစ်ဖြစ် လူနာ့အမျိုးက ဖြစ်ဖြစ် မေးလို့ဖြေတာနဲ့ ပညာ-ဗဟုသုတ လိုချင်သူအတွက် ဖြေရတာ မတူရဘူး။ ဖြစ်ကြောင်းကုန်စင် ရေးပြန်ရင် စိတ်ဓါတ်ကို ထိခိုက်စေနိုင်တယ်။ ထိန်ချန်တာလဲ ညာတာဘဲ။ စာတပုဒ်ကို ယေဘူယျ သဘောသာ ရေးရတာ။ အခြေအနေ မတူရင် ရောဂါဖြစ်စင် ကွဲလွဲတာ မပါဘဲနေမှာ စိုးရသေးတာ။ အကုန် ထည့်ပြန်ရင် လုံးချင်းစာအုပ် ထုတ်ရသလို ဖြစ်သွားနိုင်တယ်။ ဒီနေ့ခေတ်က သံခိပ်ရေးနည်းမှ ဖတ်ချင်သူများတယ်။

ရောဂါရှိမှန်း သိတဲ့နောက် အသဲကင်ဆာ ၆ လ၊ အစာအိမ်ကင်ဆာ ၁ နှစ်လို့ ရေးလိုက်ရင် လူနာကို ဆေးကုမပေးတဲ့ ဆရာဝန်က အဝေးကနေ နှိပ်စက်ရာ ကျနေမယ်။ ဆေးစာတွေမှာ ကံတရားကို မသင်ကြားပါ။ လောကမှာ ကံတရားက အခရာကျတယ်။ “လူတိုင်း ကံကောင်းကြပါစေ” လို့ ဆုတောင်းပါတယ်။

Dr. တင့်ဆွေ
၁၁-၆-၂၀၁၀

Read more...

Q and A on LSCS ဗိုက်ခွဲမွေးရခြင်း

Q: ကလေးမွေးရင် ဗိုက်ခွဲစိတ်မွေးတာနဲ့ ရိုးရိုးမွေးတာ ဘယ်ဟာက ပိုကောင်းလဲဆိုတာ သိချင်ပါတယ်။

A: အဖြေကတော့ ရှင်းပါတယ်။ ဆန်းတာတိုင်းက ရိုးတာထက် နေရာတကာမှာ မသာပါ။

ကလေးမီးဖွါးတာမှာ Normal labor ဆိုတဲ့ မွေးလမ်းကြောင်းကနေဖွါးတာက အကောင်းဆုံး ဖြစ်ပါတယ်။ မွေးလမ်းကြောင်း ကနေတောင်မှာ ဘာအကူအညီမှ မပါဘဲ၊ ဓမ္မတာ-ထုံးစံအတိုင်း မွေးနိုင်တာက (ပါဖက်) ဖြစ်တယ်။

မွေးလမ်းကြောင်းကနေ မွေးရာမှာ တခါတလေ ကူရတာတွေ ရှိတယ်။ သားဦး မွေးရင် မွေးလမ်းကို Episiotomy ချဲ့ပေး-ပြန်ချုပ်ပေး ရတာ။ သားအိမ်ညှစ်အား နည်းနေရင် Oxytocin (Syntocinon) ဆေးကို Drip ထဲထည့် သွင်းပေးရတာ။ ကလေးခေါင်းထွက်တာ ကြာမနေစေချင်လို့ Forceps delivery ညှပ်ဆွဲ၊ Vaccum extraction လေစုပ်စက်နဲ့ ဆွဲကူ မွေးပေးရတာ။ လုံးဝ အနာမခံချင်လို့ Epidural delivery ဆိုတဲ့ ခါးထုံဆေးနဲ့ မွေးပေးတာလည်း ရှိသေးတယ်။

ရိုးရိုးမဟုတ်နိုင်လို့ ခွဲမွေးရတာမှာ “ဘာလို့ ခွဲမွေးရသလဲ။” “မခွဲရင် မရဘူးလား။” “တကယ်ကို မရဘူးလား” ဆိုတာတွေ သိရလိမ့်မယ်။ မခွဲရင်လည်း ရတယ် ဆိုတာနဲ့ ခွဲကိုခွဲရမှာ နှစ်မျိုးရှိတယ်။ တချို့က နေ့ကောင်းရက်သာရွေး ခွဲမွေးချင်သူ တွေလည်း ရှိတတ်တယ်။ တခါတလေ ဆရာဝန်က စိတ်မရှည်လို့၊ Risk ကို နဲနဲလေးမှ မယူချင်လို့ ခွဲတာလည်း ရှိတယ်။ တချို့တိုင်းပြည်၊ တချို့ဆေးရုံ-ဆေးခန်းတွေကတော့ ခွဲပေးရင် လူနာဆီက ငွေပိုယူလို့ရတာမို့၊ လုံလောက်အောင် အချိန် မစောင့်ဘဲ ခွဲတာလည်း တကယ်ရှိပါတယ်။

မွေးလမ်းကနေ မွေးမရလို့ ခွဲရတာမှာ တခြား ရွေးစရာလမ်း မရှိတာမို့ ခွဲမွေးတာ အကောင်းဆုံး ဖြစ်တယ်။ CPD ကလေးခေါင်းနဲ့ မိခင်မွေးလမ်း မတန်တဆ ဖြစ်တာ။ ဒါမှာလည်း ၂ မျိုး။ မအေရဲ့ အရိုးကွင်းက ကျဉ်းနေတာနဲ့ ကလေးက ပုံမှန်ထက် ခေါင်းက ကြီးနေတာ။ ဒီအခြေအနေ နှစ်ရပ်လုံးက ခွဲကိုခွဲရမယ်။

နောက်တမျိုးက အချင်းဟာ ပုံမှန်ရှိရမဲ့ သားအိမ်အ၀နဲ့ ဝေးရာမှာ မဟုတ်ဘဲ၊ အောက်ပိုင်း ရောက်နေတာ။ အချင်းက သားအိမ်အ၀ကို အပြည့်ဖြစ်ဖြစ်၊ တစိတ်တပိုင်း ဖြစ်ဖြစ် လာဖုံးနေတာမျိုး။ အချင်းရှေ့ရောက်လို့ ခေါ်တယ်။ မွေးခါနီးလို့ သားအိမ်အ၀ ကျယ်လာတာနဲ့ အချင်း ကွာလာပြီး၊ ကလေးမမွေးခင် သွေးတွေဆင်းတာမျိုး။ APH ခေါ်တာပေါ့။ မမွေးမီ သွေးဆင်းခြင်း အကြောင်းတရား တွေထဲက အရေးအကြီးဆုံး။ ဒါကို Ultrasound မှာ ကြိုသိထားနိုင်တာမို့၊ ရက်ရွေးပြီး၊ အေးအေးဆေးဆေး ခွဲမွေးပါလေ။

ကလေးအနေအထား ပုံမှန်မဟုတ်တာ၊ ရိုးရိုးမွေးဘို့ ကြိုးစားရင်း အချိန် ပိုမစောင့်သင့်တာ။ မိခင်ဖြစ်ဖြစ် ကလေးဖြစ်ဖြစ် တခုခုဖြစ်လာလို့ မွေးလမ်းကနေ မွေးအောင် အချိန် မစောင့်သင့်တော့တာ။ ဟိုကဆက်နေ-ဒီကဆက်နေ၊ ထူးဆန်းတဲ့ ကလေးဖြစ်နေတာ၊ ဒါတွေမှာလည်း ခွဲတာကောင်းတယ်။

တခုမှတ်ဘို့က တခါ ဗိုက်ခွဲမွေးရတိုင်း နောက်လည်း ခွဲရမယ်ဆိုတာ နေရာတိုင်းမှာ ယူဆလို့မရပါ။ အရင်တခါ ခွဲတုံးက ဘာအကြောင်းကြောင့် ခွဲရလည်း အပေါ်မှာ မူတည်တယ်။ အချင်းရှေ့ရောက်လို့ ခွဲထားရသူဟာ နောက်ကိုယ်ဝန်က ပုံမှန်ဖြစ်ပြီး ရိုးရိုးမွေးလို့ရတယ်။ ကလေးအနေအထား ဆိုတာလည်း တခါပုံမှန်မဟုတ်တိုင်း အမြဲမှား မနေတတ်ပါ။

ခွဲမွေးတာဖြစ်ဖြစ် အနာလေးတခု ခွဲရတာဖြစ်ဖြစ် အနည်းနဲ့အများ သတိထားရတာတွေ ချည်းပါဘဲ။ ခွဲစိတ်ခြင်း အန္တရာယ်တွေက ခွဲစိတ်မှု ကြီးကြီးသလို၊ လုပ်တာကိုင်တာ ပေါ့ဆရင် ပေါ့ဆသလို ရှိနိုင်တယ်။

ခွဲမွေးရတဲ့အတွက် အားသာချက်တွေလည်း ရှိပါတယ်။ ရက်၊ အချိန်၊ ရွေးမွေးနိုင်တယ်။ တတိယကလေးခွဲရရင် တခါတည်း သားကြော ဖြတ်ပေးနိုင်တယ်။ မွေးလမ်းကြောင်းဟာ အမေမွေးတဲ့အတိုင်းသာ ရှိနေမယ်။

Dr. တင့်ဆွေ
၁၃-၆-၂၀၁၀

Read more...

Diarrhea ၀မ်းတလုံးကောင်း ခေါင်းမခဲ

မဖြစ်ဘူးသူ မရှိတဲ့ ရောဂါတွေထဲမှာ အဖြစ်အများဆုံးက ဘာလဲ။ မှန်အောင်ဖြေနိုင်သူတွေရော မှားသူတွေပါ ၀မ်းလျှောတာ မကြာမကြာ ဖြစ်ကြရတယ်။ ဘယ်ဆေး သောက်ရမလဲကိုလည်း လူတိုင်းလိုလိ်ုက ဆေးနည်း ပေးတတ်ကြသေးတယ်။ အရင်ကဆို ဗမာပြည်မှာ (သာလာဆပ်) သောက်ခိုင်းကြမယ်။ နောက်ပိုင်းလူတွေက ပိုသိလာကြတာမို့ ORS ဓါတ်ဆား ထုပ်ကို ညွှန်းမယ်။ စေတနာ ပိုသူတွေက (မက်ထရို) ကိုပါ အသောက် ခိုင်းချင်ခိုင်းလိမ့်မယ်။ မသိတသိနဲ့ နည်းနည်း သိတာတွေထဲက လွဲတာတွေ့ရင် ပြင်နိုင်အောင် ရေးပါရစေ။

ရောဂါနာမည်တွေက Diarrhea, Loose motion, GE, Traveler’s diarrhea အမျိုးမျိုး ခေါ်ပါတယ်။ တနေ့မှာ ၃ ခါထက် ပိုသွားရင် ၀မ်းလျှောတာလို့ WHO က ဦးတိကျတွေက သတ်မှတ်ပါတယ်။ အမှန်ကတော့ လူတိုင်း ကိုယ့်အကျင့်နဲ့ ကိုယ် ရှိကြတာပါ။ သွားနေကြထက် “ပိုရင်၊ ပြောင်းရင်” တခုခုဖြစ်ပြီလို့ သိလိုက်ပါ။ တခုခုလုပ်ပါ။

ဝမ်းပျက်-၀မ်းလျှော ကို (ဗိုင်းရပ်စ်) ပိုးကြောင့်က အများဆုံး ဖြစ်စေတယ်။ အများဆုံးဆိုတာ တကယ့်အများဆုံး။ ၁၀ ခါ ဖြစ် ၉ ခါ ဖြစ်စေတာ (ဗိုင်းရပ်စ်)ပါ။ ကြုံတုံးရေးရအုံးမယ်။ (ဗိုင်းရပ်စ်) ကြောင့်ဖြစ်တဲ့ တခြားရောဂါတွေကလည်း များတယ်။ HIV ပိုး၊ အသဲရောင် A, B, C ပိုး၊ တုပ်ကွေး၊ အအေးမိ၊ ကျောက်၊ ဦးနှောက်မြှေးရောင်၊ ၀က်သက်၊ ကြွက်နို့၊ (ပိုလီယို)၊ ခွေးရူး၊ စတာတွေပါ။ (ဗိုင်းရပ်စ်) ဆိုတဲ့ အင်မတန် သေးငယ်လွန်းလှတဲ့ ဒီအကောင်ကို အလွန်မတန် နာမည်ကြီးလှတဲ့ ဆရာဝန်တွေတောင်မှ မနိုင်ကြသေးပါ။

Virus ကြောင့် မဟုတ်ရင် (ဗက်တီးရီးယား) ကြောင့် ၀မ်းပျက်စေပါတယ်။ ဘယ်က၀င်သလဲ။ ပါးစပ်ကနေ၀င်တာ။ ပါးစပ်ထဲ ဘာထည့်ကြလဲ။ အစားအသောက်နဲ့ ရေ။ ကလေးငယ်ဆိုရင် တွေ့ကရာထည့်တာ။ ဘယ်အကောင် ၀င်လာလာ အူသိမ်ကို ရောင်စေတယ်။ အစာအိမ်ရော အူပါ ရောင်ရင် GE ခေါ်တယ်။ ရောင်လာရင် လှုပ်ရှားတာ ပိုမြန်လာတယ်။ အူတွေ လှုတ်လွန်းတာ နားကြပ်မပါဘဲ လူနာကိုယ်တိုင် သိတယ်။ ဗိုက်နာမယ်။ စားလိုက် သောက်လိုက်တဲ့ အစာနဲ့ ရေကို ကောင်းကောင်း စုပ်မယူနိုင်တော့ဘဲ၊ ၀မ်းထဲပါသွားမယ်။ ၀မ်းသွားရတဲ့ အကြိမ်တွေ များမယ်။

လူဆိုတာက ရေကို စုပ်တာဖြစ်ဖြစ်၊ ထုတ်တာဖြစ်ဖြစ် ဆားပါမှ လုပ်နိုင်တာ။ ရေတွေထွက်တော့ ဆားတွေပါ ထွက်တာပေါ့။ ဒါ့ကြောင့် ၀မ်းလျှော-၀မ်းပျက်ရဲ့ မကောင်းကျိုးဆက်ဟာ ရေဓါတ်-ဆားဓါတ် ဆုံးရှုံးတာ ဖြစ်တယ်။ ၀မ်းသွားရင်း ရေတွေ အများကြီး ပါသွားတာက ကောင်းကျိုး တမျိုးတော့ ရတယ်။ ပိုးတွေပါ ပါသွားတာကိုး။ ဒါ့ကြောင့် ၀မ်းပိတ်ဆေးကို အလွယ် မသုံးသင့်ကြဘူး။ ပြောခဲ့သလို (ဗိုင်းရပ်စ်) ကို သတ်တဲ့ဆေးက မရှိဘူး။ ဓါတ်ဆားထုပ်သာ အရင်လုပ်ပါ။

ဆေးလိုလို့ သုံးရင် Loperamide (Imodium, Kaopectate II) ကို ၄ မီလီဂရမ်၊ ၂ ပြား စသောက်ပြီး၊ ၀မ်း ၁ ခါ သွားတိုင်း၊ ၁ ပြား သောက်နိုင်တယ်။ အာခေါင်ခြောက်၊ ခေါင်းနဲနဲမူးတာသာ ဖြစ်တတ်တယ်။ Lomotil ကိုတော့ တခါသောက် ၂ ပြား၊ တနေ့ ၃-၄ ကြိမ်။ တခြား ဆေးတွေကတော့ Bismuth Subsalicylate, Diphenoxylate and Atropine, Tincture of Opium (ဘိန်း)၊ Charcoal (မီးသွေး) စတာတွေ ဖြစ်တယ်။ ဘိန်းလည်း အရမ်းမစားနဲ့ မီးသွေးလဲ အရမ်းမ၀ါးနဲ့။

ဝမ်းသွားတာအပြင် နဲနဲဖျားတာ ရှိမယ်။ သွေး-အကြိအချွဲပါမယ်၊ တပြည်တရွာ သွားရင်းဖြစ်မယ် ဆိုရင် (ဗက်တီးရီးယား) ကြောင့် ဖြစ်နိုင်တယ်။ ORS အပြင် ပိုးသေစေမဲ့ဆေးကို သေခြာပေါက် သောက်ရမယ်။ Septrin လို့ လူသိများတဲ့ဆေး Co-trimoxazole ကို (ဆာလ်မိုနဲလား) ကြောင့် ဝမ်းပျက်တာ။ (ရှီဂဲလား) ဝမ်းကိုက်တာတွေမှာ သုံးနိုင်တယ်။ ၂ နှစ် အောက် ကလေးတွေကိုတော့ မပေးသင့်ဘူး။ ဒီဆေးက ယေက်ျား ဆီးအိမ်-ဆီးကြိတ်ရောင်၊ ကျောက်ကပ်ပြွန်ရောင်၊ ဆိုင်းနပ်စ်၊ နားကိုက်တာတွေ အတွက်ပါ သုံးပါသေးတယ်။

Furazolidone ဆေးကိုတော့ (ဂိုင်ယာဒီးယား) ပိုးဝင်လို့ ဝမ်းပျက်တာ၊ (ဗက်ဆလရီ) ဝမ်းကိုက် နဲ့ ခရီးသွား ဝမ်းပျက်တာ တွေအတွက် ပေးနိုင်တယ်။

Metronidazole (မက်ထရို-နိုက်ဒါဇိုးလ်) ဆိုတဲ့ဆေးက ရောဂါအတော်များများအတွက် သုံးနိုင်တယ်။ (GE) အစာလမ်း ရောင်တာ၊ ခရီးသွားဝမ်းပျက်တာ၊ (ဂိုင်ယာဒီးယား) ပိုးဝင်လို့ ဝမ်းပျက်တာ၊ (အမီးဘား) ဝမ်းကိုက်တာ၊ (အမီးဘား) သွားဖုံး ရောင်တာ၊ (အမီးဘား) အသဲပြည်တည်တာ၊ လေမကြိုက်တဲ့ပိုးကြောင့် အူမကြီးရောင်တာ၊ မွေးလမ်းကြောင်း ရောင်တာ၊ တင်ပါးဆုံအတွင်း အင်္ဂါတွေ ရောင်တာ၊ ဦးနှောက် ပြည်တည်နာ၊ ဆီးပြွန်ရောင်တာတွေ အတွက်ပါ ပေးတယ်။ ရောဂါ မတူရင် ဆေးအဆ မတူပါ။ ၁ ပြား ၃ ကြိမ်ကနေ ၂ ပြား ၃ ကြိမ်အထိ ပေးရတယ်။ ကိုယ်ဝန် နုသေးရင် မပေးသင့်ဘူး။ နို့တိုက်နေရင် နို့ထဲပါတယ်။ ဘေးထွက်ဆိုးကျိုး အမျိုးမျိုးရှိတယ်။ ပျို့-အန်၊ ဗိုက်နာ၊ ဆီးနီ၊ အစားပျက်၊ ကိုယ်ပူမယ်။ တကယ် မလိုဘဲ မသောက်ပါနဲ့။

ORS ဓါတ်ဆားထုပ်ကို ပါးစပ်ကနေ နိုင်အောင် ဖြည့်မပေးနိုင်ရင် သွေးကြောထဲကနေ သွင်းရမယ်။ လူကို ကြည့်ရင် ပြော့ခွေနေမယ်။ မျက်တွင်းချိုင့်-ငယ်ထိပ်ခွက်နေမယ်။ လက်နဲ့ ဗိုက်က အရေပြား မ, ကြည့်ရင် တော်တော်နဲ့ အောက်ကို ပြန်မကျဘူး။ ခြေ-လက် အေးစက်နေမယ်။ လက်ကောက်ဝတ် သွေးခုန်တာ စမ်းလို့ခက်၊ စမ်းမရဖြစ်မယ်။ သွေးဖိအားကျ၊ တိုင်းမရ။ အရေးကတော့ ပေါ်ပြီ။ အသက်လုရပါတော့မယ်။

RL ဆိုတဲ့ Drip က ORS ပါဘဲ။ များများသွားရင် မြန်မြန်သွင်းပါ။ အကြိမ်များတာထက် ပြောခဲ့တဲ့ လက္ခဏာတွေက ပိုအရေးကြီးတယ်။ သွင်းတာ နှေးသေးရင် နှစ်လုံး တပြိုင်နက် သွင်းပါ။ တခါတလေ လက်နှစ်ဖက်၊ ခြေနှစ်ချောင်းကနေ Drips လေးစင်း တပြိုင်ထဲ သွင်းရတတ်တယ်။ ဒါမှ လေးဘက်နာတာ။ GE နဲ့ ကာလ၀မ်းလိုဖြစ်ရင် လုပ်ရတတ်တာမျိုး။

Cholera ကာလ၀မ်း ဖြစ်စေတဲ့ အကောင်တွေကနေ အဆိပ်လိုမျိုးပါ ထုတ်တယ်။ Secretory diarrhea ခေါ်တယ်။ အူနံရံက (ဆဲလ်) တွေထဲက ရေတွေပါ ထွက်သွားစေတယ်။ ကပ်ရောဂါတခု ဖြစ်တယ်။ အမြန်ကူးစက်လို့၊ နေရာတခုမှာ လူတွေ အများကြီးလာ ဖြစ်တယ်။ ရေနဲ့ဓါတ်ဆား နိုင်အောင် ပြန်မဖြည့်နိုင်ရင် သေတယ်။

ရွာတရွာမှာ ကာလ၀မ်းဖြစ်တယ်။ တချို့သေကုန်ကြပြီ။ အဖိုးကြီးတယောက် သားတွေ၊ သမီးတွေက အစားအသောက် ဆင်ခြင်ဘို့ ပြောတာ နားမထောင်ဘူး။ သူ့မှာ အားကိုးစရာ ရှိတာကိုး။ ဗေဒင်က “သူများသတ်လို့သာ သေရမယ်” လို့ ဟောထားတာ။ ၀မ်းရောဂါကအစ ဘာရောဂါမှ ဂရုစိုက်စရာ မလိုဘူးပေါ့။ ကူးပါလေရော၊ ဖြစ်ပါလေရော။ သေပါလေရော။ ကာလ၀မ်းမို့ ချက်ချင်း သင်္ဂြိုလ်ကြရတယ်။ အကာလညအခါ ဖျာလိပ်ထဲမှာထည့် သင်္ချိုင်းကုန်းပို့ရတယ်။ သုဘရာဇာများက မူးချိန်ပေါ့။ အဖိုးကြီးအလောင်း တွင်းထဲပြစ်ချ၊ အရက် ဆက်ချနေလိုက်ကြတယ်။ အဖိုးကြီးက တကယ် မသေသေးဘူး။ Coma-like state မြောနေတယ် ခေါ်တာမျိုးပေါ့။ သတိပြန်ရလို့ မြေကျင်းထဲက ထလာတော့တယ်။ အရက်မူးမူးနဲ့ သုဘရာဇာတွေက တစ္ဆေမှတ်ပြီး၊ ပေါက်ပြားနဲ့ ခေါင်းချလိုက်တာ အခုမှ တကယ်သေပါလေရော။ မှန်လိုက်တဲ့ ဗေဒင်။

ဝမ်းရောဂါ ကင်းစင်ကြပါစေ။

Dr. တင့်ဆွေ
၁၄-၆-၂၀၁၀

Read more...